✿｡◕‿◕｡✿網絡擠塞

昨晚台灣附近發生地震後，電訊局證實，本港的對外電訊服務，包括經互聯網接駁至海外網站、國際直撥電話(IDD)及漫遊電話服務均受到地震影響。電訊局發言人表示，昨日約十二時二十六分(協調世界時間)...

台灣地震，互聯網服務大受影響，好多人上唔到網，不過我用有線又一啲事都冇喎，只係慢咗少少，ＩＣＱ上到，ＭＳＮ上到，Ｙａｈｏｏ上到，ｘａｎｇａ上到，ｙｏｕＴｕｂｅ都上到喎，有線寬頻平日服務麻麻，今次終於威番次，好嘢呀～公司用和記（一定係和記啦，唔通係老電咩），連ｙａｈｏｏ都上唔到，喺公司想蛇王都唔得．．．．不過屋企上到咁又點，都冇乜人上到，個卜都冇人睇～人影都唔多隻．．．

點解公司反而上唔到呢？據我呢個半個行內人所了解，因為今次係過海電纜（IPLF)出事，好多時ＭＳＮ，　ＧＭＡＩＬ等公司server係喺外國，所以倚靠過海電纜，而大公司所用嘅互聯網服務，通常比較貴，唔同一般broadband咁localize，係數據線（data)，好多時係過海，所以今次出事就反而中招囉．．．．．

✿｡◕‿◕｡✿聖誕日^_^

今日去咗睇傷城，係因為想睇梁朝偉，金城武，佢哋真係得，不過故事好鬼＜無間道＞ｆｅｅｌ，梁朝偉做戲真係好掂，金城武則好型仔，套戲只屬一般，可以一看～

 

之後去食晚餐，為了唔駛同人迫，所以６：００就去吃，又係搵笨餐，可能因為我唔食牛肉嘅關係，龍脷柳同牛柳差唔多價錢真揾笨～

今次記得影低啲食物嘞～
有頭盤

 

有湯

有main course

有Cheese cake同飲品，但Cheese cake唔掂～

 

今早我房門口隻聖誕襪內有一佰大元，因為我尋晚話想希望有一百蚊，阿爸真係俾，我又真係要咗，好冇用～

✿｡◕‿◕｡✿購物日@_@

今日雖然是平安夜，但我沒有出去同人迫，因為我怕迫，只係同朋友仔去食吓飯，首先係買盒餅俾啲同事食，因為啲同事興請食朱古力，咁我呢啲唔高唔低嘅都要請食嘢，

呢盒餅$77有１４塊，即係五個幾一塊，其實好唔好食都唔知，

只係日本嘢應該ｏｋ，而且太平會俾人背後話，因為呢度啲人都幾勢利

．．．．

然後去買衫，今次收穫好豐富，但個荷包就傷過救傷車喇～

 

 

✿｡◕‿◕｡✿聖誕禮物

 

尋日我個好同事送咗份聖誕禮物俾我，好surprise，係Boots嘅產品，有body cream, shower jel, hand cream，係我至鍾意嘅玫瑰花味，香香

由於佢話哂都係我下屬，我唔係好想欠佢人情，所以又要諗吓送番啲咩俾佢，諗到就諗啦，諗唔到就留番新年先啦！

今日出Bonus 封信，估唔到未到quarter end 都炒人，聽聞唔知一件定兩件被炒，不過我今次冇上次咁震撼同sad，可能因為果個人係坐得比較遠，又或者正如我同事所說，會習慣的？我開始變得麻木不仁了～
聽聞其中一位被炒嘅同事下星期放假，所以因為咁今日俾定封信佢，即係話唔好諗住避得過，是福不是禍，是禍躲不過．．．．．．．

最新消息暫時證實是兩個...........唔係即炒，要做埋今年，除非攞咗假~

✿｡◕‿◕｡✿繁體字與簡體字

 

到外國旅遊，我總愛購買介紹當地名勝的書籍，當中有英語，日語和中國語等不同方言，我會選舉中文或英文，要視乎中文是繁體字與還是簡體字，我對簡體字的寫及看都只是略懂程度，但閱讀簡體字的書籍是有困難的，在圖書館，你會看到很多簡體字書籍，但我從不會借閱．

也許很多人認為現在只有台灣和香港用繁體字，香港作為中國的一部分都應該跟隨中國使用簡體字，不過我對簡體字沒有好感，因為中國人最初製造繁體字是根據其音調和意義而創造出來的，現今簡體字把字形簡化，失去了造字的意義，例如：觀．歡．難，簡體字是观．欢．的又字為什麼可以用在难字呢？奈何新的一代根本無辦法接觸繁體字，對字的意義,創造的起源，可能永遠都不會知道，所以我覺得簡體字運作，簡直是中國文化的可悲~

✿｡◕‿◕｡✿藍莓芝士蛋糕

尋日放最後一日annual leave， 一早公司有人打電話嚟問嘢，好煩，想殺人，之後陪阿媽去婆婆度俾錢佢過冬，話咁就快一年．．．．．

午飯去咗大排檔食雲吞河，雲吞河同奶茶呢家嘢，幾時都係大排檔或茶餐廳好，之後再去Pie & Tart買了兩件Blueberrry cheese cake $16，好大件好抵食，因為是美式焗芝士味夠濃，抵食過Cake Box好多!!!不過大家都好味道！！！

 

Pie & Tart 好大件，好厚

Cake Box 好細件

自從天氣轉冷之後，我個鼻未好過，日日都痛又好多鼻水，非常疲倦

✿｡◕‿◕｡✿北歐--丹麥(八)

哥本 哈 根 歌 劇 院

歐洲最現代化的歌劇院在哥本哈根。２００４年１０月，丹麥最大企業馬士基公司所有的家族基金會將新落成的哥本哈根歌劇院等移交國家，皇家劇院在２００５年１月１５日首次上演歌劇和芭蕾舞。

新歌劇院得天獨厚，座落在哥本哈根內港的船塢島，與馬格麗特二世女王的宮殿阿瑪連堡，一水之隔，遙遙在望。

 

 

皇家劇院

皇家劇院是菲特烈五世於1748年建造，在國王新廣場的夏洛登堡旁邊。意大利文藝復興式的歌劇院由V.Dahlerup和Ove Petersen設計，建於1872至1874年間劇院內裝潢華麗，特別採用了精緻的木雕，繒畫和雕塑大門兩旁的雕像正是劇作家Adam Oehlenschlager和喜劇作家Ludvig Holberg。

 

 

✿｡◕‿◕｡✿贈品

今日去apm食晏喺唔係地鐵站條天橋見到有三個公仔好得意，

 

起碼靚過場內的聖誕裝飾，今年apm的聖誕裝飾可算是大型商場之中最唔掂的，我個人認為真係好核突，

 

其實去apm主要目的係換領贈品，是Mickey Mouse X’ams 版膠的手挽袋， 凡於十一月廿四日至一月十日期間用渣打

VISA累積簽滿$3000，就可以換一個，每人最多可換兩個，個袋啲質地有啲似英國Harrords的膠袋，是OL可以帶飯的大小，不過有陣膠味，（Harrords啲袋冇膠味，而且冇咁硬身，不過算啦！Harrords要成兩舊水一個，家陣呢個唔駛錢，而且個圖案都唔錯嘅．．．

✿｡◕‿◕｡✿北歐--丹麥(七)

市政廳

證券交易所

證券交易所經常被視為哥本哈根最引人矚目的建築之一，這座美麗的文藝復興風格建築也是克里斯蒂安四世和建築師共同創建的，１６２５年完工這座建築長１２７米，分上下兩層，底層是為城內商人準備的儲藏室，樓上有３６個攤位，交易所外牆裝飾著縱橫交錯的曲線圖案和沙石浮雕。１９０６年進行了最近一次修復，然而最有名的是其奇特的尖頂，它是根據國王的想起由四條盤旋的龍尾互相纏繞組成的。

１７４５年在建築師Nicolai Eigtved的指導下進行了徹底翻新，商業保護神墨丘利和海神奈普騰的雕像就建於此時，１８５７年大型交易廳裝脩完畢，直到１９７４年一直是哥本哈根證券交易所，當時是世界上仍在使用的最古老證券交易所。

 

 

✿｡◕‿◕｡✿北歐--丹麥(六) 美麗的美人魚像

絕 不 可 放 過 海 濱 徒 步 區 連格林路(Langelinie)， 因 為 這 裡 可 看 到建 於 海 濱 的 美 人 魚 像 (Little Mermaid) ， 她 可 說 是 丹 麥 的 標 記 。如 你 沒 到 這 裡 拍 照 就 不 能 對朋 友 說 你 到 過 哥 本 哈 根 呢 ！各 地 遊 客 爭 相 拍 照， 那兒人很多， 而 且 很 擠， 由 於美 人 魚 像 座 落 於 海 濱 旁 邊 的 碎 石 上，所 以 拍 照 時 得 要 小 心 一 點，以免 掉 進 水 裡。

這座馳名世界的美人魚像，座落在海濱的一塊岩石上，是（E.Eriksen 1876-1959)的銅鑄作品，美人魚的頭部，曾經遭人偷竊，尋回後重新接合，這個美人魚像其實很細小，只有　１．２５米，那是因為是按照人的比例１：１的製造出來，所以只有人的大小，那是因為這座雕像取材於安徒生童話《海的女兒》，小美人魚瘋狂地愛上人間王子，導致悲慘結局，美 人 魚 像 名氣響噹噹，可能是因為這故事既甜蜜又不憂傷！

我也買了一個 小小的美人魚像返家留念，不過金色部分其實是膠，而不是銅．．．．

 

✿｡◕‿◕｡✿北歐--丹麥(五)童話大師安徒生像

 

 

安 徒 生像~

當 然 ， 新 港 最 引 人 注 目 的 ， 是 童 話大 師 安 徒 生 住 過 的 房 子 。 從 一 八 三 四 年 至 一 八 三 八 年 ， 安 徒 生 住 在 新 港 運 河 右 側 二 十 號 的 公寓 ， 在 一 八 三 五 年 在 這 所 房 子 寫 出 他 的 第 一 部 世 界 著 名 童 話 。


安 徒 生 (Hans Christian Anderson) 在 1819 年9 月5 日 生 於 哥 本 哈 根，在 一 生 中 為 孩 子 寫 了 212 個 童 話 ，包 括 最 經 典 的《海 的 女 兒 》 、 《 國 王 的 新 衣 》 、 《 美 人 魚 》 、 《 醜 小 鴨 》 、《 賣 火 柴 的 女 孩 》 、《 拇 指 姑 娘 》 、 《 夜 鶯 》 、 《 勇 敢 的 小 錫 兵 》 及 《 豌 豆 公 主 》 ， 每 一 個 都 藏 有 啟 迪 心 智 的 深思 哲 理 。 他 的 童 話 被 譯 成 145 種 語 言 ， 印 刷 數 量 超 過 莎 士 比 亞 的 作 品 ， 僅 次 於 《 聖 經 》 ， 風行 世 界， 那 歷 久 彌 新 的 魅 力 ， 讓 億 萬 兒 童 和 成 人 著 迷， 影 響 力 可 想 而 知 。在 哥 本 哈 根 當 然 會 看到 安 徒 生 像 啦 。

✿｡◕‿◕｡✿北歐--丹麥(四)

哥 本 哈 根 的 新 港 (Nyhavn) ，是 一 條 人 工 運 河 ， 建 於 十 七 世 紀 。1671 年 完 工 ，目 的 在 於 加 強 哥 本 哈 根 市 中 心 的 商 業 活 動 ，有 250 年 歷 史 的 紅 黃 藍 各 色 的 房 子 水 中 的 倒 影 和 碼 頭 停 泊 的 老 式 木 船 相 映 成 趣， 彩 色木 屋 沿 河 而 建 ， 從 高 處 眺 望 像 一 間 間 漂 亮 公 整 的 積 木 屋 ， 在 燦 爛 陽 光 的 照 射 下 ， 河 水 泛 出 閃爍 的 光 芒 ， 充 滿 童 話 的 夢 幻 感 。

早 期 的 新 港 ， 僅 為 海 員 熟 知 。 那時 的 新 港 是 餐 館 和 酒 吧 的 象 徵 ， 海 員 來 這 裡 買 醉 嫖 妓 ， 醉 醺 醺 的 海 員 經 常 打 架 鬥 毆 ， 摔 碎 酒瓶 的 聲 音 通 宵 可 聞 。 今 天 的 新 港 ， 當 然 已 是 面 目 全 新 。 能 曬 到 太 陽 的 一 側 已 變 成 步 行 街 ， 古老 的 海 員 酒 吧 已 被 餐 館 取 代 。

✿｡◕‿◕｡✿聖誕

今日天氣涼了很多

 

，下午去逛街，所以商場都佈置了聖誕裝飾，由於天氣轉涼，更加有聖誕氣氛

 

不過我覺得最靚的是又一城以Swarovski水晶石為主題的聖誕裝飾

Swarovski水晶石

幾層樓高嘅聖誕樹

在又一城見到不少畢業生影畢業照，不知道我在什麼時候可以有這個機會呢？

 

屋企都擺隻加菲做裝飾～

我今日又食芝士蛋糕，呢個禮拜好似日日都食．．．

 

✿｡◕‿◕｡✿北歐--丹麥(三)

失敗之作~好黑....

呢張好啲~

王 宮 入 口 有 御 林 軍 把 守 ， 平 日 若 女 王 在 家 ， 可 以 看 到 丹 麥 國 旗 升 起 ， 中 午 更 有 盛 大 的 步 操 和 交 接 儀 式 。 這 些 皇 家 衛 兵 ， 個 個 很 高 大，約 一 點 九 米 左 右 ， 頭 戴 熊 皮 帽 ， 身 穿 黑 上 衣 ( 節 日 時 穿 紅 上 衣 ) 、 金 紐 扣 ， 藍 褲 子 、 白 條 邊 、 腳 蹬 大 皮 靴 ； 身 前 交 叉 著 白 背 帶 ， 身 後 掛 著 劍 和 子 彈 匣 。

根 據 設 計 ， 這 四 座 宮 殿 的 前 面 有 一 個 八 角 形 廣 場 ， 並 且 請 法 國 雕 塑 家 Saly 製 作 菲 特 烈 五 世 的 騎 馬 銅 像 ，花 了 十 八 年 創 作 這 個 作 品， 1771年 揭 幕 ， 並 將 銅 像 安 放 在 廣 場 中 央 。 其 後 四 座 宮 殿 曾 幾 易 其 主 ， 但 一 直 由 貴 族 居 住 。 一 七 九 四 年 克 里 斯 欽 堡 被 大 火 焚 毀 ， 王 室 決 定 遷 入 阿 美 琳 堡 的 四 宮 殿 。 自 此 以 後 ， 此 處 一 直 是 王 室 住 所 。

丹 麥 王 宮 阿 美 琳 堡 宮 (Amalienborg Slot) ， 它 離 新 港 不 遠 ，建 於 18 世 紀 50 年 代，  為 法 國 羅 可 可 式 建 築 ，是 丹 麥 王 室 的 居 所 ， 現 任 女 王 瑪 格 麗 特 ， 正 居 於 此 。 阿 美 琳 堡 宮 由 四 座 宮 殿 構 成 ， 環 繞 著 它 是 八 角 形 的 石 板 廣 場 ， 廣 場 中 央 立 有 菲 特 烈 五 世 （ FrederikV ） 的 騎 馬 雕 像 。

✿｡◕‿◕｡✿飲飲食食

日式芝士蛋糕

尋日因為要等人嚟interview，所以要好遲先走得，我一早有準備，朝早去了君蘭餅店度買咗件日式芝士蛋糕，四蚊雞咋，咁嘅價錢都算唔錯，不過好唔飽肚，下午俾個conference call 煩了兩粒鐘，又好似有啲唔舒服，好頭痛，所以差不多九點走嘅時候去咗葵芳篤咗串燒賣，買咗支冰鎮奶茶，有豆漿$4， 冰鎮奶茶$6， 豆漿成日都飲，所以試吓冰鎮奶茶，好好飲，好滑，好似茶餐廳咁好飲，返到屋企再隊兩碗花棋参湯，冇胃口再食嘢，今日都唔多舒服…

有機會要再買冰鎮奶茶嚟飲吓先～

✿｡◕‿◕｡✿北歐--丹麥(二)

佛 德 利 克 堡 (Frediksborg Slot)

佛 德 利 克 堡 (Frediksborg Slot) 即 水 晶 宮，離 哥 本 哈 根 市 約 三 十 公 里 的 小 城 Hillerod 。 其 建 築 群 座 落 在 湖 中 三 個 小 島 ， 四 面 湖 光 瀲 灩 ， 景 色 極 美 。 1602年 開 始 興 建 ， 耗 費 廿 年 才 大 功 告 成。



中 世 紀 時 這 裡 已 有 一 座 貴 族 府 第 ， 其 後 菲 特 烈 二 世 將 其 收 歸 己 有 ， 克 里 斯 蒂 安 四 世 繼 位 後 拆 除 原 有 的 部 份 建 築 ， 原 地 修 建 這 座宮 殿， 是 丹 麥 最 壯 麗 的 文 藝 復 興 式 宮 殿， 十 七 世 紀 落 成 時 共 有 六 十 個 廳 堂 ， 有 「 丹 麥 的 凡 爾 賽 宮 」 之 稱 。


走 進 城 堡 的 廣 場 ， 迎 面 是 一 座 以 海 神 Neptune 為 主 題 的 雕 像 噴 泉 ， 原 建 於 十 七 世 紀 ， 後 被 瑞 典 女 王 Hedrig Eleonora 住 過 一段 時 間  ，將 珍 貴 傢 俱 搶 奪 至 瑞 典 的斯 德 哥 爾 摩 ， 如 今 所 見 ， 是 十 九 世 紀 重 建 。 主 城 堡 為 三 邊 型 建 築 。 正 面 和 右 翼 是 宮 殿 ， 左 翼 是 教 堂 ， 宮 殿 以 銅 板 鋪 頂 ， 四 個 尖 塔 裝 飾 其 間 ， 給 這 座 建 築 平 添 幾 分 俏 麗 。

城 堡 的 東 北 角 有 一 長 廊 ， 跨 越 湖 水 ， 把 人 們 引 入 國 王 的 接 待 大 廳 。 順 著 盤 旋 的 樓 梯 拾 級 而 上 ， 身 側 牆 壁 上 掛 滿 古 代 盾 牌 ， 上 面 雕 虎 鏤 獅 ， 炫 耀 著 當 年 帝 王 的 豐 功 偉 業 。 王 宮 內 可 謂 無 處 不 雕 ， 無 處 不 畫 ， 牆 壁 、 天 花 板 、 家 具 ， 到 處 是 精 美 的 雕 刻 和 油  畫。