20131130 - 百日宴ヾ(◍'౪`◍)ﾉﾞ

11月30 日星期六，

要返工，而且又有少少唔舒服。

於是放工返去熊屋企休息下啦。

原來熊屋企附近係有間小店食burger同熱狗，之前熊影過俾我睇都幾有興趣呢。

SET好多時都係包汽水+薯條或沙律。

唔喜歡薯條熱氣，而熊之前食過沙律又話麻麻。所以只是單點熱狗。

我揀咗有煙肉酸瓜蕃茄，估唔到配煙肉係好好味。自己加芥辣茄汁咁。

幾好食。

熊點了BURGER，幾十蚊，但真係漢堡牛肉來的。熊就非常欣賞了。

在熊家休息下，之後就返屋企參加BB百日宴。

當日因為酒樓安排有問題而發生了少少爭執。

最後當然解決了。

婆婆，舅父第一次見到熊呀。

20131129 - ✿｡◕‿◕｡✿麗姐廚房

11月29日星期五。

宜家好少見到細i，間中先見下佢，今次約咁細i去食素，因為我哋兩個都對素菜好有興趣。

細i提議麗姐廚房，大家都未去過，好彩好近地鐵站，灣仔地鐵站行一陣就到。

餃子有流沙餃同梅菜餃。我哋點了雙併，兩樣都有少少，每款四隻。

流沙係蕃茄薯仔， 煮得很粉的薯仔及甜甜酸酸的蕃茄蓉， 雖不及酒樓的什麼流沙奶皇包這麼的流沙，但如此這般的薯仔蕃茄蓉也足夠慢慢流出來，這件流沙餃實在配搭得健康又令人開胃好味呢。 

梅菜餃材料是梅菜碎，梅菜原來很多汁， 跟湯混和了。

另外點了脆鱔，又幾好食呢。個味唔錯。

怕細i唔飽，點了一個炒米。米粉乾爽，條條有味，簡而美味。

另外呢個係千層腐皮，選了薑汁味，好好食。好鍾意食，但唔平，呢個要88。

 食到好飽呢。

20131226 - ◐第一次跑黃昏◑

12月26日星期四。
BOXING DAY冇咩特別事做，熊又交收結他嘢，
我幫媽媽執咗少少嘢。
熊四點來到，之後去跑。
HEA 咗一陣，搞搞下開始跑時都成五點了。
因為咳咗好耐所以成個月冇跑。
天氣比起上次跑時凍咗好多。
唔知自己跑到幾多架。
盡力啦。

天氣凍，但有黃昏的太陽，好正呀。
感覺好美好。
竟然一口氣跑到十個圈，一大進步呢。

之後休息一圈再跑8個，足足7.2K。
唔想一次過跑太多，所以18圈就算了。
以成個月冇跑來說，算是超額完成了。

20131125 - ✿｡◕‿◕｡✿打冷

11月25日星期一。

影完相之後去了先達放機，ip4白色都賣到1,400，不得不佩服ip的二手價。

之後食晚飯，唔知食咩好，想食打冷，不過行去標記好似幾遠，行行吓行咗另一間打冷就試吓囉。

不過overall質素麻麻地。

蠔餅唔知點解落咗青椒。尚算鬆化。

set有湯有飯，湯係楜椒豬肚湯，好鬼辣呢。間中飲下都可以。

打冷多數食鵝片啦。但就好失望啦。因為好un。唔夠鬆化。唔得。

set我哋揀咗魚。豉汁煮唔會失手吧。係條魚比較可取。其他就麻麻。

20131125 - (◍•ᴗ•◍)Hello Kitty @朗豪坊

11月25日星期一。

一向不是hello kitty 迷，不過都知道在朗豪坊有hello kitty

聖誕報置，仲好似幾靚呢。 於是趁去開旺角賣左部舊唉瘋。去湊吓熱鬧。

以俄羅斯為主題。

講真，唔係kitty 迷的我都覺得好正呀。

有little twin star

天鵝湖喎。

靚過海港城的迪迪尼好多好多呀。

其實sanrio的人物中，我係好喜歡keroppi架。可惜近來好少產品lu。 

大口仔。我係最喜歡的。但同埋個人一齊影就未必有好理想的效果。

最正係xo，以前唔係好喜歡xo，反而大咗之後覺得佢好抵死。

xo係酒巴嚟架。

仲要係冰酒巴，全場最正係佢啦。

聖誕節商場已經影咗幾個啦。

20131124 - ♠♤馬鞍山吊手岩& Pokka♤♠

11月24日星期日

一早約好同爸媽晚上食飯。媽媽仲病緊，去唔到迪迪尼，但都可以食飯。由於熊會來接我一起食飯，所以叫熊在附近行下好了。

想行下山，咁不如行下馬鞍山郊野公園，當日好好天，燒烤場爆哂。

沿教育徑行十幾分鐘到咗個亭，可以望到馬鞍山，上年都行過呢段路，再行上去是吊手岩。

上次怕啲路斜，所以冇行，今次同熊試吓行，搵熊扶吓，都唔算太難行。都幾好VIEW，幾高，有啲驚當日天氣好熱，因為冷氣團將於黃昏到港。成廿六七度，我仲穿了長褲，熱到HIHI。秋季十一月是芒草季節。

幾好天，只是多煙霞，三點幾就落山，因為問過啲路人，行去烏溪沙要個幾兩個鐘。路又唔好行，宜家五點幾天黑，天黑前走唔切，落唔到山就會俾人掛喺樹上，無謂搏了。

四點幾同熊回家食碗糖水，五點幾就出發去荃灣，買了唔少衫。

之後都係去Pokka 食嘢，因為有coupon。爸爸的dinner set salad。好味。

我的意粉好好食。有菇有parma ham，好食。

媽媽的三文魚。

仲有set的咖啡，熊好喜歡飲呢。

最後點了媽媽最愛的甜品，但沒有tiramisu味，只有咖啡味，都好食，熊未食過呢個，今次佢終於試到有幾好味。

黃昏時好大雨，忽然間超大雨，好彩在車上，同埋都有傘子，落完雨天氣涼番哂，好正。

20131123 - ⊕⊕一品螞蟻⊕⊕

11月23日星期六。

本來想同媽媽去迪迪尼，但因為媽媽病了，於是唔去，希望媽媽休息一下，反而在家執吓衫，因為就快換季。

之後同熊HEA HEA，熊好攰瞓咗好耐覺。

之後同佢行葵芳。

唔知食咩好。

最後試了一品螞蟻。

即是紅螞蟻集團。

食咗個拼盤，有雞翼，可惜NACHO有牛肉碎。

另外點了煙肉卷大蝦天使麵，都唔錯呢，其實我幾喜歡食天使麵，不過熊好似唔知道。

一品螞蟻食物都幾多元化，可以有好多嘢揀。

最後仲食了一個香蕉梳乎里PANCAKE，唔知點可以整到用梳乎里整成PANCAKE，好開蛋味，特別又好味，由於是梳乎里，所以即叫即做，要等幾個字呢。

20131121 - ❤海南少爺❤

11月21日星期四

影完相之後，想去食吓嘢。

想去食PIZZA EXPRESS，但好多人，仲有芽莊都係好多人，反而海南少爺少人啲。

不過都要等位架。

餐前菜好辣。

幾喜歡海南少爺的茶，之前在沙田店飲過龍吐珠咁款的花茶，今次呢個係有好似桃味的茶。

點了叻沙，都係海鮮最襯，味道OK，最重要唔係太辣，我食唔到太辣呢。

呢個係咖啡骨，都幾得意，一入口係有少少甘苦的咖啡味，但其實都係少少甜的，應該是開了咖啡粉去煮。

呢個好似鬼馬油炸鬼咁，炸墨魚條咁，我一向都喜歡食。

其實都幾多肉同有炸嘢，有啲滯，但想食甜品呢。

最後點了個斑蘭豆腐花，份量夠二人食，唔係好夠斑蘭味，但都一試無妨呢。

返屋企時，熊換了OK店LINE的雞仔SALLY俾我呀。沖涼的的早在去日本做杯麵時已經畫過SALLY 啦。一早已經好識貨呢。