20121128 - ◇◆food court 吃吃◆◇

11月28 日星期三。

大家睇決戰一分鐘睇上腦，在office 有人玩拋接鉛筆。

仲有疊蘋果。
呢個我疊的。

 老闆由台中回來，送我地每人一個柿，都幾好食。

 晚上同熊一起去沙田行一陣，同熊睇吓衫，之後去一田food court 食嘢。
有胡椒餅同竽泥餅。
都幾好食。

 再食串燒，十幾蚊一串，有腎，魷魚等，麻麻地。

 再點了個日式咖哩豬扒飯，我喜歡日式咖哩甜甜又唔辣，其實熊麻麻地喜歡呢，佢陪我食咋。

 其實都幾好食吖。

20121126 - ❃❃天氣轉冷照跑❃❃

11月26日星期一

朝早潮濕又熱，似回南天，廿幾度，到夜晚天氣轉涼，以為冷鋒南下之後有乾燥少少的天氣，點知都係落雨。

放工媽媽打來叫我哋唔好跑步了，因為落雨，一齊食飯算，但我諗起星期日已經因為大雨冇得去行山，見天氣預告又日日下雨，今日唔跑都唔代表星期三五可以跑。
所以照跑，得十六度左右，好彩停雨了，
但球場濕濕，不過好過上次，因為涼了，
頭幾圈穿外套跑，跑了三圈，好熱，之後除外套，行了一圈，再跑五個，
頭三圈因為氣管吸入冷空氣，有點不適，有點痛，幸好幾個圈後氣管冇唔妥。
再跑時一口氣跑了五個圈自己都唔知道，以為只係四個圈。
估唔到一口氣可跑五個圈呢。可能因為天氣涼了，無咁辛苦。

行一圈，飲水，行行吓好凍，可能因為穿短袖，再跑都凍。再跑多五個圈，即是十三個了。
腳好攰，唔掂了，但比上次加了兩個圈都算係咁。
點辛苦都好，其實冇第一次咁攰。

20121125 - ●❀Apple Pie•❀●•

11月25日星期日，

原本打算行山，因為有個website介紹了好多行山好地方，

點知星期六晚開始落雨，星期日又落，仲要唔細嗰隻，唯有唔行囉，

熊琴晚在家煲咗湯，又整了啫喱，仲預備了整apple pie 的材料，
我先陪熊去了超市買麵包同日用品，之後就同熊在家hea hea，飲湯，食麵包。

睇電視，睇睇下好眼瞓，於是瞓一陣。
瞓醒6點左右，熊開始整apple pie，熊未整過架，只係跟youtube做咋，佢唔係用現成批皮。
而係自己搓。
我又唔識，都係等食。
呵呵。熊示範整pie，

整好之後放進焗爐焗，我地食埋前兩日剩了的潮州鹵水配新竹米線。

個pie焗好雪一陣就當飯後甜品，


 好靚架，又好食，係甜咗少少，但好多好蘋果。

 堅係得架。

20121124 - ヾ(◍'౪`◍)ﾉﾞ迪迪尼聖誕

11月24日星期六

因為太夜瞓，所以遲了起床。
媽媽仲遲，成十一點先起，結果成十二點先出門口，去到都點幾了。

一去到見有得影聖誕MICKEY MINNIE，就即刻排隊，人就一定多架。

 等成粒鐘。

 今年HALLOWEEN 同XMAS都冇咩布置，可能擴建灰熊山谷駛哂啲錢啦。

呢啲係園內僅有的布置了。

 今年有新嘢，可以同薑餅人合照。

 天氣涼了，戴頂帽啦。

 天陰陰，幸好冇雨，又冇太陽。天氣乾燥，但好舒服。

 之後去影DUFFY。

 DUFFY有新衫喎。

 影完DUFFY去飲茶，飲完茶就去灰熊山谷。

玩灰熊山谷過山車。媽媽覺得好好玩，玩了兩次，好喜歡佢倒後行的一段。

 呢籃公仔好可愛。

 下年開幕的迷離莊園在灰熊山谷同反斗奇兵之間，已整得7788啦。

 之後去了反斗奇兵大本營玩玩具兵團跳降傘。
但排了九個字，下次都係玩單人好過。
記得上年聖誕節同熊玩呢個。^^

 影多張相打算走。

 點知走時見到米奇玩具舞曲。
又影吓啦，可惜開始天黑又人多，影得唔好。

下次要較啱時間再影過。

20121123 - <(￣︶￣)>寒戰

11月23日星期五

因為星期六唔駛返工，可以去街夜少少都得。

早上落好大雨，熊揸車出來，
臨放工決定去睇戲。幾精彩，只是劇情有點犯駁，但唔好駁故啦。
郭富城好型呢，演技同劉華比，高下立見。
睇完戲都好早咋，十黠左右，先食飯，其實睇戲時食了粟米同茶葉蛋。
但天氣凍咗好多，又想食多啲。


去了熊屋企樓下食打冷。

椒鹽瀨尿蝦，88蚊兩隻，估唔到好好肉，好好食。

煎蠔餅，好好食，好食過大圍，好食過標記，大圍的都炸得好鬆，但蠔唔夠大隻，標記就炸我唔夠鬆。

呢個就好鬆而且好大隻蠔。
好好食。

少不了鹵水拼盤，好多料呢，兩個人已經冇食飯都食唔哂，最後打包了半碟鹵水。

20121122 - ♣♧寧波同鄉會♧♣

11月22日星期四

因為十一月有三個同事生日。
所以我哋成班女仔約埋一齊食飯，
好耐冇去呢間，
宜家要有membership 先得，不過我哋有同事有咭。
叫了幾味冷盤。

 個菜怪怪地。

 個人比較欣賞海哲。

 同呢個烤夫

 點了賽螃蟹，呢味我好喜歡，人多食少少好正。

 我哋女仔最欣賞寧波的黃金蝦，好肥但超好食，我用了一個蒸饅頭去送啲蛋黃。

 唔知咩百葉豆。

 火腿奶油津白。

 預訂了的百寶鴨，由於百寶鴨多功夫，所要要預訂的，好味，不過好滯口，所以我只食了一小件。

 當然少不免小籠包。

 蒸餃子。

 最後是南瓜百寶飯作甜品，百寶飯都要預訂的，
整得好靚，似一個蛋糕。
外面糯米，裡面南瓜，食的時間加少少糖水，好味，我係第一次食呢，好好味。

 呢餐全部都好飽肚，但好好食呀。

20121121 - ☁ ☂┋雨中跑☁ ☂┋

11月21日星期三

落雨，不過見唔係好大雨就照跑，
天氣熱，成廿三四度，又落雨，不過早咗返屋企，早左到球場，八點半已經開始跑，

先跑三個圈，後跑四個圈，好快已跑了七個圈，都未夠九點，點知再跑時落大雨，
係好大雨，之前跑頭三個圈都唔係細雨，跑跑吓細雨咗，但個球場已經濕哂，對鞋唔防水又濕哂，
好濕，UP住對腳已經好難頂，點知仲要落大雨，
結果跑了第八個圈就入去避雨，想唔跑又唔甘心，唔想差過上次，
於是係球場有蓋通道跑來回，大約一個圈，但因為有蓋，好熱好焗，落雨極度潮濕，散唔到熱。

好彩之後又細雨少少，再跑多三個，結果十一個圈。
今日環境好惡劣呢，對腳好順呀，如果天氣涼啲同乾啲一定可以更好。

20121120 - ✿｡◕‿◕｡✿蛇宴



11月20日星期二

秋風起最好係食蛇。

早喺一個月前約好同朋友去食蛇，

工聯會搞嗰啲，
夾埋買咗兩圍。
熊話佢去過有啲食蛇好難食，所以唔JOIN。
其實佢就走寶鳥。
工聯會有阿爺津貼，仲要每位167，應該唔會差。

果然好多嘢食，啤酒任飲。
八點開始就俾兩窩蛇羹。每人最少兩碗。
好足料。

 之後好似去飲咁，好多餸，我只影咗幾個。
有枝竹羊腩煲。啲人話好好食。

 炒蛇肉。

 炸子雞脆脆。

仲有個烏雞燉蛇湯，
生菜鮑魚菇等。
當然少不免糯米飯。
好味，好補，不過怕燥燥。

由於係CWB，坐車返家都幾方便。