20121110 - o(≧v≦)o幫手:P

11月10日星期六

因為明天同熊去米埔，所以攞正牌可以夜晚去熊家。
一早天氣好熱，成三十度。
食咗早餐幾飽，
所以LUNCH 同媽媽食時點了沙律，凱撒沙律，雜錦有蝦有牛油果有雞肉，好食就好好食，不過好貴，成90蚊個。

 媽媽食SET，佢俾杯藍山咖啡我飲。

 仲有甜品，焦糖布甸。都好食。

 之後坐車找熊，點知坐錯車，好彩早發覺，話俾熊知，佢知去邊度接我。
之後同佢買少少嘢飲就做嘢，幫手油油。 HAHAH，雖然我係廢廢地，不過算係出一分力，又出埋心。都幫手油咗半個櫃架。

 搞完一輪就去返舊屋附近食晚飯，因為當日都好熱吓，所以唔想去大排檔度食。於是就去了稻香食晚飯，食了斑球兩味。

炒斑球幾好食，本身好入味，連啲翠玉瓜都入到味先勁。

 仲有蒸，我好鍾意蒸魚，不過比較多骨，所以唔係食好多。

之後去附近買埋糖水返家。