20130329 - ╭。☆澳門氹仔食食食☆。╮

3月29日

星期五，last day @ 澳門。
今日一早要check out。
十一點，因為今日係easter，要早啲check out 喎。
一家人去食水蟹粥。
近呢幾次去澳門都食水蟹粥。
因為好鍾意食。
爸爸媽媽竟然未食過。


 

 仲有丸，又係雙拼，其實只是普通，不過冇理由七個人只食一窩粥架。
由於今日係假期，好多人。

 手信街。去晃記拿訂好的肉切酥。

 有間賣貓屎咖啡同埋葡撻。
9蚊個葡撻，試了，不過唔值。

 豬扒包都係麻麻地咋。

 屋企人竟然試莫義記。
老老實實，莫義記又貴又唔好食，把鬼。

之後我地去咗土生葡人之家附近影相。

 好喜歡呢帶，好靚，帶了F1.8 50MM鏡，影人好正。

 影景都好正，熊喜歡玩景深，太好了，可以由自己男友幫我影相，係好開心同好幸福的事。

 熊越來越PRO~ (^3^)

 呢邊係新嘢。不過冇咩特別啦。

 由於我哋影好耐，屋企人都走先啦，之後得番我同熊行吓，去番上年食過木糠蛋糕的小店再食蛋糕。
一年多了，味道依然好食。我同熊依然咁sweet，上次大家有少少靦腆，今次大家就多咗一份瞭解。

 之後去食魚翅麵。

 

第一次食咋。

好好味。

 

其實應該只是魚翅邊。

 仲有魚翅球。
第一次食咋。
好味

 之後經過間食西班牙嘢。
同埋呢幅外牆，熊問我記唔記得呢幅牆.....
點會唔記得。
同熊第一次外遊，雖然是day trip，但好開心架。

下次再來要食呢度附近的西班牙餐。

20130328 - ╭。☆澳門熊貓館☆。╮

3月28日星期四

由於酒店冇早餐食，所以同熊去了官也街搵食。
想去食豬扒包。上年來到大利來俾人封舖，冇得食。
由酒店坐的士去，都要食2,30元。

宜家咀香園官也街店外牆好靚，

 

 十點幾的官也街好靜。冇嘢食。不過就預訂了晃記的肉切酥。聽日再嚟時可以唔駛排隊拎。

 行到去大利來，冇人排隊，原來因為冇豬仔包，只有餐包，照買啦，好普通咋。
後來發現大利來在香港開哂分店，一開分店就唔好食啦。
講真澳門是但一間豬扒包都好食。唔駛特登嚟啦。

之後熊買了個辣魚包仲好食。

 行番酒店要成4個字，媽媽哥哥未食早餐架，因為約好爸爸去食川芎白芷魚頭湯麵。
我以為大家各自食早餐，魚頭湯係lunch，唔知佢地咩都未食。
=___='

上車之後好大雨，係超級大雨，其實出番嚟近新馬路。

唔知咩街，只係一間茶餐廳。
不過好多人叫外賣的。
當然要點比較特別的川芎白芷天麻魚頭湯麵。

本身個湯係紓緩頭痛，是藥材湯。川芎白芷可活血行氣，加上性溫的魚頭，可暖胃養血。

 個樣麻麻地，藥材味頗濃，如果喜歡肉骨茶應該都喜歡呢個。
除了魚頭湯外，還有一般餐廳的多士。都幾好食‧仲有鮮牛肉包等，都是平日比較少食到的。

 之後我地去澳門熊貓館。因為同行有姪仔，想同小朋友去睇熊貓，
雨下過不停，好煩躁。

 影到熊貓好近︿好大隻，又生猛，好過海浪公園的。

 好可愛。
佢哋叫歡歡喜喜。

 食竹，好可愛。

 原來伏係度飲水呀。

 外面有好多熊貓裝飾。

 可惜都幾大雨，所以冇咩心機行啦。

 有鳥睇。

 媽媽一來到就睇中了熊貓擺設。

 一共有四款。

 最後帶咗呢個回家。

 我都買咗把熊貓遮。

 外面有大熊貓....正是四隻擺設的放大版。

 不過真係好大雨，好冇癮呀。

熊貓館在路環，其實係幾遠，之後去咗酒店附近的體育館玩保齡球，但因為我自己太衰，玩玩吓發脾氣，令到大家都唔開心。
最後熊怕咗我，陪我走先，在酒店hea一陣之後先去食晚餐。

晚餐在新葡京的自助山食buffet，都幾好食，大約三百多元一個人，都幾抵食，不過分兩輪，唔可以食太耐。


晚上好早返酒店，因為又落雨啦，我哋去了威尼斯人度玩咗個幾鐘頭老虎機先瞓。