20130305 - (= 0 =)y好耐冇跑步

3月5日星期二

一月二月跑過一次步咋。
因為一月初出風疹，唔敢跑起再撞風。
好番哂諗住跑，只跑過一次，因為之後熊就咳。
熊咳到咁上下就新年，打算休息一下。HEA HEA，過咗新年就輪到我咳。
宜家終於冇人咳。

又跑番步，天氣幾涼，我估涼埋呢排就會熱啦。
希望到時夜晚都仲跑到。

上次一月中跑過一次已經因為幾個星期冇跑過而差咗。
跑少了，

今次直情個幾月冇跑，都唔可能好似之前跑咁多。

最大問題係我隻右耳對又乾又凍的空氣敏感。
之前冬天我會用紙巾塞住對耳仔，太耐冇跑都唔記得了。
跑到第三個圈開始耳痛，之後就影響埋個氣管，好似唔多C服，但都捱到6個圈先停。

之後行一圈，再跑5圈。
都OK。狀態都唔錯。
平日都會係,655或755咁跑。
不過跑完呢5個圈之後，一停低就覺得腳啲肌肉唔聽話。
大腿小腿都酸軟了。
於是就返屋企，返屋企段路要上斜，今次行得好慢。
要努力跑番多啲。因為肌肉渣咗。

我冇跑個幾月，會容易睡得差，又會怕熱，成日半夜熱醒。
跑步出汗可以令個人冇咁怕熱。
所以要keep住健康啲。
好彩有熊陪我跑，如果唔係就唔會跑了。