20130306 - ❃又飲夜茶❃

3月6日星期三，

又同熊去品蘭軒飲茶，熊忽然好想食生炒骨， 佢上次已經想食喎。
所以就叫生炒骨，只係勉強OK因為有啲雪味，

 

 另外叫咗個蒸飯，叫蟲草花蒸雞，近來好似好多食店都用蟲草花，
蟲草花原來是人工培養的蟲草子實體，培養基是仿造天然蟲子所含的各種養分，包括穀物類、豆類、蛋奶類等，屬於一種真菌類。
所以食起上來有啲似菇。
佢呢個飯整得好味，啲雞好滑同啲蟲草花好夾。個飯絕對可以Encore~

 由於已點了生炒骨同埋飯，所以叫多少少點心就夠哂啦。
少不了我們最愛的粉果。

 我忽然好想食鳳爪，所以點了鳳爪。

今次貴咗10元，要110元，不過飽到不得了。仲飽過上次。