20130303 - (◍•ᴗ•◍)城門水塘

3月3日星期日，

好似好耐冇同熊行山，
成日太hea了，趁天氣未轉熱要行多啲山，

天氣唔錯，因為忽然涼返好多，忽然記起幾年前影相班去過城門水塘影相，當時係夏天好熱但都唔太辛苦。

因為可以有長有短咁行。
天陰陰，都幾涼，睇就靚過影。

 

 由於係水塘，所以有山有水，風景唔錯。

 行一陣就行到去上次我影相的地方。
當日藍天白雲，同今日的景色唔可以比較。
不過今日我係同熊一齊嚟喎，又點可以相比呢。

 熊對啲樹根情有獨鍾喎。

 當日有班養狗的一齊放狗，所以都幾多人。

 太多人唔緊要，最怕係中狗屎，所以行去其仔地方hea~

 呢度都幾舒服，但當日好大風，吹到傻了。

 就喺呢度食熊帶來的麵包同飲茶。開心。

 之後係咁行，因為係一個水塘，所以行番出去係一個圈，
但我哋唔知點解要係咁上山。

行到隻積咁，行行吓有棵好靚嘅樹，好大，仲有好靚好天然的落葉。

 以為自己身在外國的感覺。


行咗半個鐘左右先見番個水塘。

 之後同熊回家，熊煮咖哩蟹俾我食。
好好味，只係宜家啲蟹唔係好啱時候，比較貴同埋啲肉唔夠實，不過其實都好好味，
我哋用來送麵包，
熊仲要研究下點解上次喺泰國食的咖哩蟹有咁多蛋，但宜家冇咩蛋，個味就好對辦，係啲蛋爭少少。
不過其實都好好味啦。

仲整咗條魚呢。