20130317- •●❀川龍飲茶+西洋菜田❀●•

3月17日星期日。

熊講咗好耐，好多次話要去川龍飲茶，我都唔知邊度嚟。
有次無意中係人哋個FB見人打CARD，於是上網搵搵。
有兩間，一間叫彩龍，另一間叫端記。

講完無耐，呢個星期日熊就話去川龍行山。川龍其實是荃灣再上，係大帽山的其中一部分了。
點知熊又唔知醒啦，又唔多識路呢，去到都成三點鐘，原本準備了食物野餐。但一去到川龍見到仲有得飲茶就飲茶好了。
HEHE。
要自己攞茶，攞點心。
自己揀點心俾張點心紙佢吸印。
有雞球大包，我聽就聽得多，但未食過，都幾好食。

 

 春蛋燒賣，都OK好食。

 排骨麻麻地，雪味重。

 蝦餃幾好食喎。估佢唔到。

 最後整多個芝麻卷，估唔到有芝麻卷呢樣嘢，不過冇芝麻味。
平日好早就收，星期日就可能好啲晏少少，不過成三點先去到會少啲點心揀架啦。
不過都冇咩所謂。都幾我意旨在試吓嘛。

 我地飲完茶就開始行山，先經過了一塊西洋菜田。

仲有其他菜田，好細的菜田。唔係太多菜。

沿山路可以行番落荃灣，不過因為架車泊在川龍，所以一來一回咁番轉頭。
天氣開始熱都幾辛苦，要上上落落咁，都OK，可以出吓汗。

一來一回都唔駛一個鐘，番上來西洋菜田的地方HEA HEA飲啖茶，(熊次次行山都會沖茶)
聽到有幾個阿姐想買西洋菜，要十斤，咁有位賣西洋菜的阿姐，即是落田摘，咁我哋又唔執輸，都要兩袋。

有啲似梯田呢。

等待期間就影吓相先。

啲竹都好靚。

 

以下幾張相係熊影的。
佢都影得幾好。

因為可能要爬入去同埋多蚊，所以都係熊影的。

 

熊影相都有啲料到喎。 ^3^

呢啲係摘了的西洋菜，點解仲有啲菜剩低呢？原來唔可以摘哂架，要留番啲喺度先可以再生長。摘哂就冇得生了。

 

種西洋菜的阿紅話呢棵係葡萄糖樹。

走的時候行上停車場見到有啲靚靚花又影吓啦。
海棠多是深紫紅色的，呢隻色似水晶好靚。

仲有呢隻COMMON的小花，花太細，用了DC的微距都好難影得清呢，呢幅係熊的傑作，影得好清。

近來是杜鵑花的季節，周圍都有杜鵑花呢。

今早熊未起身時，我喺屋企畫的，開開心心郊遊去。

夜晚熊滾了西洋菜湯用半隻雞，真係好嫩的西洋菜，幾好食有菜味，如果用來煲湯就浪費了。