20130310 - o(≧ω≦)o暴飲暴食

3月10日星期日

行完山之後，由粉嶺回家接父母出去尖沙咀吃晚飯。
因為呢個星期同媽媽一起出門口，媽媽去游水，我出門口上班，我在對面馬路看到媽媽好像老了許多，覺得自己冷落了媽媽。
同熊講起呢件事時仲喊起上來，熊於是提議同媽媽食飯。感激熊可以對我的父母如自己父母一樣。

由於前記幾天補寫了年多前的日記，係去韓國街的莊園韓國料理食，所以就不如一起去食韓國嘢。
好欣賞佢哋的泡菜十小碟。十款泡菜，總有一款啱心水。

 

 媽媽喜歡食魚仔。

 白蘿蔔苦苦地喎。

 芽菜仔好食。

 菜就人人都啱食。

 豆腐人人都喜歡。

 似芋絲之類。

 炒粉絲好食，可惜有牛肉。

 再點了石窩飯，今次點雞肉啦，可惜佢同我地加咗辣醬落去，媽媽覺得辣辣，父母都食唔到辣，佢哋只食了一小碗咋。

 見有四個人，人多啲可以食韓燒，叫了個綜合，該是拼盤的意思，320元有牛肉，豬肉，雞肉，蝦同埋魷魚等，雖然三百多元，不過都幾多肉，而且上次食過伊呂波的烤肉貴到嘔，呢個都算係咁，不過啲肉冇咩特色，有啲似普通韓燒咋。

 點了個綜合煎餅320元，初初以為是韓式泡菜煎餅，但原來係好似煎蛋餅咁，咩都有，有青紅椒，翠肉瓜，冬菇，魚，牛肉餅，蝦等等，好特別，份量都唔少呢。

 由於怕大家唔飽，所以再叫了一個五花腩，五花腩先係韓國人興食的，而呢度啲五花腩好正，肥瘦均稱，唔會好肥好漏，媽媽最欣賞呢個。

 由於怕要等位，所以六點半左右就到了。食完都係八點左右，行咗一陣加連威老道，買了一個手袋之後又去食過。

去五代同糖食甜品，媽媽食芒果西米露，爸爸食雪蛤膏，
我同熊就食98元的併盤。
仲另外叫多個雞蛋布甸，最少要半打，每人一隻之外，仲帶了兩個回家。

 個併盤有心太軟，apple crumble, 同埋焦糖布甸，焦糖布甸同雞蛋布甸差不多。
期待的apple crumble好難食，啲牛油味好酥....想嘔，真係食唔到，應該是牛油有點變壞先咁酥。
同佢地講，佢地同我地換咗個apple crumble，變成北海道牛奶凍。
其實個心太軟都有少少酥，只是因為朱古力味好濃蓋過咗，佢個心太軟如果唔係因為啲牛油有啲酥的話，其實好好食。好流心，朱古力醬好味。加了綠茶味雪糕，媽媽即刻有啲興趣。

 個奶凍幾好食，不過本身唔係我地想食的。

食埋甜品，大家捧住個肚走人呢。
開開心心又一日。