§星期六日飲食§

除咗元氣係我飯堂之外，金滿庭係我另一個飯堂，

夜晚去食有餐前小食，有幾款揀，節瓜肉鬆，雞軟骨或者蝦。

我次次都食蝦，因為自己屋企好少整呢類蝦。

又係小籠包，

天氣熱想食吓冷盤，雞絲粉皮very good，不過今次好少醬，麻麻地，下次要叫佢多啲醬。

兩面黃，鍾意啲麵脆脆地。

仲有cake，一個blueberry cheese cake，一個mango cheese cake，

mango cheese cake 好食好多。

♪♬♩♫最佳愛情♪♬♩♫

【戲劇名稱】：最佳愛情
【播送電視】：韓國MBC
【戲劇類型】：MBC水木劇
【首播時間】：2011年05月04日
【撥出時間】：每週三四晚北京時間20點55分各播放一集
【接檔戲劇】：豪門
【戲劇導演】：樸洪均 李東潤
【戲劇編劇】：洪氏姐妹(我的女友是九尾狐/洪吉童/豪傑春香/幻想情侶/是美男啊)
【主要演員】：車勝元 孔孝真 尹啟相 劉仁娜【官方網站】：http://www.imbc.com/broad/tv/drama/greatestlove/【戲劇簡介】：講述已過氣的女明星和頂級男明星的愛情故事。

以韓國娛樂圈為題的最佳愛情揭露了不少娛樂圈的黑暗事。
起初覺得車大叔頗老，孔孝珍好C9，
不過看到中段覺得車大叔演劇好厲害，很搞笑很有趣。

一個大明星愛上一個不受歡迎的暗星，排除萬難走在一起，儘管我不太相信現實會發生的事，但我還是被劇情深深感動了，現實沒有童話，想看到/感受到童話，也許在電視節目中可以找到。
 

劇中車大叔跟孔孝珍的姪兒對話好生鬼有趣，聞說「叮咚」一詞在韓國也掀起了一陣熱潮。

結局是happy ending，如果之前看過「49天」覺得太沉重的話，可以看看這套，當中也有些感動位，要經歷生離死別，有點哀傷，不過大部份時間都是令人愉快，輕鬆的。看過之後心情會好一點。

煲劇花的時間對我來說實在奢侈。所以最多只能選擇16-20集的劇而已。

╭。☆父親節做啲咩？☆。╮

父親節都有出去，見人哋一家大細真係有啲灰。
又去Pokka，因為有一次八折，沙田間Pokka可以有鐵板燒，我唔食牛肉，其實唔係太抵食鐵板set，

人哋食燒牛，我唔食燒牛就食炒飯，

加錢有沙律及飲品，沙律都幾驚啲菜有菌，不過照食。

個飯係上嚟先加蛋，油及蔥花一齊炒，係豚肉，雞肉。

分量好少，唔夠一個飯盒，我都唔係太夠飽。

俾個藉口自己叫甜品。

當時唔係一個人食哂咁痴線啦。

左邊咖啡凍餅，右邊木糠布甸，

食過馬交幾難食的木糠布甸之後，更加覺得呢個好食，不過係人都知木糠木甸的製作材料很便宜，出面食其實好唔抵。

見到有功夫熊貓個牌，又影吓囉。

之4唔知申請邊張credit card送了Godiva coupon ($50x2)，6月24日到期，用埋佢，almond dark chocolate $65，另外的choc bar $45，補了十元(^____^)，近兩年對朱古力冇哂興趣，咁貴的choc如果冇coupon，根本不會買。 

Pringles新出蕃茄薯片。

貴過edo，但少過edo 10g，味道好酸，酸過edo，酸到震，但都兩日之內隊哂，不過唔抵食，食完個口爛埋，証明我極度燥底。

◐衫之三◑

冇影到嘅衫，唔係太得，可能有啲失望。
第一，二件好似。

除了條領靚少少之外。 

呢件好高貴咁，換句話說係有啲老。不過著上身唔錯。

呢件0靚妹啲，最大問題唔夠長，最後做啲手腳在裙腳加花邊駁長兩吋。 

呢條好靚，不過又幾斯文，同唔夠長。

啲裙唔夠長就更加唔會著高踭鞋，因為只會影得條裙更短，

再加上近日腳板條筋痛，更加少著高踭鞋，我嘅所謂高踭其實只有2.5吋至3吋，宜家又唔敢著，只著大約吋半踭。唉。想靚啲都唔得。

ヾ(◍'౪`◍)ﾉﾞ小學同學飯局

上次小學同學飯局已經係2008年嘅事。

當時FB在港興起。有啲小學group，中學group。

小學讀屋邨小學，最慘白田邨係有咩咸水樓，17座裡面有7座要拆，好多人都搬走咗，好難聯絡，2008年聯絡食過兩次飯之後好似靜哂，不過我同水一就繼續有聯絡，上年都有同佢食過飯。

前陣子部ipad2都係經佢買，仲早收貨過啲上網訂的同事，好感激架。

上星期三即是15/6佢又約咗幾個小學同學出嚟食飯，當日約7點半，原本諗住7:00就準時走，點知6:30先開完會，由CWB返公司，返到去執吓啲手尾先走，遲了15mins先到， >___<，去咗TST的Outback食，total 5個人，係水一做搞手，其中KY Chan 同CH Kwan都係今次先見番，最開心係咁耐再見番都冇隔膜，傾足幾粒鐘，咩都傾，大家唔會扮細食，又唔駛小心講嘢，好舒服，好開心。hahhah

❤ 6月份靚甲❤

今次個幾月先整指甲，我啲指甲本身比人細同短，一長個底生好多出嚟就好似特別怪，長少少就好似長咗1/3咁多，不過因為懶同埋唔想整咁密，想慳錢，整得咁疏。另外原來夏天係會長得快啲，不過我都照樣一個月或者個幾月先整一次。

今次一粒石都冇，我唔太鍾意有突出嚟嘅3D花/石，因為除CON時會整到隻眼好痛，間中整3D花好了，顏色就係都要揀啲開心啲顏色，隻隻色唔同個人都開心啲，因為個胃又日日痛了，好灰暗，要見多啲開心顏色至得。

⊙⊕無聊~⊕⊙

今朝一早iPad2 又開賣，聽聞9:00-9:30，但收到通知時已經係9:20....頂，order 咗4部咋，原本打算order 10-20部架，點知咁賤格。9:30 即刻又要傾ipo的conference call，好彩order完先conference call，如果唔係一部都訂唔到。

宜家個西市非常賤，前幾日500天線都穿埋，有啲淆底，日日跌，或者扮升，唔敢入住，想等佢轉勢先買，我係寧買當頭起的。起碼上番22000先算。

在超市見到M & M公仔，好無聊用手機影吓。

以前有M&M公仔，不過因為上年搬屋丟哂啦。 :(

有一日經過公園又影吓，

火紅的鳳凰木，提提你夏天已來臨。

可惜見到高樓大廈。

公園冇花，只有好多樹，當唞吓氣都好。

◈◈食相幾張◈◈

我發覺我自己肥同瘦係有個Cycle，一出嚟做嘢兩年肥到c，之後去南早前入過廠之後瘦了一兩年，臨走前開始肥，入到衫中段開始瘦，之後讀master始終辛苦，暴飲暴食，都係肥少少。讀完之後好肥，2010年肥足一年，去完日本之後直情變咗隻豬。

今年正常番少少，同2000年差不多。雖然接受咗自己唔會再好似讀書時咁瘦(104lb)，不過宜家最好都係瘦番兩磅囉，唉~算啦，我捱唔到肚餓架啦，番工咁忙，仲要捱肚餓真係好慘，我宜家係成個Dept最大食嘅女仔，仲點可以好似以前咁瘦吖，要學吓接受自己囉。

近來身體麻麻，計時炸彈在上月底爆了半嘢，好似有少少disorder....唉，可能晏放工食唔到飯，喺公司食少少嘢就算，冇咩胃口，番到屋企食得唔多，因為成十點先食飯我個胃會頂唔順架，前幾日又作胃酸倒流了，囧囧囧，宜家盡量迫自己有三日放7點，拎少少嘢返去睇，食吓啲屋企正經飯，年輕就話啫，年紀大，唔捱得幾多年啦。

不過放假通常好胃口過番工，番工勁冇心情食嘢，坐得多又胃痛，放假好少胃痛，好胃口好多。 pizza hut lunch set 幾抵食，湯+蒜蓉包。

例牌main course之一，芝心批只有兩款，唔想食至尊，因為有牛肉，只好次次都食千島海鮮。

main course有個新飯，秘制雞卷拿破崙闊條麵，雞卷幾好食。

最值得一讚係個即磨咖啡啲鮮奶拎嚟係暖嘅，好有heart，啲奶凍定暖其實好影響杯咖啡，鮮奶最好喺65度，會令鮮奶發揮本身的香甜，太高溫會把鮮奶嘅味道破壞架，而凍奶不宜沖咖啡。我唔知佢係唔係65度，不過好多間連鎖食店，甚至偏貴的高級食店都未必provide到暖鮮奶， ; )

十個讚。(廢話太多，被擲雞蛋了( >___< ) )

用吓喜帖餅咭，換吓美心西餅(其實自己大食想食cake啫 ^___^)

柑味的cheese cake，十蚊件，幾抵食。

15元的mango tart，好多mango，ok，如果tart的餡是custard就好了。 (15蚊一個tart又想多mango，又想多custard....發夢好了。(=____=)