♪♬♩♫ 改觀@小南國♪♬♩♫

放工去小南國食飯，第二次去中環的小南國。

之前去過尖東的小南國，又貴又唔好食。應該係冇下次，不過有次公司食飯去過中環間小南國食午飯都OK，再加上係有朋友生日想去呢度食，又再去一次試吓。

枱布好靚喎。

醉雞好入味，好多件雞，睇唔出可以裝到有十幾件雞肉，啲酒浸到雞骨都腍哂。

勝瓜炒雜菇，成碟餸都係蔬菜，冇肉，幾清。

叉子燒餅，幾好食，啲餸好惹味。

小籠包---皮算薄，不過金滿庭的小籠包啲皮再好啲。

生煎包，好多肉汁，不過皮好厚，唔係太好食。食一個都好漏。

最後甜品冇咩想食，最想食高力豆沙，餐牌係冇的，咁不如食豆沙香蕉鍋餅，好少豆沙鍋餅是有香蕉的，所以不錯。

今次overall都唔差，改觀哂，會再食嘅，不過埋單咁就要535...太貴啦。