20150531- ✿｡◕‿◕｡✿焦糖布甸

5月31日星期日

上星期落大雨時俾我哋百悅坊有Aeon12蚊店。上次買咗個青蛙地氈同埋啲日用品。 

今日夜晚懶煮又天陰陰，無得影日落。

所以去荃灣買齋食，之後去百悅坊又睇吓嘢。買到拖鞋。

仲買包焦糖布甸粉整吓。

用咗之前的心心兜。

點知倒出來就唔靚。

20150530 -◇◆點點心◆◇

5月30日星期六

同熊去尖沙咀攞完衫，初初以為好大袋嘢，所以揸車，揸車去食嘢好煩，好彩忽然醒起渡船街的點點心。食過幾次都唔錯。

點了鹹水角，熊人想食好耐，因為附近間稻香個鹹水角唔好食，所以平日飲茶冇得食。呢個鹹水角有芥末味。

蟲草花綿花雞，啲菇菇幾正。

脆皮金絲腸，裡面有層好似炸兩的蝦腸，脆口，外面有滑滑的腸粉，好食。是呢度的特色菜色。

釀茄子，切法唔同之外用咗日式醬油，ok。

粉果就好一般。

之後晚上約了朋友在家中作客，買了外賣鴨，蒸魚。

同埋蟹。四個人食吓嘢吹吓水，又一晚。

20150525 - ╭。☆慈山寺☆。╮

5月25日星期一
佛誕，公司有著數，可以唔駛上網BOOK就去到慈山寺。
難得有著數，老虎蟹都去。
仲有幾張飛，可以帶埋99去。
有蓮花。

慈山寺同香港一般的寺設計不同，好簡約，好清幽。有啲似日式寺廟。

有得浴佛，99排隊我哋就四圍影。

菩提樹附近生咗菇菇。

大家最喜歡的觀音。

純白色好新好大好舒服的感覺。

慈山寺分三個區域，中間是寺殿，僧寮和觀音像則分別座落在兩旁。慈山寺採取了低調建築，顏色、材料及比例都配合自然環境，以求營造修行氣氛；當中大雄寶殿的建築比例乃依從唐朝佛寺，屋頂不高，尺度配合八仙嶺的高度。在大雄寶殿前，大庭院的青銅燈籠則參照了位於日本奈良的東大寺的作品。

慈山寺的設施包括：

• 一座76米高（相當於約25層樓）的戶外青銅合金觀音像：為全球第二高，僅次於108米高的海南南山海上觀音聖像，坐北向南，與位於大嶼山的天壇大佛遙遙相對。
• 一座佔地約1,027平方米樓高18米的大雄寶殿：供奉有釋迦牟尼佛、藥師佛及阿彌陀佛，佛頂有金蓮花華蓋。佛像後的空間有大幅壁畫，取材自敦煌石窟，又擺放了國學大師饒宗頤手筆的《心經》。
• 一座佔地約333平方米的觀音殿
• 三座佔地共約1,350平方米的僧寮，樓高兩層，一樓有5間房，全部均設有獨立洗手間；另外，位於最遠一設屬於高度設防，安裝有防彈玻璃的門窗^[2]。
• 一座可容納近120人的素食膳堂
• 一座佛教資源中心
• 110個私家車停泊位和13個旅遊巴士停泊位

20150529 - ♪♬♩♫我的手作仔♪♬♩♫

5月29日星期五，

期待已久的整手作仔之人終於來到。我都鍾意整吓手作仔，不過要人教咁啦。

呢個係IT同事個老婆。來到公司教我哋整。

要有字母模，先搞好AB膠，倒AB膠入模，再放花，自己設計點擺花花，亦可放其他飾物。等一晚乾哂就可除模。最好在冷氣地方，天氣太濕會好難乾架。

制作中。

完成品。

20150529 - ヾ(◍'౪`◍)ﾉﾞ 熊人的馬卡龍

5月29日星期五。

晚上同同事整手作仔，熊人竟然自己在家中整馬卡龍唔預我。

激死。

熊人整咩都喜歡隨意，唔會跟足食譜，但唯獨是馬卡龍不行，因為差少少就足以失敗。

但今次整得幾好噃。

仲整到個熊人形勢。

可惜是個餡麻麻地，因為綠茶粉唔夠多，冇咩綠茶味，要好似咖啡味咁苦苦地先可中和到馬卡龍的勁甜。

但今次是咁多次最好了。

20150528 - ☆★自家製晚餐★☆

 5月28日星期四。

 

今晚有好豐富又好味的晚餐，

炒翠玉瓜，熊落了少少牛油，蒜蓉同胡椒粒去炒，所以好香。

另外煎魚柳，唔記得係咩名，喺惠康買，原價90蚊三件，宜家特價30幾蚊。

呢度只係兩塊，加了日式燒汁，煎到個皮脆脆，好食。

另外是蕃茄腸仔蝦意粉，其實仲有少少煙肉令意粉更香口。

結婚之後肥咗好多呀，都是因為熊成日煮好嘢俾我食囉。

20150507 - ❤♡我們的馬卡龍♡❤

五月七日星期四，

呢期熊喜歡整呢個法式小杏餅，

看似簡單，但好難整得好，試過整到似餅乾，又試過發開哂，我次次都幫手整架，幫忙落雲呢拿油同埋食用色素。😁😁😁

衰咗幾次，今次終於整得唔錯，個樣好公整，而且都好脆口架。用埋之前食甜品的心心兜，好靚吧。

不過都有美中不足之處就係個餡的檸檬味麻麻地，唔多襯呀。要再改善一下了。

20150523 - ✿｡◕‿◕｡✿ high tea @ FINDS帝樂文娜公館

5月23日星期六，

一早訂好咗食HIGH TEA，整完指甲之後就順便去食，不過當日係好大雨。

呢間係帝樂文娜公館，唔去食都唔知係一間酒店，由美麗華行入去，過埋諾士佛台，差不多行到尾，係一間精品酒店，聽說好受台灣旅客歡迎。

而我今日係去食TEA，FINDS的 TEA SET，3:30先可以入座。之前見啲人影相好多花花碗碟，好靚，好女仔。無論枱布，三層架，碟同茶壺都係以英國田園既花花為主。

不過我係同熊人去食啊，熊人唔介意同我一起食呢。
大部分客人都係女仔，可能一台四個女仔，個個都勁影相，因為啲碗碟擺設實在吸引。

tea set 有三層，一開始先分開送上蘋果酥同scones 配果醬，兩件都幾好食。

最上係 hazelnut macaroon

然後係底層咸點🍤
arctic shrimps & smoked roe on small buckwheat blini
salmon pastrami with acovado crème
pork & pistachio pate on malt bread crisp
parsnips & morel mushrooms in pastry

中層係甜點
lingonberry eclair
mint dark chocolate cake with crushed marianne candy
freah rawaberry, yogurt pannacotta & white chocolate crumble

件件都好細件，不過都夠食，食物幾精緻，尤其是底層的咸點，係幾出色的。
$328 FOR 2 算抵，實在值得一試。

20150523 - •●✿五月靚靚甲✿●•

五月廿三日星期六

放假但約左十一點整指甲，由於整開指甲的美甲師外遊，就唔到時間，搵番好早期整開果位美甲師。

今次揀個款比較特別，而且係少有嘅深色。

但整左出來都好滿意。

20150522 - ♪♬♩♫pizza express♪♬♩♫

五月廿二日 星期五

熊人話想睇下衫，呢排可以正常時間放工，所以可以行吓街。於是同熊行沙田。點知臨放工就玩野，問呢樣問果樣，激死人，好彩最後七點二都放到工。

點知入到沙田先發現係一田購物日，沙田好多人。火車站唔算多人，但去到一田就好多人，除咁MJ香水之外，無野想買，主要人太多無心機行。

想食野，但周圍都排大隊。好無癮，離開三期，去番一期，但都好多人。想食pizza,但要等。於是上思思縮埋買個綠茶紅豆燒餅食，再買咖啡豆，終於有位，但都九點幾了。

點了甜品拼盤，有cheese cake, tiramisu 同埋chocolate fudge cake。三件都是六十元。其中朱古力同tiramisu 都好好食。

主菜點了手工pizza,拿玻里，蕃茄芝士銀魚柳，簡簡單單，但幾好食。

之後去Zara H & M睇衫，熊人啲長褲賣99蚊條咋，而我都買到一件衫。