20170930 - ♥ 自己揀玩具♥

 9月30日星期六

BB又有鼻水，同BB食早餐之後就豬早覺，瞓醒再過一陣就同Bb一起吃lunch，不過都三點幾先食，去咗五期間嘢食豬手飯，因為唔夠BB chair都幾辛苦，豬手幾好食，入味，腍，但不是泰式豬手。Bb都有食飯同豬手汁，太重口味，其實唔應該俾佢食。

 

當日熊人約咗人，熊人食完嘢之一起訂蛋糕，之後走先，我同BB就行吓千色，當然又去玩具部睇嘢，發覺BB好似自己識揀玩具，我拎起手兩份煮飯仔切切，一份係牛扒，一份係蛋糕，我問BB鍾意邊份，BB竟然識手指指指住個蛋糕，當時諗唔通BB識手指指?當日因爲有九折，所以啲人好似唔駛錢咁，好多人買嘢，我一個人抱住BB都有啲吃力，如果BB排排吓扭計我就會放棄唔買，BB只係少少扭，最後排咗幾個字都買到嘢俾BB，之後就去買磅白麵包，點知買完麵包，BB反而扭計>>>因為佢想食麵包呀。

唯有撕少少俾佢食，點知呢個時候離遠見到我第一份工同事呀MAY，大家匆匆忙忙交換咗電話，而且同BB影了合照，足足十幾年，雖然間中有喺馬鞍山見過去，不過呢5/6年又真係好似冇撞過。

 

BB自己揀個蛋糕，其實佢堅係鍾意呢。成日玩，教佢切切，開始識用刀切切，又會用個杯杯扮飲水。

20170928 - §半島酒店迷你奶皇月餅§

9月28日星期四

 

 

一如以往，半島月餅有炒價，半島月餅賣斷市，半島月餅好貴氣。

每年都有BANKER送半島酒店迷你奶皇月餅俾老闆，不過老闆通常先分俾秘書，秘書們雖然日日都嚷著減肥，不過半島奶皇月都係冇得剩，今年另一位老闆都收到兩盒半島酒店迷你奶皇月餅，佢啲同事冇攞哂，我有口福啦，雖然我都要減肥，如此高卡的食物應可免則免，可惜我的意志力還是比較弱....

 

呢隻係半島精品店出的月餅，同嘉麟樓出的有點兒不同，大大個盒，包裝都好精緻，每個都獨立包裝方便，而嘉麟樓的月餅是不會每個都有膠袋的。

 

半島奶皇月餅一盒八個，金黄色外層， 半島字樣亦可清晰可見。切開後，奶皇餡沒有離開餅皮，仲痴得好實。咸蛋黄味好重，好黏口，有少少肥膩，皮好軟加埋奶皇真係入口有d融融地感覺，但不太甜，其實好细個，两啖便吃完。比起奇X真係完勝，而且真係唔會皮餡分離。

 

如果加左熱味道會更突出。

 

20170926 - ☺☺九井水產☺☺

9月26日星期二

今日同朋友J吃生日飯，揀了九井水產，餐廳座落在酒吧林立的諾士佛臺。

這家餐廳主打日式浜燒，意思就是在海邊即捕即燒，凸顯海鮮的鮮甜味。

是日有星期二優惠，惠顧套餐加98蚊送嘅甲羅燒+SAKE。 

送嘅就係呢枝大關辛丹波。其酒精含量不高，似是米酒帶出獨特米香，酒的味道好似斯霧露酒，甜甜地較易入口！老實說，淺嚐一兩啖，隨即有即暖流衝落胃部！

苦瓜沙律，沖繩苦瓜唔係到到有得食，同中式苦瓜果然好唔同，入口都幾硬，但佢嗰種苦係甘甘地咁，唔苦，將溫泉蛋搞匀先再食，容易入口之剩又多咗啲蛋香。

雜錦串燒($168)，包五款串燒。

煙肉生蠔串燒: 煙肉包著生蠔，還是首次吃到煙肉不肥，外層燒過，帶點香脆口感；生蠔燒得不太乾，入口仍帶蠔汁，兩者也頗匹配，也是一個小驚喜。
沖繩黑豚腩串燒: 黑豚肉肥瘦相間，燒得香口，帶點鹹香。
大蔥雞肉串燒: 雞肉味道不起眼，反而燒過的大蔥，味道又香又甜，十分美味。
日本青椒仔，吃起來完全沒有辣味。
鮮冬菇，燒過後仍然帶有汁，不會太乾。

竹刺身盛 ＄328內裏包含六款十二件刺身，包括有海膽，油甘魚，甜蝦，帆立貝，金目鯛及三文魚籽全部都新鮮甜美，尤其是海膽同三文魚籽為鮮甜味美，不過紫菜太腍。

牛油果軟殼蟹卷(6件) HK$88

軟殼蟹本身比較乾身， 加上牛油果同食可以增加口感層次，
牛油果香味於口內散開，熟透牛油果軟滑質感加分不少，軟殼蟹也炸得香脆， 這個是推介要試。

我哋四個人就叫一個二人浜燒餐食啦！套餐好豐富又有貴妃蚌，又有帶子，生蠔仲有好長嘅大虎蝦，六百幾蚊都幾抵食。

第一樣先上檯嘅係日本生蠔，用上少許清酒來燒製，煮得很Juicy沒有乾巴巴的情況，而且蠔肉本身亦都很富鮮味入口無渣質素很不俗。

呢個係浜燒套餐加98蚊送嘅甲羅燒其實即係蟹膏蟹肉燒成嘅邪惡蟹蓋，蟹膏邪惡蟹肉鮮甜夾起上嚟真係好令人食唔停口呢！蟹膏雖然邪惡，但真係好好食，香濃深啡色嘅蟹肉蟹膏充斥滿口 幸福。

略嫌蟹腳燒得乾身，相對鮮味稍遜！

活北海道扇貝加入清酒味醂去燒 當酒精揮發後 剩餘清酒淡淡的清甜 加上扇貝原有嘅鮮味 認真不得了

汁都唔好浪費 絕對係精華所在呢！

店員細分幫我地將扇貝一分為二 雖然如此 亦是那麼啖啖肉

當然唔少得呢隻前臂咁長嘅大虎蝦啦！燒好後蝦肉彈牙到飛起，而且好鬼香蝦味好食到不得了！

貴妃蚌亦都鮮甜又嫩口，喜歡貝類海鮮的朋友必定鍾意佢。

浜燒鮑魚肉質爽彈，火喉控制得不錯，只是沒有太大鮑魚鮮味，而且太細隻。

 

燒玉子唔係好甜個隻，

香蔥碎吞拿魚腩卷 。

看似平平奇奇的它竟然是今晚的驚喜。

看似小小顆的， 但一咬下去就知道。碎吞拿魚唔會有筋在飯裡面塞得滿滿的。

另外仲點了海膽炒飯，炒飯都算乾身入面都有很少海膽，而且味道唔係好出色，食唔到海膽味。

20170925 -♪♬♩♫ BB的零食♪♬♩♫

9月25日星期一

 

我由六個幾月去日本時買過啲BB零食俾BB之後，我間中都會買啲零食俾BB，BB一見到個盒就開心豬，不過食哂得返個吉盒佢就唔理個盒，好醒目知道冇嘢食就望都唔望一眼。

第一盒係7個月藍色盒的圓形魚味餅，第一次俾佢食係四月中，EASTER，初初坐得穩都唔係好識拎住食。

 

到宜家一見人食嘢就撲過來要食嘢。大個咁好多，眨吓眼已經過咗五個月了。

 

舊同事話觀塘有開倉價，50元3盒，我喺日本買好似十蚊盒左右，超市/AEON冇呢隻嘢賣，賣BB嘢的有得賣，19-20蚊一盒，所以50蚊三盒都好抵，我買六盒，左上橙色有啲似蝦條，脆脆，BB好瘋狂。右下圈圈又係好得意，呢啲BB零食其實都有味，不過都幾淡味，可以接受。

 

今次一次買六盒，仲有星星餅，BB有排食啦。

20170922 - ♠♤教打特別符號♠♤

9月22日星期五，

 

成日想打好多得意符號，呢篇係俾自己收藏，可以COPY & PASTE 用。
最鍾意係特殊符號，BLOG 可以用到。


般符號；，　、　。　．　？　！　～　＄　％　＠　＆ ＃　＊　‧
　；　︰　…　‥　﹐　﹒　˙　· ﹔　﹕　‘　’　“　”　〝　〞

　　　　‵　′　〃

單框線段；├　─　┼　┴　┬　┤　┌　┐　╞　═　╪　╡　│　▕
　└　┘　╭　╮　╰　╯

雙框線段；╔ ╦ ╗　╠ ═ ╬ ╣　╓ ╥ ╖　╒ ╤ ╕　║ ╚ ╩ ╝ ╟╫
╢　╙ ╨ ╜　╞ ╪ ╡　╘ ╧ ╛

線段符號；﹣　﹦　≡　｜　∣　∥　–　︱　—　︳　╴ ¯　￣　﹉　
﹊　﹍　﹎　﹋　﹌　﹏　︴　 ﹨　∕　╲　╱　＼　／　↑　↓

　　　　　←　→　↖　↗　↙　↘

括號符號；〔　〕　【　】　﹝　﹞ 〈　〉 ﹙　﹚　《　》　（　）　
｛　｝　﹛　﹜ 『　』　「　」　＜　＞　≦　≧　﹤　﹥

括號符號；︵　︶　︷　︸　︹　︺　︻　︼ ︽　︾　︿　﹀　∩　∪　
﹁　﹂　﹃　﹄

特殊符號； •●✿  ✿●•   •●❀ ❀●•   •●❤❤●•    ╭❤╯╰❤╮  ❁  ❃ ◎　⊕　⊙　○　●　△　▲　▽　▼　
☆　★　◇　◆　□  ■　☎　☏　◐　◑　❤ ♡　♥　♣　♧　☻　☺　♠　♤　▪　▫   ☹

　∴　∵　☜　☞　 ☼　☀  ☽  ☾  ☁  ☂┋　◊　♦　►　◁　∈　∋　◘　◙　✈ ✉  ♀ ♂　
　♩　♪　♫ ♬  ￥　〒　￠　￡　※　↔　↕　♨　卍　◈　§　♭ ♯ ♮ ♪♬♩♫

凸 ╭╮╰╯

填色方塊；＿　ˍ　▁　▂　▃　▄　▅　▆　▇　█　▏　▎　▍　▌
　▋　▊　▉　◢　◣　◥　◤　►　◄

方形符號；▣　▤　▥　▦　▧　▨　▩　▒　░

框字符號；㊣　㊟　㊕　㊗　㊡　㊝  ⓛⓞⓥⓔ

數字圓框；①　②　③　④　⑤　⑥　⑦　⑧　⑨　⑩　⑪　⑫　⑬　⑭
　⑮　⑯　⑰　⑱　⑲　⑳


數字括號；⑴　⑵　⑶　⑷　⑸ 　⑹　⑺　⑻　⑼　⑽

　　　　　㈠　㈡　㈢　㈣　㈤　㈥　㈦　㈧　㈨　㈩

數字符號；１　２　３　４　５　６　７　８　９　０　〡　〢　〣　〤
　〥　〦　〧　〨　〩　十　卄　卅

數字其他；Ⅰ　Ⅱ　Ⅲ　Ⅳ　Ⅴ　Ⅵ　Ⅶ　Ⅷ　Ⅸ　Ⅹ　Ⅺ　Ⅻ

英文圓框；ⓐ　ⓑ　ⓒ　ⓓ　ⓔ　ⓕ　ⓖ　ⓗ　ⓘ　ⓙ　ⓚ　ⓛ　ⓜ　ⓝ
　ⓞ　ⓟ　ⓠ　ⓡ　ⓢ　ⓣ　ⓤ　ⓥ　ⓦ　ⓧ　ⓨ　ⓩ

英文括號；⒜　⒝　⒞　⒟　⒠　⒡　⒢　⒣　⒤　⒥　⒦　⒧　⒨　⒩
　⒪　⒫　⒬　⒭　⒮　⒯　⒰　⒱　⒲　⒳　⒴　⒵

希臘文字；Α　Β　Γ　Δ　Ε　Ζ　Η　Θ　Ι　Κ　Λ　Μ　Ν　Ξ　Ο　Π　Ρ
　Σ　Τ　Υ　Φ　Χ　Ψ　Ω　α　 ν　ξ　ο　π　ρ　σ

　　　　　τ　υ　φ　χ　ψ　ω

"日"文符號；ク　ラ　ピ　カ　マ　 ニ　ア　チ　ェ　ッ　ク　あ　な　
た　の　テ　ス　ト　≠ 　〃　て　た　こ　れ　ま

　　　　　で　キ　ャ　ン　プ　シ　ー　ズ　に　か　け　る　か　が
　き　い　レ　ャ　ズ　ン　を　え　た　 コ　ン

　　　　　パ　や　す　う　な　ど　す　そ　ビ　ジ　ネ　ら　れ　て
　い　ア　ウ　ド　ア　や　に　び　せ　だ　も

　　　　　来　つ　リ　ビ　を　し　た　と　に　オ　は　わ　ゅ　う
　ご　り　よ　ろ　し　く　そ　う　ま　ム　ペ

韓國符號；ㄱ ㄲ ㄳ ㄴ ㄵ ㄶ ㄷ ㄸ ㄹ ㄺ ㄻ ㄼ ㄽ ㄾ ㄿ ㅀ ㅁ ㅂ ㅃ ㅄ ㅅ
ㅆ ㅇ ㅈ ㅉ ㅊ ㅋ ㅌ ㅍ ㅎ ㅏ ㅐ ㅑ ㅒ ㅓ ㅔ ㅕ ㅖ ㅗ ㅘ

　　　　　 ㅙ ㅚ ㅛ ㅜ ㅝ ㅞ ㅟ ㅠ ㅡ ㅢ ㅥ ㅦ ㅧ ㅨ ㅩ ㅪ ㅫ　ㅬㅭ ㅮ ㅯ
ㅰ ㅱ ㅲ ㅳ ㅴ ㅵ ㅶ ㅷ ㅸ ㅹ ㅺ ㅻ ㅼ ㅽ ㅾ ㅿ ㆀ ㆁ ㆂ ㆃ

　　　　　 ㆄ ㆅ ㆆ ㆇ ㆈ ㆉ ㆊ

數學符號； ╳　＋　﹢　－　×　÷　＝　≠　≒　∞　ˇ　±　√　⊥　
∠　∟　⊿　㏒　㏑　∫　∮　∵　∴

注意符號；ㄅ　ㄆ　ㄇ　ㄈ　ㄉ　ㄊ　ㄋ　ㄌ　ㄍ　ㄎ　ㄏ　ㄐ　ㄑ　ㄒ
　ㄓ　ㄔ　ㄕ　ㄖ　ㄗ　ㄘ　ㄙ　ㄚ　ㄛ　ㄜ　ㄝ　ㄞ

　　　　　ㄟ　ㄠ　ㄡ　ㄢ　ㄣ　ㄤ　ㄥ　ㄦ　ㄧ　ㄨ　ㄩ　˙　ˊ　ˇ
　ˋ

特別英文；Ä　Ã　Ç　Ê　Ë　Î　Ï　Ð　Ñ　Õ　Ö　Û　Ü　ã　ä　ê　ë　î
　ï　õ　ö　Ÿ　Ŵ　Ž　Ť　Ř　Ň　ĩ　ħ　ą　č　Ĥ

表情符號；


 １。得意  >>  ヾ(◍'౪`◍)ﾉﾞ   ✿｡◕‿◕｡✿   (◕ܫ◕)  (✪ω✪)  (◍•ᴗ•◍)  (๑･ิ⋖⋗･ิ๑)  (･ิ㉨･ิ)

(థฺˇ౪ˇథ)   ( ´థ,_‥థ｀)b   ( ´థ౪థ）σ     (ᇂдᇂ )   ( ΄◞ิ .̫.̫ ◟ิ‵)   (ჰჰჰ❛‿❛ჴჴჴ)     (흫_흫)   (･ิω･ิ)    

ლ（´∀`ლ）   (‷̗ↂ凸ↂ‴̖ )    ( ఠൠఠ )ﾉ   (ತಎತ)   ✧*｡٩(ˊᗜˋ*)و✧*｡  ⁄(⁄ ⁄•⁄ω⁄•⁄ ⁄)⁄    ლ(•̀ _ •́ ლ)

ლ(❛◡❛✿)ლ    ლ(⁰⊖⁰ლ)
 
２。滿意　＞＞　<(￣︶￣)>　~(￣▽￣)~*　(￣﹏￣) 　(￣ˇ￣)　(￣︶￣)>　<(￣︶￣)/


３。開心　＞＞　≧▽≦y　(/≧▽≦)　/(≧▽≦)y　(/≧▽≦)　(≧▽≦)　( ^ิ౪^ิ)  (⊜‿⊜✴）

(≧3≦)/　(≧ω≦)/　o(≧ω≦)o　o(≧o≦)o　( ° ▽、° )  (，_ゝ۞)   o(≧v≦)o　(≧▽≦)/　≧□≦○

(oﾟωﾟo)    (^-^*)    ヽ( ^∀^)ﾉ


４。驚訝　＞＞　︽⊙＿⊙︽　(⊙＿⊙)　(@口@)　Σ(@)(￣￣)+　Σ(⊙

 ▽⊙"a　(@[]@!!)    (ఠ_ఠ)   (ಠ_ಠ)   (⊙▃⊙)


５。無奈　＞＞　(￣▽￣)~*　(￣▽￣)"　  ╮(╯▽╰)╭　  ╮(￣▽￣)╭　(=￣ω￣=)　(￣３￣)a　

 ￣▽￣ 　 ╮(╯3╰)╭　   ╮(╯_╰)╭　  (= 0 =)y     (⇎_⇎)    o(︶︿︶)o    (￣.￣)　(￣< ￣)>

　(～o￣▽￣)～o   (•✞_✞•)

６。哭泣　＞＞　〒▽〒　m(_ _)m　 (〒︿〒)   (ಥ_ಥ)    (〠_〠)  (ಥ_ಥ)  ( ´•̥̥̥ω•̥̥̥` )


７。生氣　＞＞　 ╭∩╮_(︶︿︶)_╭∩╮　（*－.－）　Σ( ￣□￣；) 　(/"≡ _ ≡)　（#－.－）

(ↁ_ↁ)   (ಸ_ಸ)  


 8。暴力　＞＞　o(#￣▽￣)==O))￣▽￣")o 　(￣ε(#￣)☆╰╮o(￣▽￣///)

　(￣ε(#￣)☆╰╮o(￣皿￣///) 　(￣ε(#￣)☆╰╮o(︶︿︶///)

符號分隔；╭。☆║．．．．．．．．．．．．．．．．║☆。╮

　　　　　＊－。－。－。－。－。－。－。－－。－。－。－。－＊

　　　　　…。…。…。…。…。…。…。 …。…。…。…。…。

　　　　　╠═╬═╬═╬═╬═╬═╬═╬═╬═╬═╣

20170918 - ♥ Leather Wedding@新曼谷泰國菜館 ♥

9月18日星期一，

貶吓眼已經係熊人樹懶結婚三周年的日子。

三年是皮革婚，LEATHER WEDDING。

由1變成1+1=2 再變成1+1+1=3。有時諗起又忍唔住會喊，呢幾年都係開心多個唔開心，除了那兩次的唔好彩之外，或者咁，宜家先會更加愛BB。

夜晚踏入十二點之前已切了結婚三周年的蛋糕，個蛋糕朱古力味好重，但個底好難食，好似好硬但又唔脆。

夜晚唔帶BB豬就兩口子撐枱腳，想食泰菜，因為鬼地方冇咩好食泰菜可以食。

 

坐坐吓電車見到灣仔有間新曼谷泰國菜館 就落車去食，門面好細的店子原來有兩層。

 

我哋點了拼盤(小)，可選兩款，拼盤(大)，則可選三款泰式小食，我們只有二人當然選小拼盤，選了，炸蝦餅，外脆內juice，彈牙香口，蝦膠新鮮肉甜爽口， 另選了春卷 ，內裡的蔬菜新鮮脆甜，即時炸起熱辣辣同埋好脆。熱氣可食吓伴碟的青瓜。

泰式海鮮炒粉絲，炒得幾夠味同埋幾有鑊氣，但好似油了一點。

半打串燒，原本點了全雞，但佢哋話唔夠雞，俾串豬O唔OK，都可以，好大串肉，只是啲串燒唔好食，個沙嗲醬好唔得，好似益益地又唔香，啲肉燒得唔會太乾，反而好似太腍。

食完嘢就行咗HYSAN睇LINE熊人。因為熊人今日大傷風，而我都有啲傷風未清，所以睇完LINE FREINDS STORE 就坐車返家了。

20170917 - ☞☞第一次去麥當當☜☜

9月17日星期日

今日都同BB 出街行吓，買吓餸咁。

出到去又唔想再去迎濤灣，因為琴日先去完。但周圍都人多又貴，最後都係揀咗平平麥當當。

見出咗個綠茶千層蛋糕，就好想試，點知係完全唔好食，伏味濃，因為冇咩綠茶味，而且唔係千層，佢係一層層蛋糕，而唔係一層層皮，唔係因為食過LADY M好味而覺得佢唔得，而係呢個真係唔好食，

之前食過元氣或者日本7-11的蛋糕都唔會食唔到一層層皮囉。

呢個係MC CAFE的三文治係芝士通粉，幾好食，加杯咖啡可以平少少。

原來麥當當有BB櫈，有位小朋友唔鍾意坐，所以BB豬有得坐，宜家有小朋友之後，就明白有BB櫈的餐廳係好吸引架。

 

今日啲嘢其實唔啱BB食，雖然都俾咗啲包佢同埋少少蛋糕，但BB真係要食多少少先飽，佢一有嘢食就好開心，好定，隔離枱啲婆婆讚佢乖，BB牛咁眼望住人哋個包包，真的失禮死人，佢哋仲話請BB食包包。其實BB今次係第一次來麥當當咋，我哋兩公婆唔好薯條，所以真係好耐先會嚟一次，小朋友最愛吃的薯條因為我哋唔好，所以佢應該冇咩機會食到。

 

我哋見冇咩啱佢食，所以都叫多個魚柳包俾佢......食啲包包。佢都已經好開心。佢唔扭計，有BB櫈，我哋可以抖抖HEA吓都好呀。

20170916 -☼百厭星回來了☼

9月16日星期六

今日早上BB都唔多好胃口，冇乜點食粥仔。所以我哋帶BB到樓下快餐店食早餐，希望佢見到我哋食嘢會有返啲興趣。

今次BB 好乖好開心，就算我放佢喺BB櫈上都冇扭抱，可能佢知道自己有得食吧。今次專登為BB加六蚊叫多個通粉。

BB 今日都想食通粉，都有食，但始終胃口未回復。所以只吃少少。

但古古惑惑就回來了，同我哋食嘢好似hiphop咁扭扭身，擰擰頭。好多小動作。

究竟上面有咩睇呢？

之後回家BB午睡一會，又去迎濤灣食嘢，不過今次成個袋漏喺屋企，冇帶，唯有去千色買把較剪，剪俾BB。BB喺餐廳要企起身呢

真係曳曳曳曳曳。

20170915 - ※ 清減了※

9月15日星期五。

星期五出院之後，一直都唔係太好胃口，食粥仔只食幾啖，或者平日兩三成咁。

由於高燒四日好傷，平日最喜歡食嘢的BB竟然咩都唔肯食，真係令人好心痛同埋擔心，而且佢有三日差不多完全唔食嘢，只飲全日兩安奶。所以BB瘦哂了。

手腳明顯瘦瘦，以前好好肉地，宜家瘦咗好多，

唔知係唔係發燒之後真係會增高，覺得BB高咗，高咗但瘦咗，所以真係明顯瘦哂了。

 

好彩BB宜家都有返氣力，都好肯玩，所以都冇咁擔心，希望佢可以快啲回復胃口啦。

20170910-12 - ✿入醫院 :(✿

9月6日星期三至 9月12日星期二

BB中了RSV 病毒，星期二晚病發半日之內變咗支氣管炎，星期三開始發燒，一共發燒六日，其中兩日低燒，之後四日高燒，星期五最高燒到39.5，星期五早上知道BB高燒，我立即回家陪BB睇醫生，醫生開咗抗生素，星期六好似有少少好轉，退過燒，但晚上開始勁咳，而且又嘔哂啲藥出來，最後只餵咗高燒藥同埋抗生素。

 

去到day 5即係星期日，BB又高燒，食藥都唔多退多燒，由於成日高燒，佢都冇咩心機玩，咳得好緊要，係NON_STOP咁咳，氣促，於是入咗醫院，去咗仁安。

BB由星期五開始三四日冇食嘢，全日只飲兩安奶，食幾啖粥，咳到冇得停，高燒加鼻塞令到佢冇心機玩，。

 

 入院我全程攬住BB。佢高燒退完又再燒過，全日迷迷糊糊。

入到醫院陳醫生估計佢中了RSV病毒，DAY5係高峰期，病毒冇藥可以醫，只可以靠自己打。

驗咗出來真係中了病毒。住咗兩日醫院，BB個肚貼了探熱器，一有燒就要餵藥，我同BB都冇得好瞓。

由於有氣喘，所以入咗醫院之後每隔四小時聞氣，可以令啲痰少啲，擴張氣管，每次吸一小時，有時BB唔係瞓著覺係唔肯吸氣，同BB搏鬥到兩三小時先聞完氣，所以我都好攰，喺醫院都冇時得閒了。

 

星期一中午，姐姐話BB退燒時終於出咗汗，(我返了家梳洗)，夜晚(尋晚)終於停咗燒，今日終於出到院了，

星期二早上終於開始飲返3-4安奶一餐。

退燒之後精神返啲。

BB希望你經過今次大病之後快啲長大啦。

至於病毒的源頭，估計都係PLAYROOM惹到，真係好後悔帶BB去玩，以後有一段時間都唔會帶BB去玩了。

另外今次入院好彩可以CLAIM保險，三日兩夜19,XXX，真係攞你命。好似有好少部分CLAIM唔到。希望唔駛點出錢啦。

20170908 - ✿Chateraise✿

9月8日星期五。

 

因為BB病了，我放咗假，湊住BB都買少少嘢先返屋企食。

因為熊人去了幾日大陸，想買件蛋糕等佢回來吃。

呢間係馬鞍山比較好啲的CAKE SHOP，話係日本直送，於是去買吓。

綠茶千層蛋糕係人氣NO3。

層數都算多，綠茶味都OK。

 

但最大問題係件CAKE唔係全件係千層蛋糕，竟然有1/3個係朱古力/紅豆。

紅豆配綠茶係平常的配搭，不過配千層蛋糕就唔夾。

朱古力味濃，搶咗千層蛋糕的味道，而且格格不入。

係唔係因為千層蛋糕要好多手工，所以慳水慳力用蛋糕搭夠。

38蚊唔多抵食囉。

20170904 - ▦11個月但撞親▦

9月4日 星期一 Day 336 

 

BB今日十一個月啦，影完呢幾張坐櫈相，轉頭就跌咗喺地下。

今次跌腫咗塊面，喊起上嚟真係有眼淚，啱啱我返到屋企，入屋前仲聽到BB玩得好開心，一按門鈴就聽到BB大喊，要我抱抱先收聲，一定要我抱住，唔肯放低食飯飯。

 

最後我俾啲新玩具我先慢慢情緒平復。因為當日LUNCH TIME有個朋友買咗份玩具俾BB，BB一直喊喊好慘時我拎份玩具出來，抱住BB，BB望住我笑，佢好似明白我係最錫佢的人，佢一邊望住份玩具，一邊望住我開心笑，個感覺真係冧GG，佢開心甜笑，我就覺得自己擁有了全世界。

佢影相時仲好得戚，懷疑佢當張櫈係車咁揸之後出事，不過唔緊要啦，男仔跌跌吓就大個豬了。

之後返到屋企玩玩，又撞親吓，撞到成個花面貓咁。

20170903 - 放電日✿｡◕‿◕｡✿

9月3日星期日

 

見BB開始大個豬，所以想帶佢出街玩吓，見吓其他小朋友，希望可以令到佢想學行。

首先帶佢去公園，好多小朋友喺公園玩玩，想BB都試吓玩，先發覺佢其實好細粒，好多嘢都玩唔到，呢啲設備佢腳都唔夠長騎。

天氣好熱，公園唔係一個好的選擇，都係食埋嘢就走人好了。我叫熊人執袋，點知佢有帶奶粉，冷熱水，但竟然冇帶奶瓶，都冇法子了，唯有俾麵包佢食。

其實BB好喜歡食麵包，佢中午餐奶其實都食少咗好多。

之後經過馬鞍山體育館，有冷氣嘆一嘆，而且裡面有個兒童遊戲室。

個PLAYROOM有軟墊。

有啲小遊戲。有軟墊滑梯。BB玩得好開心。可能因為放咗電，BB返家豬咗個半鐘呢。