20170928 - §半島酒店迷你奶皇月餅§

9月28日星期四

 

 

一如以往，半島月餅有炒價，半島月餅賣斷市，半島月餅好貴氣。

每年都有BANKER送半島酒店迷你奶皇月餅俾老闆，不過老闆通常先分俾秘書，秘書們雖然日日都嚷著減肥，不過半島奶皇月都係冇得剩，今年另一位老闆都收到兩盒半島酒店迷你奶皇月餅，佢啲同事冇攞哂，我有口福啦，雖然我都要減肥，如此高卡的食物應可免則免，可惜我的意志力還是比較弱....

 

呢隻係半島精品店出的月餅，同嘉麟樓出的有點兒不同，大大個盒，包裝都好精緻，每個都獨立包裝方便，而嘉麟樓的月餅是不會每個都有膠袋的。

 

半島奶皇月餅一盒八個，金黄色外層， 半島字樣亦可清晰可見。切開後，奶皇餡沒有離開餅皮，仲痴得好實。咸蛋黄味好重，好黏口，有少少肥膩，皮好軟加埋奶皇真係入口有d融融地感覺，但不太甜，其實好细個，两啖便吃完。比起奇X真係完勝，而且真係唔會皮餡分離。

 

如果加左熱味道會更突出。