20140228 - ✿｡◕‿◕｡✿奸夫

2月28日 星期五

琴日原本熊應承了來我屋企食飯，點知又話唔得，最憎人放飛機，嬲嬲。

今日同熊去葵芳食，順便去行下葵涌廣場睇下公仔。點知熊忽然拎啲嘢出來。原來係宜家ok換的奸夫。奸夫係第一年識熊同熊行年宵買的間條熊同系。由於好喜歡間條熊，所以同系列都喜歡，當中有兔熊同馬騮，但我最喜歡熊。

去了葵涌廣場的鄧媽媽食，以前只食過小雨天，未試過鄧媽媽，

其中担担麵幾好食，不太辣，

而水餃都ok,但當然是山東餃子館勝啦，

仲有湯飯，熊嫌湯飯太淡，但夏天時食應該唔錯。

20140227 - ◇◆姪仔半歲◆◇

2月27日 星期四

熊本來話同我一齊返家食，當日下午先話唔得。

即時嬲嬲。

當日是細姪仔半歲人仔的生日，祝佢快這長大。

蛋糕好靚，但超級難食，聖安娜蛋糕真係⋯

士多啤梨糖面唔好食預左，但個蛋糕底可唔可以有少少誠意，就咁普通蛋糕夾極少水果。同東海堂的蛋糕有樣又流心爭好遠。

 

20140226 -•●❀三月份指甲❀●•

　

今日同同事一齊去整甲，嫌呢個清得滯，要等一個月先可以換款了。

之後食肥姐，二個人食三串，再食雲吞麵，肥死啦。

20140225 - ヾ(◍'౪`◍)ﾉﾞ熊整飯食

2月25日 星期二

熊自從搬到葵涌之後,weekday間中會煮飯食，上次煮過魚粥，今次就整雞飯，因為我哋星期日想食雞飯，但街市冇雞賣，所以今日整。

今次好好味，因為有蔥。好入味半隻鮮雞喎。我食了兩碗。

仲有豆苗。豆苗好滑，冇渣。

熊上次買料整蛋糕時，買左個cream冇用到，今日到期。於是整埋scone，個cream用來點，熊落左檸檬汁去個cream度。食完飯忍唔住試食左兩件。

好full,說好的減肥呢？

今日bitstrip的圖，熊話似我呢。

同熊一起食熊煮的飯，好幸福啊。

20140224 - ◐23圈◑

2月24日 星期一

好耐冇寫BLOG，因為又懶又病。
但其實只要冇病都有跑步。
跑咗23圈了。
是一個好大的進步。
仲有2個圏就10K
要努力啦。

20140212 - ☆★泥鯭粥★☆

2月12日 星期二

仲好肚痛。所以都係食粥比較好，

熊去了街市買泥鯭煲粥。

我好少食魚粥。

好鮮味好鮮甜。

用生菜墊底，可以食吓菜。

用果皮煲，魚唔會腥，好鮮甜，

當日天氣好凍，得七度，食一大碗粥暖暖飽飽。食完好滿足。

20140207 - 11 (〒︿〒)腸胃炎

2月7日星期五同同事食完寧波之後就開始胃痛，三點開始胃痛，但當日仲有野趕，開ot 到八點，捱住痛返屋企食左一半飯，瞓係梳化睇左一陣電視，涼都冇沖就瞓了，可想言之幾辛苦，熊當晚去811打牌，我都冇咩理佢，之後兩點起身就落妝之後屙水。

第二日星期六原本想去迪士尼，因為新年只去過一次。但一起身沖涼之後飲左啖水就嘔水，又屙，睇完醫生食完藥之後就倒頭大睡。起身食粥又再瞓過。原來發燒呢。好熱。

到了星期日天氣凍咗好多，又有雨，我都有微燒，仲有周身骨痛。三四點熊來探我，陪到我食完飯至走，不停食退燒藥，到咗十點好似退燒了。可憐兩日假期就咩都冇哂。

星期一都仲係肚痛，返屋企食。

20140205 - ☆★大喜屋lunch★☆

2月5日星期三

年初六啦，第二日開工。

約了chanc9在大喜屋午飯。年三十晚先同同事食完。今日又食呢間。因為幾好食，

我呢個set都係108。有三色刺身，每樣兩片少少地。

沙律。

湯。

而主菜是北海道海鮮烏冬，上次我ko了整個刺身船好飽呢，新年食好多糕點油膩，唔敢吃太多魚生，怕腸胃受不了。

但都食到好飽。

多謝chanc9的利是。

20140203 - ♪♬♩♫ 年初四♪♬♩♫

2月3日 星期一，

今日年初四，但冇年初四咁樣，因為今日都係公眾假期。

同熊一早在附近的稻香飲茶，呢間稻香在工廠區，不嬲星期六日都不用等位，今日新正頭都唔算好多人，但冇人番工同執枱。所以都等了一陣。

食叉燒腸

雙拚卷，包括奶皇馬拉卷同埋糯米卷，好耐冇食過，每人一件少少地。

冇平日的蝦餃，粉果雙拼，只好叫粉果。

燒賣。

鳳爪，

之後因為熊呢個星期都唔陪我而喊起上來。我只想熊對我好好好好。

之後我返家吃，聽日要返工了。

在上星期六去花墟買年花時，買了一棵風信子。

開花了，好香好靚。

今年年花有百合，富貴子。

仲有串串金，串串金同銀柳好襯，有金有銀，好正，下年要再買。