20180227 - •●❀櫻花杯❀●•

2月27日星期二
中午傳來一張相。
BB整爛咗個LeCreuset 兜。整爛最靚嗰個。嗚嗚。



忽然想起睇睇有冇Starbucks櫻花杯，原來2月21日已經開賣了，記得兩三年前香港出的花花杯好肉酸，今次網上睇到台灣同香港同款，今次以粉色為主，櫻花圖案幾靚，仲有夜櫻系列，以深藍加櫻花為主題，好靚，靚過日本今年太彩色，
即刻想買一個，不過可能遲了幾日，好多地方都冇貨。地鐵同歷山大廈間都冇得賣，嗚嗚，行到去怡和先有，本身想買夜櫻隨行杯或保暖杯，不過夜櫻系列找不到，見到160一個TALL SIZE隨行杯都幾靚，所以都買個用吓。

下面的水晶球有幾片花瓣，頗精緻同靚。但因為下面有個水晶球所以個杯好似好大。

仲有一系列櫻花主題食物，首先吸引小編的一定是白桃布甸，裡面加有白桃果肉，好有初春氣息，另有柚子布甸選擇。
因為想要個夜櫻杯，於是25元買了一個柚子布甸吃。但其實個味道係頗失望，好酸，蓋哂啲牛奶味，而且太細盒，唔抵食。
  

20180226 - ◇◆狗年第二跑◆◇

2月26日星期一
今日巴士有新班次呢，我坐早班7:30 回到家，結果咩都早哂，早食飯，早回家，玩多了，又早點睇YOUTUBE同食奶奶，22:35搞掂BB，今日本來要去飲金銀花，但我同媽咪講跑完先飲。

今日天氣唔錯，16.6度，風幾大而且夠乾，要抓緊冬天的尾巴跑多兩次，一踏入春天，雨紛紛，想跑都冇得跑架啦。

不過宜家一個人跑其實要踏出家門一刻要有無比的勇氣同決心，邊個唔想坐吓休息吓？想跑得開心啲，唔想跑樓下咁悶同車爭路，都係去長廊跑，宜家有IPHONE一齊跑，想知自己跑幾耐同埋想KEEP 住速度。

大約都係30MINS 5K。今次又唔夠5K，但都好攰吓，好差，因為要趕住返媽媽度飲金銀花。冇跑遠啲先調頭。
KEEP住呢個速度跑，希望慢慢加到6K。

20180225 - ☼☀荔枝角公園☀☼

2月25日星期日
BB又早起身唔瞓，今日八點，都唔係好差啦(-__-)。

玩玩吓唔知玩乜好，十點自己帶BB落街練習行樓梯同買包包食。
BB喺媽咪附近行啲薄薄地樓梯，係咁上上落落佢都好開心了。難為我暴曬了幾個字。
同佢買麵包，之後又同佢睇魚魚同龜龜，HAHA住了廿幾年都唔會睇吓魚同龜，但成日見啲人抱住小朋友睇，我又同佢睇。BB有得出街就好開心，唔會好介意遠近。

之後返到屋企，熊煮好早餐，食完沖完涼差不多十二點，可能先前放過電，BB都肯豬覺，以為佢會豬兩三小時，熊於是去洗車，但佢只係瞓個幾鐘就起身了，都話BB成日都會俾驚喜人架啦，起身得我同BB兩母子，見佢早上冇咩食嘢，於是打算煮個通粉俾BB。但BB係咁扭同喊，結果我用孭帶孭埋佢一齊煮。痴身就係咁練成了。
作為一個唔稱職的媽咪，歲幾先第一次整嘢俾BB食。蕃茄菜通粉。係HELLO KITTY 通粉嚟架，有落少少鹽，煮到咁上下都有俾BB食幾粒通粉，煮好叫佢自己坐喺HIGH CHAIR自己食，我就洗碗。佢都好乖乖食，點知佢屎屎，同佢沖PAT PAT就淋濕佢底面衫，我真係好冇用，不過BB全程冇扭計，換衫好合作，真係好乖。
搞好哂熊人就洗完車回家。



即刻換衫去油麻地買返個焗爐。買完之後買啲飯同豆腐花去荔枝角公園。
HAHA食吓嘢就同BB去公園周圍行同玩，佢好開心， 落地就跑咗去，好多人，有姐姐，亦有香港人。同佢行吓樓梯，睇BIRDY。
BB仲咩都要玩，俾成人健身的都要爬一餐，上上落落都會叫一下，太得意，見到雀仔又去跑住追。雀仔見BB埋來就飛走了。


最好仲見到啲居民放狗，BB見到狗狗好開心。啲狗狗好乖，可以俾BB摸摸。
回程時BB豬了一陣去到婆婆家又唔捨得豬了。
食完飯沖埋涼先走，辛苦咗一日但又好開心。因為同BB一起成長只有星期六日咋。
要好好珍惜。

20180222 - ♪♬♩♫ 開年飯@香港華商銀行公會♪♬♩♫

2月22日星期四
今日係TEAM 開年飯，上年去寧波，今年就改咗去香港華商銀行公會，行會只制的， 要有會員証先可以食，不過我哋公司有秘書有會員證，可以食啦。
我哋同IT一起吃，一共有四圍，同我哋SET咗個MENUS

珍珠金莎大蝦球，類似黃金蝦，但係輕巧版。

好搶味，金沙即是鹹蛋黃，外層甘香，明蝦球好大隻，有半個手掌大的，好爽口，讚。

鮮果子薑咕嚕肉，咕嚕肉外層酥脆，肉質鬆軟。甜酸汁濃稠味道不俗，加埋菠蘿酸酸甜甜好惹味。

例湯是發菜蓮藕大脷湯，湯渣都排得靚過人，好耐冇食過豬脷，食咗幾件。

鮮菇扒豆苗，唔止有菇，仲有好多瑤柱，

點心有蝦餃同菜苗餃，皮薄餡靚，新鮮好食。

蝦餃．新鮮彈牙

菜苗餃多菜多蝦，好豐富。

芋絲春卷，即炸乾身夠脆唔油，而且足料。

甜品是杏汁雪山包，軟熱香糯的雪山包內藏著濃稠的生磨杏汁，一咬落去有汁，杏汁甜度輕微，唔藥水味，可以細嚐兩者的完美結合。
另有紅豆沙湯圓。

仲有炒飯同埋
炸子雞，好食脆口、惹味、蒜香、雞滑，
呢間中菜菜式都昆香口得嚟唔會好油，好乾身，是好高質的中菜。大家都覺得好好食，好滿足。

20180221 - (◍•ᴗ•◍)旅かえる(旅行青蛙)

2月21日星期三
一直都想寫呢個GAME
生了BB之後其實好少玩GAME，以前玩開的LINE RANGER都冇玩了，熊大農場又唔係成日玩，亦不打算玩新GAME，所以知道有新GAME好HIT都不為所動啦。
不過朋友食LUNCH係咁游說我玩。又話唔困身，而且又係日本嘢，所以都玩吓啦。
介面好簡單。

1、介面分為庭院和室內。
2、庭院內上方為【主菜單】，包括【現有物品】、【記錄】、【幫助】三個子菜單。
3、庭院內的田地，隨時間長出三葉草，日常採集三葉草作為貨幣。偶爾掉落的四葉草作為一次性護身符使用


原文網址：https://kknews.cc/news/krq99yr.html


蝸牛係朋友，可以睇廣告，餵東西給他吃就有有獎勵，有時會有抽獎劵呢。
青蛙回到家會吃吃。

看書，不過有時會看到昏昏欲睡。

 
寫日記

做點小手工。


【室內】最核心的功能就是左下角的【準備行李】。其中藍色頁面為【背包】，也就是蛙蛙下一次必然會帶走的行李，選擇好以後按白色按鍵確定保存；黃色頁面為【桌上】，如果按【收起】會清空桌面。如果背包空了，蛙會隨機帶走桌上物品。要是背包和桌子都空著，蛙會餓著肚子在家裡呆。

❤初期蛙糧：帶80草的點心，會縮短蛙回家的時間，可以多攢很多東西
別帶50草那個，會延長回家的時間……


❤蛙蛙的背包（藍色方格）和桌子（黃色方格）如果都空著，蛙可能會離家出走，給它把桌子（黃色方格）放好食物，會自己回來的
裝背包（藍色方格）需要按一下按鈕
擺桌子（黃色方格）只需要把東西放進格子就行，不需要按按鈕
❤四葉草一定要帶上，會多拿回來很多禮物
四葉草的來源：串門動物送給蛙的，地里也會長出來

我們要做的是為他收拾好背包。我們不知道蛙何時出門，也不知道他什麼時間歸來，只能痴痴的等他回來。他寄來的明信片就是最大安慰。


 
有時會見到朋友，如松鼠，螃蟹，蝴蝶，我就只見過蝴蝶。


這個有點像東大寺。
  
如果想有特別的朋友就要抽獎了。

20180220 - ✿｡◕‿◕｡✿返公司逗利是

2月20日星期二
年初五開工大吉，今年都仲有唔少人封利是俾BB。
六點左右嚟到OFFICE，初初搭LIFT好開心，一出LIFT就同圍走，想衝去CKI嗰邊，之後又入OFFICE喺走廊周圍走，好開心咁，仲衝咗入去其中一位老闆間房，點知一有人想抱BB佢就驚驚，雖然全程冇喊過，但攬到實，而且唔肯落地，一落地就想喊，我要抱住廿幾磅人仔幾個字，佢基本上見人伸手就擰轉面唔會俾人抱，但人哋俾利是佢又收呢。
之後同佢去永隆附近間大家樂食晚飯，冇BB椅，食到成地都係，一食飽就要落地玩，好百厭，唔順佢意就反抗，好大力。點搞。
其實佢好想地地玩，咁我唯有去到IFC見地方大又人少俾佢同圍行。

大鄉里出城，見到廣告好開心。

新年布置，花花好靚都好開心咁睇。

DADDY叫佢唔好搞佢又聽話唔搞。


商場地方大有地氈唔怕跌，宜家都行得好好啦，成日都暴走跑跑，我哋捉雞仔捉到攰。而且仲開始要學上落樓梯，

有條橋有幾級樓梯，俾佢上上落落已經好開心。樓梯幾大級，佢唔係好上到，有時要用手爬。-__-" 不過同場有個同佢差不多高的BB都可以上樓梯不用爬。
要同BB玩多啲先得。


上年逗利是的BLOG

https://bryanmaggie.blogspot.hk/2017/02/20170201.html

20180217-18- •●❀ 初二初三❀●•

2月17日星期六，
年初二
昨晚一早瞓以防BB早起都唔怕，點知姐姐九點先走，BB瞓到十一點先起，可能琴日玩泡泡好攰了。
又過去婆婆家食齋同埋玩隻學聲貓貓，之後爸媽首先出發，BB同我同嫂嫂遲啲行，BB去到太婆家又好驚驚，想喊，又變得好斯文，不過今日有表哥喺度，佢跟住表哥，慢熱少少都有大叫，之後去酒樓食飯，佢係咁食呢，又要自己食飯，又由頭食到尾，真係嚇壞人。


由於六點開飯，食完都係七點半，回家都是八點前，BB唔瞓晏覺呢，所以回家途中都好癲，返到屋企又亂玩，周圍走，人哋啲BB眼瞓就瞓，佢就唔係，反而會大叫同亂走亂搵嘢玩。激死人啦，熊又去開工，我決定八點半就同佢睇電視，九點飲奶，九點幾睇睇吓電視在我懷中瞓了。哈哈。鬥唔過我。之後我趁佢豬了跳舞，十一點過媽咪度睇波。

2月18日星期日，
年初三
今日買姐姐假就好舒服。輕輕鬆鬆，大家瞓到十一點左右，食完早餐同BB玩玩，之後兩點同BB去大家樂食TEA，之後我同熊人就兩口子去新港城行吓。買啲嘢準備聽日有客人到來。

忍唔住同熊食SHARE食了一個吉士小法包。啲吉士好食，不過法包就真係有點硬。

今日姑姐來，去哥哥家吃晚飯同打牌，我哋兩位姐姐負責煮食。
兩位小朋友排排坐等開飯，



食完飯，湊完BB，我鼓起勇氣去跑跑，上次氣管玩咗兩三星期，原來足足一個月冇跑了。因為病過，真係好差，半小時得4.95K，差少少才到5K，要努力啦。

20180216 - ~(￣▽￣)~*年初一玩泡泡

2月16日星期五
年初一，BB又六點九起身唔瞓覺，不過九點又瞓返，瞓到十二點幾，媽咪整好清清地齋菜同BB食完就去元朗拜年，
上年新年BB仲係手抱，今年BB識行識走，唔同哂啦。
BB去到嫲嫲度都係比較靜，雖然有玩，同埋都唔會太驚人，但都係比較平日斯文。
我哋買咗啲泡泡同BB喺天台玩，BB好開心，佢好鍾意啲泡泡，成日好緊張點先有泡泡，又追泡泡，BB追泡泡時係跑跑，不知不覺BB又大個咗了，
追泡泡追到攰哂都唔肯瞓覺，個個睇住佢幾時會瞓，點知佢突然間起身衝去我度，於是我同佢瞓，初初都唔肯瞓，後尾俾狗狗佢先肯瞓。

回程坐車返家我暈車浪呢，頭痛加作嘔，好彩熊幫我湊BB，由於怕BB又早起，所以十二點左右就瞓覺啦。

20180215 - ╭。☆年三十晚☆。╮

2月15日星期四

今日是年三十晚，放四點，難得熊人都放假。BB留在家中，熊人四點半到朗豪坊影狗狗，可愛柴犬，不過一陣就影完，如果BB喺度就有排玩。



熊話想行去油麻地附近睇吓焗爐，不過年三十晚有好多店舖都收爐啦，已關門，行吓行吓不如就行去果欄買啲水果返來一起吃。
我第一次去果欄咋，不過一樣有好多人好似我哋咁買水果過節食。
所以人迫的程度同行行花市係差不多的。

最後買了車厘子同埋日本士多啤梨。
團年飯有湯仲有飯後果同埋雪糕火鍋。
馮以朗竟然飲了三碗湯。


今次個雪糕火鍋好正，有朱古力味同綠茶味，啲雪糕仲有好多款好正，
而士多啤梨亦都好好食，只是車厘子就有點普通。

十一 點左右，BB豬了之後，再過媽咪度倒數，仲同媽咪切蛋糕慶祝媽媽農曆生日快樂。
仲食湯圓，好飽呀，年年農曆新年都增磅呢。

20180215 - ♡❤ 兩款情人節蛋糕❤♡

2月15日星期五
上星期訂媽媽生日蛋糕時有一張coupon可以平十元，諗住熊人唔會買咩情人節嘢俾我啦。自己去東海堂買兩件心形蛋糕平10元當慶祝情人節，不過熊人2月13日當晚好夜返，2月14日又忙足一整天，所以呢兩件蛋糕等到2月15日先食。
係MOUSSE CAKE，有粒紅桑子喺面啲mousse少少酸甜，大概都是紅桑子或士多啤梨吧。但有樣敗筆係個餅底，唔知係雪咗兩日唔好食定點，濕濕淋淋但又唔係曲奇餅底，怪怪的。唔會再有興趣食下次。


另一個蛋糕係2月14日當天正日買俾媽媽吃，朝早去交管理費順便買兩件蛋糕俾媽咪當係昨天媽媽新曆生日+情人節蛋糕。
聖安娜的，紅桑子mousse蛋糕，下午湊完bb到媽媽家當下午茶吃，又幾好食，酸酸地的mousse加海綿蛋糕底，易入口，我同媽媽share一件，但bb竟然吃最多。呢件本來仲有朱古力味，但冇買，因為朱古力係啡色同情人節唔襯之外，媽媽又唔喜歡朱古力。
呢件唔錯，可以再食，不過是情人節限定，想再買都冇得賣。

20180214 - •●❤開心情人節❤●•

2月14日星期三
今日係年廿九又係情人節。
由於同BB整好咗passport，要bb親身去拎，我請一日假同bb拎，順便慶祝一下情人節。同兩位情人慶祝。
唔駛返工都好開心啦。一早九點半起身落街交管理費，之後買件情人節cake俾媽咪，再返家，等多陣熊回來，原來佢專登去花墟買花花俾我，係鬱金香呢。
熊人話佢係自己包花，所以平平。哈哈，平平都好開心，因為熊專登去花墟買。


之後十一點幾就出門口，同bb去攞passbook，等三個未就搞掂了。
然後就同bb行ikea，ikea地方大，可以俾bb走走，bb好開心呢，一入門口就見到狗狗公仔，由於近來同bb玩貼紙，睇電視都有教佢狗狗，佢一見到狗狗就好開心，兩隻狗都要。

bb應該係dog lover~

行到一半就在ikea餐廳食，佢有粟米食就超開心，食完嘢之後仲俾bb推購物車，

好得意，點知推唔夠一排就唔推了。

行完IKEA開始失控，成日要行扶手電梯，又要地地，

之後捉走佢去新城市，有LEGO新春報置，好正呀。
BB又好開心，一見每個公仔就走埋去，但佢係摸啲公仔咀咀，好奇怪。

幅幅都係咁 (-__-)

一見到狗狗就摸摸。

仲有啲DISPLAY以圍村做佈景。所以有炮仗。

LEGO狗狗好似人一樣玩玩，食食。真係好CUTE。

 

 

BB玩到唔捨得走，但都要走，我哋之後去樓上買少少嘢俾熊媽媽。
再坐車回家，冇同BB行花市，一日做唔到咁多嘢，因為BB行咗幾個鐘，冇哂電啦，去取車途中已經瞓咗。