20170730 - 識朋友仔✿｡◕‿◕｡✿

7月30日星期日

同事的男友做兒童書，印多咗的每半年會清一次書，佢叫我哋上去火炭度攞書，原本係上星期日去攞，但上星期日早上掛咗個短命八號波，所以都取消冇去攞書，改為今個星期日。

今個星期日好熱，11點幾已經35.6度，好似晏啲仲去到37度，希望討厭的夏天快啲過，炎熱天氣真係令人吃不消，

朋友過來馬鞍山接我們，我邀請他們順道來坐。順便可以同馮以朗玩耍。

馮以朗認識了Hayden BB，由於這是是馮以朗的家，有主場之利，馮以朗好開心，但可憐Hayden bb就驚咗隻馮小b，馮小b反而就同家姐玩得好開心。

 

兩位小b冇咩交流，馮小b係咁爬，原來佢爬得算快呢。

喺車上Hayden bb有摸摸面，罕有地有少少交流。

去攞書收穫甚豐呢，bb返家食埋粥仔之後就睡魔急call，我陪bb瞓到七點幾先過婆婆度食嘢，今日咁熱，有西瓜食，bb都有份食呢。

都食得幾開心。

20170729 - ♨♨熱爆星期六之飲茶+西貢海鮮♨♨

 

7月29日星期六。

宜家唔駛返星期六真係好開心，bb好早醒，我就餵粥仔俾bb食。bb好開心，因為見到父母，多兩個人陪佢玩玩。

今日試吓早少少去海港睇吓會唔會有位飲茶，十一點四左右去到，唔駛等就有位，得閒可以去飲吓茶啦。

點了流沙煎堆仔，係奶皇餡，好味啊。

腐皮卷，正常。

潮州粉果，餡係幾多，不過啲皮整得麻麻地，會穿。

鳳爪，幾好食。

叉燒包，可以俾bb食少少。

珍珠雞，因為有半隻咸蛋黃，所以加分。

bb平日食完早飯會瞓一個鐘多啲，但佢宜家因為同我哋去飲茶，所好眼瞓，又冇人同佢玩，好彩個位可以開到bb車俾bb坐，但我哋就話食嘢咋，佢冇嘢做悶悶，又眼瞓，所以扭扭，酒樓啲嘢好油，冇嘢可以俾佢食。唯有俾叉燒包啲白色白佢食。佢都鍾意食，宜家見親大人食嘢都要食呀。

 

之後同我哋再行多一陣新港城就同工人姐姐兩點鐘喺麥當當會合，bb眼瞓要姐姐帶佢返屋企瞓覺。

我哋就去西貢買海鮮今晚同爸媽吃。今日十分熱，熱到熔，因為有風去台灣，下沉空氣令天氣悶熱。♨♨♨

我哋一落車就搵間嘢坐低好過。

Little Cove Espresso，咖啡唔平，但幾好飲，冷氣夠又可以HEA，睇住出面35/36度高溫，真係要好好HEA 一陣，拎住前兩日喺OK買的疏乎蛋漫畫睇吓先。

咖啡有拉花，FLAT WHITE好開咖啡味。

餐廳兩間鋪相連，半自助，買完野就可以自己搵位，有人拎過來，木製枱凳好country feel，

熱到喊，好彩冇帶BB，否則焗病就慘了。

喺西貢街市買完嘢就急急走人，

今日又食花甲，藍花蟹同埋紅魚。

太大隻花甲反而麻麻地。

蟹真係好好食，薄殼，連腳都可以食埋。

20170728 - 剪頭髮✿｡◕‿◕｡✿

7月28日星期五

日日LUNCH HOUR 都要出外走走，唔好咁肥肥，有時去金鐘有時去IFC，有時去影摩天輪，要走遠一點，反而少了午睡，現在一天盡量要行6000步，其實步數不多，每天返工放工基本都有，但因為我沒有外出食午飯，所以有時五千步都沒有，不久將來要加到7000步。

 

今天天氣很熱，走到碼頭附近特別熱，不過今天天很藍，雲不多。

星期三晚上熊人覺得BB前額頭髮太長，所以幫他剪了前額頭髮，由於只是前額頭髮，所以很奇怪，也很醜怪，星期四晚在婆婆家吃飯，婆婆覺得很醜，所以今天婆婆問了BB沒有睡覺就帶BB及工人姐姐到樓下剪頭髮了。起初以為店舖關門而白走一趟，幸好最後發現是有開門的。

 

BB第一次到外面剪髮，他不但沒有哭或者恐懼，而且非常好奇，四圍望，也很開心。

快快剪完回家沖洗呢。

 

BB遺傳了我們二人都是很多頭髮。

這個髮型看上去很成熟。似小孩子了。

 

BB開始可以自己爬高爬低，要好好注意家居安全才行。

20170724 - ☺️☺️好味的疏乎蛋食品☺️☺️

7月24日星期一

原本約了vyvy同Chanc9食晏，點知Chanc9病了，我冇帶飯就要買嘢食，宜家好少食STARBUCKS 因為貴，有時反而會買東海堂杯綠茶咖啡。廿幾蚊但幾好飲。

 

今日去OK買三文治加咖啡，諗住過20元有OK印花。點知宜家啲印花轉咗E印花。要DL個APP先再登記自己OCTOPUS先可以儲到印花，冇哂PAPER印花，咁講法人哋唔可以俾印花我，要我自己真金白銀駛錢先得，激死我啦。

 

但我真係好想儲印花換梳乎蛋筆呀。好靚呢。

OK因為呢排做梳乎蛋換購，配合了唔少梳乎蛋食物。

上星期一又冇帶飯，食過梳乎蛋叉燒餐包。$7.5，有疏乎蛋個樣特別好味。 

當日仲食咗一個東海堂雞批，好一般。

而今日我就買咗疏乎蛋三文治，係好軟熟的麵包+栗米蛋黃醬，我喜歡蛋黃醬所以覺得好好食。

14蚊印有疏乎蛋樣。XD，我覺得好好食，但熊人唔信。

20170722 - ♨️♨️熊人生日@Espuma♨️♨️

7月22日星期六

今天熊人生日，原本想帶BB到尖沙咀食午飯之後再去THE ONE 影LINE FRIENDS，不過甲型流感肆虐，BB都係少去街好了。

最後只去食LUNCH，早上熊外出比賽，我就自己一個人帶BB到尖沙咀厚福街同熊人及其朋友會合。天氣很熱，由紅磡走到厚福街都滿頭大汗了。

 

西班牙黑毛豬薄餅，薄餅底是很薄的一種，邊位會有點燶，但再吃中間點便會有焦香的味道，黑毛豬很多，再配上火箭菜，芝士，好吃。

BBQ醬燒豬肋骨 $168

滿是BBQ醬，賣相好吸引，但有好重雪味，失望。

 

食得西班牙菜，一定要試下西班牙海鮮炒飯。

呢度用料十足，有不少青口，大蝦，魷魚，蜆，魷魚仔，CHORIZO幾好食，而且蝦都大大隻👍，仲有勁多CHORIZO ，加上啲檸檬汁更開胃，好好食。

肉醬千層麵。因為有牛肉，我冇食。

天氣熱，我都想飲飲品，我點了凍的貴妃荔枝茉莉茶，荔枝甜甜很好吃。

炸魚薯條，這份薯條炸得外面金黃香脆，内裡軟綿又有薯味，而且夠熱，讚。

炸魚的粉漿厚薄剛好，炸得夠鬆脆，內裡的魚肉仍保持嫩滑，點上醬料更滋味。

之前問過有沒有生日蛋糕，是沒有的，只要額外加$10就可以在任何甜品寫上壽星的名字，再配上蠟燭。

熊人自己點甜品，點隃一份雜莓窩夫配雪糕，雪糕可以配兩種味，點了綠茶及朱古力，落ORDER時提一提侍應，送出來就有生日字啦。

窩夫外面香脆，吃落外脆內煙韌鬆軟，加埋一大堆雜莓同雪糕，好吃。

BB坐餐廳的BB椅坐不定，經常把身轉去後面，由於附近沒有食客同BB玩，BB悶悶，幸好BB同熊人其中一個朋友好FRIEND，都可以俾人抱呢。

 

晚飯同爸媽嫂嫂吃，爸爸買了生日蛋糕俾熊人，可惜爸爸寫錯字了，希望爸爸唔好再寫錯啦。

20170720 - §§霞飛會館§§

7月20日星期四

同公司同事吃五月及七月的生日飯，今次係去中環霞飛會館，因為一行九人，所以可以點很多款食物。

1)雞絲粉皮，比起翡翠拉麵來說不算太細碟， 雞絲，粉皮，青瓜比例適中，麻醬味道亦不錯。

2) 炒不知是什麼的魚，把魚切成條狀，清炒，比較淡味，不過亦吃到魚味。

賽螃蟹，用魚同蛋白做成的賽螃蟹，中間有一個蛋黃混合一起，加點醋很不俗。

火腿津白，為濃厚的肉食帶來一抹清新感覺。金華火腿跟津白是絕配，一剛一柔，互相輝映。

小籠包，可以跟人數點，有水準，皮有很多摺，薄得來不會一夾即穿，粒粒飽滿，皮薄，肉汁鮮甜。

菜飯，從賣相跟味道也非常連貫地不好吃。飯粒沒有炒過，也沒有泡湯，但就是濕濕的像發脹似的，味道過鹹了。至於配料，但就是單調得只有菜粒和一點肉碎，幸好份量不多，每人幾口就算了，吃多了要多喝水。

花素蒸餃，菜蔬刴得夠幼細，菜味很濃厚，又不帶一點草腥味，清新。

雪菜百葉毛豆，百葉是豆腐皮經過加工乾燥製成，我喜歡清新的豆腐，這個百葉豆味很重。

紅燒肉千張結，一道上海比較家常的菜，百葉和千張是對豆腐皮比喻的說法，豆腐皮切成細長條打成結，紅燒肉很入味，而且是熱辣辣的，紅燒肉很，汁很濃令到原來清淡的千張結都很好味。

 最後是甜品時間，高力豆沙，只是不過不失，沒有很香的蛋白味

反而豆沙鍋餅很不俗。豆沙餡料多而且煎得香脆，

整體不錯，比起翡翠拉麵小籠包好得多。