20170716 - 去影相✿｡◕‿◕｡✿

7月16日星期日。

今日終於去影相了。

原本係上星期六，因為傷風就改期。

好彩出入都冇落雨。

約了五點影相，三點九起身就出門口。地點是荔枝角工廠大廈。(My baby face studio)

今次影証件相，家庭照，同埋三個造型。由於都影好多相，所以先影家庭照再影証件相，因為怕寶寶無耐性，唔肯影証件相。

証件相要扶住坐嚟影架。

影完之後就整唔同場景同換衫，寶寶一換衫就嬲嬲豬，想除了頂羊帽唔肯帶，仲要佢落地影？佢只會爬來爬去，最後要出動星星餅。

一有星星餅就開心豬，又爬又笑，影相樂順利，除了羊羊，仲扮企鵝，有玩具又有得食都開心豬，之後半場休息食奶奶。

最後就係廁所場景，原本想叫寶寶坐在廁所仔上。點知佢唔識似大人坐咁，成個仆喺度。原本喊喊豬，最後發現個廁所板同廁所泵好好玩，又好開心。最後我哋等執相，佢都好開心玩玩具，

影完執完相差不多八點了，去了長沙灣廣場譚仔食，寶寶應該好眼瞓，但又唔肯瞓，只好俾少少米線佢食，佢之後一直都好hyper周街撩人玩笑，捱到十點飲埋夜奶先豬覺仔。

佢豬了之後就睇相，都好滿意呀。