•●❀繼續菊花展❀●•

之前太懶POST 了少少相就收檔，宜家繼續POST 其他相，除了花海之外，仲有吋特別的菊花，一盤盤咁種，不過好多都殘殘地啊。呢個好似有啲似個腦呀。

呢啲好似一條條咁，好特別，好得意，不過又係殘殘地咁，好彩有太陽，光影下都幾動人。

走時都影吓圓玄學院，當日個天好藍，呢張用IPHONE影都OK啊

圓玄學院隔離西方寺，好新，好靚，而且冇咩人，由於冇咩人，所以唔咁入內亂影，喺出面影就算啦，呢張都係用iphone影架。

呢啲用番大牛龜影，都是西方寺。

之後在沙田行了一陣，又作傷風，好攰呀...又見到佢呀...今次扮聖誕樹。

再食嘢...龍蝦汁鴨胸意粉。

HAZELNUT COFFEE

•●❀菊花展-圓玄學院❀●•

十二月十七日至一月二日是玄圓學院的菊花展，好多菊花，不過我唔多識影，而且有啲都開始殘，但一場去到都影咗啲，唔好浪費啲相...好爛都照POST。

當日好好太陽，有太陽照射，咩都靚啲。

唔同顏色的菊花都不俗，只是只有菊花又未免單調了一點，

除了菊花之外，也有不少亭台樓閣的。

圓玄學院是一個拜太歲，攝太歲很有名的地方，臨近年尾，開始會有人還太歲吧？

貪得意學人影火，原來影到個喎。 

♣♧聖誕裝飾@APM+德福♧♣

去完將軍澳就去apm，不過apm啲聖誕裝飾唔多得，唔多開胃。

反而呢啲figure 公仔幾得意。

之後再過埋去九龍灣德福，醜小鴨為主題的鴨鴨好得意，只是同聖誕節其實有咩關係呢？

 近日勁人氣的duck~

另外好似是青蛙王子。

呢啲裝飾熟口熟面...一啲新意都冇，一場去到都影吓啦。

當日其實未好番，不過死頂，唔想留在家中凍死，但其實真係好攰好攰。