(◍•ᴗ•◍)日本東北之旅 (18) -購物篇

日圓高企，去日本好難買到嘢。

但點都要買手信，食物等。

冇買過衫。

買咗少少公仔，因為呢去到宮崎駿館冇咩睇。又落大雨，唯一可以做就係去SHOP。

呢個FOR 自己，以前屋企有個大的。因為搬屋俾阿媽拎去送俾人。有啲不忿，自己買過個。不過好細隻啦。 >.<

好細粒，一盒6個百零蚊。

好少波兒嘢，電話繩都好實際。

狗狗買俾姪仔，佢好鍾意狗仔(我自己都係)。

宮崎駿買嘢就係用呢啲紙袋裝住。 

500日圓一把Cutie縮骨遮，懶理佢係made in China...送禮一流。東京買的。 

以下係食物。

母親大人只要綠茶嘢。但係東北唔多呢啲嘢。見到便利店有得賣就即買。

meji green tea chocolate，ok因為日本啲綠茶嘢品質定有保障。

和果子，個樣做到好似隻蛋(玉子)咁，盛岡，仙台係咁推介，好唔好食呢？唔知呀，要問吓收到嗰個先知。 :p

 

原來機場有好多綠茶嘢賣，見仲有錢，狂掃幾盒俾阿媽。

好靚的盒。

拆開仲有個盒。 

係呢啲似糯米餅咁，好軟好好食，綠茶包住紅餡。

八戶買到青森嘢。青森蘋果曲奇，送咗俾人唔知好唔好食。

八戶買的類似糖，煙煙un un 咁。一陣俾阿媽KO了。強力推介，好好食。

青森的apple pie，在八戶買了4件裝，旅程中KO了，在盛岡再買過。

 

開咗就係呢個樣，阿哥勁讚，因為啲蘋果餡好新鮮。不過只可以擺三星期左右，要盡快食。

岩手cheese cake.....俾公司同事食。不過冇芝士味，只係普通蛋糕味。好軟熟咁。在盛岡買的。

蘋果草餅，好靚的包裝，但味道沒甚特色。在八戶買的。 

青蘋果糖，330yen (好似)超好食。推介。在八戶都買到。 

茶葉都買，玄米茶未試，綠茶以為係茶粉，點知原來係茶葉碎。沖茶麻煩啲囉，但個味好得。

在JR站有蕉蕉蛋糕賣，東京出名手信之一，如果唔喺東京JR站買，其他地方好難買到。日本JR站好多手信賣，但只可以買到當地附近的手信，例如八戶可買到青森嘢，但去到東京又見唔到東北手信，東北唔同地方JR又唔會見到東京手信。

好軟熟，好好食。不過只可以擺10日至兩星期。

 

機場最後努力掃貨。

即沖Green tea latte。好細杯，一次要沖兩包至得，一盒有四包，呢度有六盒，阿媽話好正，我就覺得一般，starbucks 好飲啲，日本的飲料售賣機都有即沖熱的，都好好飲，不過甜咗啲。

 

又是機場買的。

 

好貴，過千日圓，但唔夠綠茶味。