從未如此病過。
由十二月十五號開始幾聲咳。
日日ot到8,9,10點，直到星期五頂唔住去睇醫生。
已經唔係睇Panel，一直睇一直食藥....越咳越嚴重，由幾聲咳到咳到收唔到聲，十二月廿一號開始，氣管越來越敏感，晚晚瞓著就開始喪咳，冇覺好瞓，仲要日日番工，由冬至當日開始直情講唔到嘢，一索氣就咳，咳到收唔到聲，公司本來同同事LUNCH出去食都放棄了，寧願留在公司唞一陣，由當日開始要長期戴住口罩令空氣變化較小，講說話時吸入較小量空氣，勉強可以講小小說話，不過是氣若游絲....
晚間情況更惡劣，咳的時間多過瞓，飲埋白花油都冇用，(唔飲直情瞓唔到)，咳到橫隔膜都痛埋，老闆日日都叫我快啲番屋企......媽媽很擔心，又燉川貝，又煲了枇杷葉龍利葉都是一啲起色都冇，食藥一啲用都冇，唔食藥就仲衰，我都想請一日病假休息，只是咳同傷風唔同，傷風只要休息一日就得，我啲咳根本都唔知幾時先好，邊請得咁多病假...唔通隔日就請假咩？唉..
好彩星期四同最fd同事們食飯，我已經問定佢哋唔好介意我食食吓飯喪咳....佢哋唔介意，佢仲介紹一個金鐘panel醫生俾我，我本身對panel 醫生沒有好感，但見佢介紹到都聽吓，食完飯三點幾好同事又msn我迫我去睇panel，我最後都乖乖聽佢話去試一試...當時已經連續幾晚冇覺好瞓了，等睇醫生時仲瞓著咗，
最後睇完panel之後真係慢慢好轉，不過啲藥好勁，勁到神智不清，咩都做唔到，平安夜已經勉強不用戴口罩了，但攰到死咗，返工咩都做唔到，半條人命，隨時隨地都可以瞓著......25/12由1點瞓到1點，4點再瞓到7點.....12點再瞓。
聖誕節就係咁過。
但我還是要感恩。
感謝好同事迫我去睇panel，冇佢介紹panel 醫生俾我，我唔知我宜家會咳成咩樣子。
感謝我不用去北京，原本22-24/12要去北京的但我同老闆講要做節...唔駛去，之後28-30/12又臨時找了另一個同事代我去，如果我一早應允22-24去北京...後果不堪設想。
感謝老闆體諒我病，冇迫我完成所有task先放假，星期四去金鐘睇panel時佢仲叫我睇完唔好番公司，返屋企算啦，叫咗好多次好多次，我睇得出佢係真心。
感謝媽媽為我而擔心，見佢冬至當日憂心忡忡個樣，佢又咩都做唔到，我都好過意唔去，覺得自己好冇用，咁大個人仲要佢擔心，好想喊。
感謝.....
沒有留言:
張貼留言