20160327 - ❀❀舉家大阪遊(8)回程+outlet❀❀

3月26日及27日星期六及星期日。

看完櫻花就回到心齋橋難波同家人會合，在大阪最後一餐晚餐，就吃定食之類，

日本嘢坐得好，又多款式，各有所好都得。

人多所以今次安排坐房，和式都幾特色。我點了豬肉火鍋，都幾好餵，但價錢唔平。有火鍋料。

薄切豬肉片。

另外亦有牛肉火鍋餐。配烏冬

爸媽就點鰻魚飯。

第二日早上，也是大阪最後一天。兩點幾機就回港，我哋有個行程去outlet ，就在機場之前一個站，由於遲了出發，所以只有一小時，但地方很大，逛逛已有夠鐘，如果想購物就最好鎖定目標，熊人最都買到波鞋同背包，很厲害耶。

最後就去機場，由於廉航沒有飛機餐，所以在機場吃午餐，也是昨晚的餐廳分點，但食物選擇不多。

最後吃烏冬及咖哩飯作為結束今次舉家關西之旅。

20160326 - ❀❀舉家大阪遊(7)尋找櫻花❀❀

3月26日星期六，

今日係尾二日，但明天只有早上時間活動，今日係最後一日有全日的行程，

一早成家人去天王寺，有個好大商場，但我哋唔多喜歡行街就好悶，爸媽都係坐在food court ， 我同媽媽就行街買到兩條裙遲啲著。

十一二點左右，我同熊人離隊去找櫻花，去大阪著名賞櫻的地方--毛馬櫻之宮公園，好似話有好多櫻花樹，但去到就好失望，因為係完全冇櫻花可言，只有一兩棵有小量櫻花，而且個公園係好簡單一個公園冇嘢睇。

於是就盡快轉移陣地去大阪城公園搏一搏。

我哋由天王寺去毛馬櫻之宮公園係坐JR--ＪＲ大阪環状線   天王寺--->桜ノ宮 (counterclockwise方向)

而由毛馬櫻之宮公園去大阪城公園
counterclockwise方向---> 大阪城公園。大阪城公園係唔近地鐵，最近係JR，咁坐係最方便而且只需170日圓，比坐地鐵平好多。

估唔到大阪城公園好多櫻花，佢唔係集中一大堆櫻花，而係幾棵幾棵咁，但最正係好多都開花，

有唔同品種同唔同顏色，例如白色，粉紅色等。

再加上今日天氣好好，天好藍，白色櫻花都好靚。

最後呢棵係最靚。

今次賞櫻之旅未能看到櫻花盛開，漫天櫻花、兩旁都是櫻花樹，櫻飄雪等景色，不過總算看到不同種類不同顏色的櫻花，對第一次賞櫻的我來說已經很滿足，希望有機會再能賞櫻就好了。

20160325 - ❀❀舉家大阪遊(6)地道串燒宵夜❀❀

3月25日星期五

駕車回大阪時間很早，不想還車，最後不知怎樣駕車到上年住的酒店附近，都好趁機在附近很便宜的藥房買了些藥品及馬油，價錢真的比較便宜，原來我們今次住的地方也跟去年的酒店頗接近。

我們晚一點回家也不打緊，因為多人排隊沖涼，今天大家頗有興緻再去吃宵夜，原本想吃拉麵，最後卻走進串燒店。

地道店子可點啤酒，日本人其實好愛喝啤酒，如果我不是懷孕了，我也會喝點啤酒，這才夠地道。

點了一套十串串燒。很地道，

而雞翼則有點像薯片味。

這個店子可以邊喝酒一邊慢慢聊天。香港現在想找店子可以容許慢慢聊天差不多不可能了。

之後熊人意猶未盡，再吃一個拉麵才滿足。

20160325 - ❀❀舉家大阪遊(5)嵐山京都之飲食❀❀

3月25日星期五

朝早在民宿食麵包，之後飲飲食食都喺京都，由天龍寺出來的步行街有好多食店。撞到哥哥一家人，一起去食麵。唔知點解又食呢間蕎麥麵。我食好簡單的腐皮，好味。日本的蕎麥麵真係好好食，好爽口。加醬油已經好好味。

熊人又係食魚，冷蕎麥麵。

之後再行過食串串海鮮間嘢，食啲魚蛋呀，蟹肉串等，買幾串一起吃，俾爸媽試試。

然後到銀閣寺，等熊人泊車時，見到個清水寺好正的綠茶泡芙。我同媽媽每人一個，到熊人泊好車到來時，媽媽同熊人又一人一個。呢個泡芙，我一直都好想媽媽試吓，因為啲綠茶忌廉真係好好味，果然媽媽真的好喜歡食（＾ν＾）

之後我哋去京都火車站的地下街揀咗一間定食，有啲定食有飯又有麵，爸媽大胃王覺得好開心。熊人揀咗個山芋的定食，白色滑潺潺，好似好有益又叫生藥。但我冇咩興趣。

我揀天婦羅冷蕎麥麵，天婦羅正，今日下午見熊人食冷麵，我又想食。反正有暖氣，就算天氣再凍都可食冷麵。

20160325 - ❀❀舉家大阪遊(4)自駕嵐山遊❀❀

3月25日星期五

今日一早過去附近攞車，自駕一天往京都嵐山，一早已book 車,六七時走路過去時得幾度，又是另一番體驗。

我哋第一站去嵐山天龍寺，裡面有唔少花，不過櫻花又不太多，可能都是天陰關係，景色一般。

有唔同種類的花，帶媽媽行吓睇花佢都好開心。

櫻花不算太多，不過媽媽昨天未見過櫻花，今日第一次見，都好開心。

我哋1000日圓泊車在天龍寺，由天龍寺行出來有食市，有小店賣精品，媽媽好開心。因為媽媽可以買啲日本特色的精品，而且自駕，不用在地鐵跑上跑落。今日媽媽好開心。

呢間的飾品好正，之前冇細心行，好多靚嘢。

熊人就影吓相。

我哋食綠茶味的燒丸子，都係醬油味。

之後我哋想去銀閣寺。路過一個位有好大棵櫻花。

可惜熊人揸住架車要睇車，佢冇份睇。

到了銀閣寺。但要上上落落。媽媽冇上樓梯。都幾靚，但冇櫻花。

聽聞銀閣寺附近有哲學之道好多櫻花，，但我哋唔知邊度，冇去到睇。