20130530 - ✿｡◕‿◕｡✿唱k

5月30日

星期四。
上兩個星期同同事唱過k之後，啲同事又好想再唱，

而且因為有個同事有啲病。唔知咩病，將要入院抽骨髓去驗。
抽骨髓去驗唔似得捐骨髓，支針好大支，同好痛吓，個同事好心煩。
想大家陪佢唱k，relax一下，我地大家都唔係細，所以好少唱k，我上次同佢地唱k之前足足有兩三年冇去過。

因為宜家年紀漸長，朋友都唔多唱k，又或者有自己家庭，仲邊得閒唱，十年前都幾鍾意唱，宜家麻麻地啦。
當係聯誼一下都ok，k buffet都幾多嘢食，啲嘢都唔差。

咩都食，其中啲蝦同螺都不俗。

食吓唱吓都是二百多元。

不過夜夜就坐的士返家，要百多元，冇法子啦，第日又要返工又住得遠。

20130528 - ♪♬♩♫紅辣椒泰國餐廳♪♬♩♫

5月28日

星期二
同熊去CWB買衫，因為熊收到izzue 的sms，有one off的半價，熊的tee 成日殘殘舊舊，係時候要買啲新的。
仲有迪迪尼送隻ironman 2 的VCD，因為我同媽媽係6年的annual pass holder，有少少禮物，但要在mcl度拎，於是去開cwb度拎埋。

熊買了三件衫，仲買咗一條褲俾我。

買完嘢成九點啦，去食嘢。
在mcl附近食嘢，有間叫紅辣椒泰國餐廳，食泰菜。

喇沙都ok好食。不過啲蝦就麻麻地。同埋冇墨魚仔變成蜆仔就差啲了。

 鹹魚炒菜仔，都幾好食，不過似中式多過似泰式。

 串燒就一般了，

 當日雖然是星期二，閒日但cwb真係好少人，少人得可憐，條街竟然好靜，坐車返家都好快。
每次去cwb都會想起同熊第一次見面的時候。雖然已經一年半了，但仍然好sweet，希望以後都咁sweet~


條褲啲顏色好誇呢，不過都幾好著，好舒服，半價之後250。冇半價就唔會買了。

20130526 - ◇◆藍花蟹◆◇

五月廿六日星期六

瞓到十二點半呢。因為琴晚夜晚有歐聯呀。兩點九至做，上半場都瞓咗覺，冇入波，下半場醒番就2：1，拜仁勝。

熊都係晏起身，所以見到都三點幾了。

食少少野，主要是去街市買今晚餸。同埋買燒肉，再加埋琴日的cheese cake 當晏晝。

買咗藍花蟹，未煮熟之前是藍色的。好鮮甜，只是太細隻，所以唔係太多肉，四隻先一斤多少少，好味，不過因為細隻，拆蟹肉比較耐，所以食咗成粒鐘，

仲食咗條好新鮮的紅鮋，四十蚊已經超大條，有魚味而且啲肉質都幾實淨，冇食飯都好飽。

食完都七點幾，趕頭趕命去睇戲，睇嚇鬼阿嫂，泰國鬼片，點知原來係笑片，故事有啲離譜，當笑片睇都可以，驚嚇只有少少。本身期待係驚唔係笑，所以覺得少少失望咁啦。

20130525 - ✿｡◕‿◕｡✿石澳堆沙

五月廿五日星期六

逢假日就落雨，真係好無癮，但係熊就打算同我去睇雨景，睇海，於是熊就駕車去石澳啦。

 早上好大雨，去到時開始細雨，反而係有啲霧。熊在洗車=_=。我影左一陣相，帶了大機，不過唔知點影浪呀。影完一陣去食咗碗魚蛋粉，之後就出去沙灘坐，開始停雨呢，

 坐坐吓就玩堆沙，熊堆了食鬼，

 老翻pooh，

 都係我個靚啲。

 冇靚景，仲有好多垃圾就真，好多人清理。

 之後同熊返家，熊整了雞飯俾我食，啲飯比較濕，但有雞好惹味，我覺得好好味，因為用了半隻鮮雞，而且有熊的愛心是無價的。仲有煲了雜菜湯。

之後我哋就開始整蛋糕，今次用少了好多cream cheese，又用多咗奶，好稀，唯有即刻落街買件cream cheese先打得起，最後個樣都唔錯，加奇異果麻麻地，由於少了cream cheese ，texture比較濕。但都可以。

20130524 - ❤Italian Tomato❤

五月廿四日星期五

星期六放假可以同熊hea晏啲，去了屯市睇行山鞋，又係得個睇字，冇買，因為熊覺得行山鞋貴得嚟又唔靚仔，所以遲遲都唔想出手買。
行左一陣就去食嘢，今次去食Italian tomato，好耐之前在綠楊同埋朗豪坊都食過一次，好食之餘，仲好平。

 我哋Order了一個 set，是蕃茄小帶子粒意粉，蕃茄汁個味好濃，但又唔會太杰，幾好，小小帶子燈如果再多啲就好啦。有餐湯同埋包，一般啦，餐飲的咖啡就唔得啦。不過唔駛錢唔好咁多要求。

另外單點了一個pizza，辣肉腸鮮菌pizza，味道都唔錯，辣肉腸幾惹味同埋都幾多菇，五十幾蚊個pizza算不錯，

Set可以加廿幾蚊揀件蛋糕，不過我哋打算自己整蛋糕食，而且都夠飽啦，所以冇食到。
呢間唔錯，可以翻兜。

20130523 - (◍•ᴗ•◍)平民小食

5月23日星期四，

同熊在公司附近食飯。
熊成日話呢間鍋貼好味，我食過一次咋。
於是又去食吓。
鍋貼好味，我一向喜歡食鍋貼雲吞同埋餃子之類的，好正。

有肉汁夠新鮮。

 鎮江排骨担担麵，有鎮江骨，酸酸地都唔錯。

 秶飯，幾多料都幾好食。

 豆花係最正，又滑又夠豆味，似以前細細個時食的豆花。
我不愛黃糖，只愛糖水，覺得糖水比較清新。

腳趾公條筋好痛呀，可能著鞋問題，買咗藥酒捽，希望快啲好番啦。

20130522 -★☆ K11 霞飛點心拉麵★☆

5月22日星期三，

有個舊同事大肚，佢之前唔舒服約唔到佢出街食飯。
宜家身體好番，可以見一見佢。

去K11 食上海嘢。
霞飛點心在中環都有，有時食LUNCH 都會去，質素OK。

 口水雞，辣辣，好彩有同熊食開辣，都食到。

 黃魚麵。
好淡味，都OK。
有魚肉的。

崧子炒飯，好味，好清新，都幾多崧子，可惜我好肥，要減肥，唔敢食太多飯。

 蒜泥白肉，唔知原來同口水雞同一個味。

 牛肉餅聽聞好好食，一碟三個冇我份就最好。

 大肚朋友點了焦糖布甸

 杏汁高力，平日食高力豆沙多，我其實唔喜歡杏汁，不過呢個杏汁都可以接受啦。

最後埋單每人百四元，同食LUNCH 差不多，食LUNCH就貴，食DINNER就算平。

20130521 - ♪♬♩♫ 沙嗲王 ♪♬♩♫

5月21日星期二

日日落雨，真係無癮，

好彩夜晚冇雨，同熊去旺角睇波鞋同埋行山鞋，行山鞋好貴，仲想睇吓行山扙，不過都係貴。

只係睇冇買。

行到咁上下就去食嘢。

沙嗲王，好多年冇食過，好多嘢食，

 其實唔係食沙嗲，而係食好多細細碟的。

 點左杯半價飲品，TIRAMISU咖啡，麻麻地啦，冇下次。

蝦春卷，唔錯，似以前細細個食的春卷，OK。

 蟹粉豆腐鍋，好似55元，原來係配埋飯的，應該有鹹蛋黃，所以好香，同熱辣辣，算係唔錯。

 炸軟殼蟹，避風塘式，好香口，亦即是好熱氣，不過好耐冇食過啦，唔錯，間中熱氣吓都可以。

 仲點了個蟹肉西蘭花，好耐冇食西蘭花，好味。

都好飽飽，之後仲行咗一陣，
行行吓記得經過永成，買了個52MM的filter....190，支F1.8一直都用送的Filter，成日有光斑，
後來拆了才影相，但會入塵，宜家終於買到，可以有好保護了。

20130519 - (◍•ᴗ•◍)孖寶去骨海南雞+ Sugar mama

5月19日星期日。

熊因為之前去行山同拜山，所以攰攰，冇咩去邊度，只是去hea hea 食食。
熊忽然想食海南雞飯，我以前對海南雞飯只是一般，不過去過星加坡食過當地的海南雞之後。就好喜歡了。

其實食比較正宗的海南雞飯的地方唔多。
找到元朗有一間好似幾出名，
主要係食雞飯。42蚊的set有例湯。
湯是南瓜湯，味道濃郁，相當鮮甜，而且落足料，我相信沒有味精的，因為喝完也沒有口喝的感覺。
都幾好飲。

 啲雞全部啖啖肉的，肉質相當嫩滑。
不過啲飯唔夠味，爭少少。
有三種醬汁，海南雞飯的:三色醬，黑醬油較甜,和中間的薑蓉最惹味，辣汁一點辣味也沒有。

 一人一碟，飽到上心口，食完先知有個set係3x元細啲。早知食少啲啦。

 之後就去Sugar Mama食心太軟，上次食已經是一年前的事了。
記得係好好食。
雖然飽到上心口，但都要食。
心太軟，點了個大size ($43)，是即製的，配雪糕。

個皮都夠硬，但唔會死實實，
朱古力漿真係流出黎架，朱古力漿唔甜，但好rich 同好多，加埋啲雪糕好襯。
'係我食過的最好味的心太軟。