20141030 - ╭。☆佔旺☆。╮

10月30日星期四。

放工同熊去旺角支持下，先去沙嗲王食晚餐，旺角想食乜好頭痛，因為好多人，而且又唔係間間好食。

沙嗲王算係選擇多。今次食PIZZA了。

仲有雜菇同西式焗雲吞，沙嗲唔一定食咖哩，其實有唔同嘢食。

旺角仍然封路，但係到今時今日明顯人少咗好多，但多咗好多有創意的漫畫。

 

好多整得好靚。

 

仲有關二哥。

20141026 - •●✿獅子山✿●•

十月廿六日星期日

在星期四有專業攀山人士掛咗個「我要真普選」在獅子山上，雖然第二天已經有人拆咗，但我同熊都想上獅子山行吓。

當日好熱呀，由竹園度行上去啲路好窄。而且不停上斜，條路好短，但無咩平路，又怕停低俾蚊咬。

上到去幾好風景，見到個獅子頭。

再上去個獅子身，見到有警犬。啲路好窄，幾斜，而且當日好多人。所以好迫。

獅子山應該好少咁多人吧。

仲有黃絲帶。

因為有好心人放黃絲帶同較剪俾人整。

行完落山都唔算晏，去街市買餸，食鮑魚仔。

同炒蜆。

超級好食。

20141025 - ヾ(◍'౪`◍)ﾉﾞ 萬聖節迪迪尼之二

10月25日星期六。

又去迪迪尼啦，因為要睇Halloween，今次影咗幾個迪士尼朋友。

有mickey。

daisy~

chip n dale 就休息，影唔到。

仲有donald，佢好生鬼呢。

也有goffy~

minnie very cute~

今次因為影得多，所以買了一個photo pass，可以買哂當日影啲相的softcopy，仲可以在嬝上download 埋整相框。

但要影得多先抵。

20141024 - ♠♤小碟♤♠

十月廿四日星期五

舊同事J九月底生日，我哋幾位一起食吓飯，佢帶埋個女出來一起食。

小碟位於登龍街新建成的食廈。是采碟軒的年青版。

食精緻的創新中菜，先來一人一個湯，都幾好。

黑松露海鮮炒飯。濕濕地o既炆飯雖然海鮮料少咗啲，但味道清香甜美，黑松露味如果可以再濃啲就更加完美。

蛋白黑松露帶子，都幾好食，蛋白非常滑。





胡椒粒浸娃娃菜，尚算不錯，胡椒不太辣，亦醒胃。

松子魚，同預期一樣是酸酸甜甜，非常惹味。

最特別的是火山黑豬手，豬手好腍又入味，加埋熱辣辣的醬汁淋在脆脆卜卜的麵上面，全晚最好味的菜色。

20141019 - ⊕初嘗大閘蟹⊕

10月19日星期日

我以前好少食蟹，因為屋企人唔整，出街食蟹又麻煩，所以極少食，而我更加未食過大閘蟹。

熊有見及此就見近來是大閘蟹季節，於是買三隻小小的大閘蟹食吓。

聽聞大閘蟹好涼，要加紫穌葉一起蒸會好啲。

大閘蟹主要食膏，對於喜歡吃鹹蛋黃的我覺得幾正，平日食蟹唔會點醋的我，覺得大閘蟹的膏同醋好襯。

20141018 - •●✿ 嶺南之風 ✿●•

 10月18日星期六。
放工同熊去荔枝角公園，
想影吓相，
買了蛋糕過去食，有少少黃葉，天氣雖然好熱，但有少少乾，見到黃熱有少少秋天feel~

由於是初秋，好少花花，但好好太陽，影相都仲好靚。有竹。

用慢快門影水流，特别正。

最後影咗天堂鳥。

20141012 - ♡❤萬聖節迪迪尼之一❤ ♡

10月12日星期日。

同媽媽去迪士尼，天氣仲好熱，但為了影相都冇法子啊。

好靚的鬼鬼DUFFY~

仲有Halloween Minnie

duffy 越來越多造型。仲有畢業生呢。

魔術師我都好喜歡。

看來duffy 越來越受歡迎。睇佢好多造型就知道了。不過無位擺，唔敢買。

Tsum Tsum 都好受歡迎。粒粒公仔都好可愛。不過影咗當買咗。

美國大家小鎮個亭無萬聖節人物。只有米奇魔術師，但我好喜歡，因為由細到大都好恨有一個米老鼠魔術師公仔。雖然宜家有得賣，但反而無買過。

 

去幻想世界先有halloween造型，

 

只影了minnie 因為要巡遊，媽媽怕熱無再等巡遊完再影。

20141010 - ☂┋佔領旺角☂┋

十月十日星期五

三點幾有subsi送件卷蛋俾我哋，聽聞sogo賣好貴。凍食，因為似雪糕。

放工決定去旺角，先去佐敦食完拉麵先，

再去麥當勞食件蛋糕。

彌敦道被佔領，聽說好亂好雜，其實都是平靜的，沒有打架。

香港人，當家作主，可以嗎？

有人教摺傘。

我哋都摺咗。

坐到十二點就回家了。