20160725 - (￣▽￣)~*再見葵涌

7月25日星期一

原本我住埋星期日晚先走，應該25/7早上先走，但係因為怕熊人執唔切嘢，於是提早一日回媽媽家住，
下午瞓喺張床度，望住窗外啲大廈，好想喊，呢度住咗差不多兩年由2014.9.18 - 2016.7.24 不滿的地方好多，但開心的日子更多。儘管外圍環境麻麻地，但回到溫暖的家中就好sweet了，新婚的日子，大概兩年，就在這裡度過，另一個原因是這裡也是嫲嫲以前住的區域。都有點歸屬感。

雖然這區比較污糟，又嘈雜，但是都有點回憶嘛，例如星期日早上對住回收店大鬧佢哋嘈都幾好笑。在這裡有平平水果同蔬菜，交通便利。

在這裡，度過最凍的冬天(3C , 2016.1.23)，也度過最熱的立秋(36.3C, 2015.8.8)，
在這裡，令我們家中有新成員............

我好少搬屋，難免多點感受，離開後，會好好努力，為將來打拼。

20160724 - ❤ 臨搬前飲茶❤

7月24日星期日

就快搬屋啦，下星期中收樓，我就先搬返媽咪度住，等屋企搞好先搬去新屋。星期日，我哋兩口子都係飲茶多。

又係稻香，第日搬去鬼地方連茶都冇得飲。呢度酒樓多，星期日都唔洗點等位，真係好正。

糯米卷

必食鴛鴦雙潮

稻香燒賣好食過富臨

煎墨魚餅都是我喜歡的。

加多個鮮竹卷

夠哂數。唔知幾時再返嚟飲茶啦。

20160723 - ●• ●• TsumTsum @又一城●• ●•

7月23日星期六

今日去浸會醫院交按金留位，天氣好熱呢，諗起由九龍塘地鐵站行去浸會就想死。見又一城有TsumTsum ，都可以乘機去吓，起碼去完交錢可返又一城嘆冷氣。

上年春天又係又一城搞，仲有貼紙吸印仔之類，今年大肚少咗周圍去，等到星期六先去就好多人，冇乜心機同人迫。

今次幾靚，整成壽司之類。

音樂

中間位最多人排隊影相，由於大肚好易攰，所以冇排隊影，影到就影啦。

晏晝喺超市買了些食物上food court度就食。天氣熱去到邊都好辛苦，又易攰，冇咩精力呢。最緊要搞好醫院按金就安樂哂。

20160722 - ✿｡◕‿◕｡✿熊人生日

7月22日星期五。

熊人生日，今年因為想慳錢，所以唔特登慶祝，但早一晚去睇醫生之後我都買咗個藍莓芝士蛋糕俾隻熊人，但好少芝士咋，

同疏乎蛋一起慶祝^^

但我都請假同熊人一起過，一早同熊人去荃新天地荃灣睇早場。
套戲叫" Meet You Before"是愛情片。
英國小鎮的女孩露易莎，一個充滿希望與活力的年輕女孩，熱衷於她小小的生活圈，但時運不濟，她家境不好，學歷不高又無預警地被她打工的咖啡店資遣，需錢孔急的她無法拒絕地接下一份並不適合她、需要細心與專業技巧的工作：照顧一名四肢癱瘓的病人，成為他的全職看護。

到了病人家中，她才發現要負責照料的是一名因為車禍導致全身癱瘓的年輕人威廉崔納。威廉年輕英俊，學養豐富又多金，過去熱愛旅行冒險，熱情地擁抱生命，卻因為這場車禍讓他一蹶不振，變得自暴自棄又憤世嫉俗；生性樂觀的露易莎決定讓他看見人生值得活下去的每一個美好面向，為了讓威廉重新展開笑顏，露易莎使出渾身解數，兩人都因此得到出乎意料的收穫，重新找到人生與心靈的歸屬，而這個改變是兩人始料未及的。

有啲老套的故事。不過服裝設計同埋場景又好靚呢。都幾吸引，最後雖然都是悲劇收場，有啲催淚。男主角死後，都表現出女主角本身樂觀的一面。

之後去荃新天地的TEAWOOD 食LUNCH，想試好耐，不過試咗又覺得好一般，唔值要排大隊食。

我哋食午餐set，好台式feel~但個雞比較硬呀。鹵肉飯都ok~餐飲都可以選柚子蜜同冬瓜茶。有點特色。

熊人吃的豬手反而幾好食呀。

最後加22元有件蛋糕食，件蛋糕幾好水準唔錯。

食完午餐之後同熊人去行咗一陣再買餸就返家。熊人晚上煮好飯就出去返學。

熊人生日都要煮飯，辛苦熊人了。

20160719 - ♦◊樂天皇朝◊♦

7月19日（星期二）

今日放工同同事及舊同事去吃吃我的生日飯，由於連埋我有兩個大肚婆，所以食中菜會比較好。起碼唔會食生嘢。

我哋揀咗樂天皇朝，呢間之前要BOOK位都等勁耐。

呢間裝修好靚，店中央的一個仿荷花池，坐得好舒服。

不過宜家旺角都開咗分店，所以冇咁爆，我唔算好需要戒口，所以咩都食。

點菜清淡啲。

炒飯份量勁細。好似前菜咁少。

就吓其他同事食炸雞，冇特色，好乾。當然，呢間嘢唔係食炸雞呀，

沙律骨唔錯，肉很軟很嫩很脆，我喜歡酸酸甜甜，而且冇雪味。

松子桂魚　$238，店方細心地幫忙切分魚身，炸得金黃不泛油的魚肉沾上酸甜醬汁。外微脆，內腍綿，依然略帶魚肉香味，炸後沒有油溢。添上醬汁的酸酸甜甜，還有同附的菠蘿及松子仁，入口開胃過人，是下飯菜式。

呢間之所以咁爆，就是這個八色小籠包,，一籠八色，有八種不同味道,，有原味、芝士、麻辣、蒜香、人參、蟹粉、黑松露及鵝肝。特色皇朝八色小籠包 $98。

我唔敢食麻辣，人參，蟹粉，又唔想食芝士，所以食蒜香同原味，其他人試咗就話冇咩特別。其實最好唔好試新嘢啦。

我哋點多一籠原味，都係原味好食好多，正常啲，不過嫌皮略厚，湯汁夠熱但味道一般，肉都是味道一般，無咩驚喜。

宮廷驢打滾 $35這個甜點是少有實物比菜牌圖片還吸引的食物。

實物可以清晰見到裡面一圈又一圈的紅豆沙蓉,，幼滑又不會過甜。
最欣賞是用上了椰汁糕， 又香又軟糯,，質地軟綿綿食落沒有賣相般飽滯。 令人想一吃再吃。

豆沙鍋餅就普普通通。

20160718 - ㊣㊣自家制黑森林蛋糕㊣㊣

7月18日星期一

上次生日整過黑森林蛋糕之後，都幾喜歡食，上次個蛋糕底好硬，似鞋底。所以熊人想再整多次成功的。

今次在大啲超市買到一罐車厘子，係外國的連糖水，味道唔假。所以今次個黑森林蛋糕可以用呢罐罐頭。

今次整好，味道真係幾好，但下次蛋糕面的車厘子最好用鮮車厘子。

20160717 - ☎☎路過屯市☎☎

7月17日星期日

約咗熊媽媽去屯市，宜家少咗去元朗，因為冇車不太方便，熊媽媽去開屯門，我哋都入去行吓咁，宜家鼻敏感好嚴重，四圍行吓又會好啲。

好似話屯市有SANRIO運動會，想睇吓嘢，影吓相。

點知未正式開始，好多圍住哂，唔入得，可能要過一兩日先正式開放，所以只在外圍影吓。

彩色的蠟筆。

呢個最近外圍。影得最好。似水彩

得工作人員或唔知咩人先入到，蛋黃哥只能遠遠觀看，-__-"

發現冇KEROPPI，可能因為KEROPPI一個獨當一面去咗葵芳吧。
我哋去Starbucks 坐咗一陣就食少少嘢就走了。

20160715 - •●❀Sky726❀●•

7月15日，星期五，

約咗朋友食晚飯，試吓意大利嘢，唔駛成日食中菜咁悶，呢間叫Sky 726 位於彌敦道726號頂層，可以睇到旺角夜景。幾靚，同情侶食最好feel。

不過有分兩輪，6:30 同8:30 ，我哋有朋友8:30前到，但因為未埋單，叫佢落街行吓，因為間餐廳係冇咩等位地方。

轉頭上到嚟想點生蠔，ribs等又話買哂，我哋當然不太高興，最後佢哋送咗甜品同埋俾咗九折我哋。

麵包軟軟暖暖，ok。

唔飲酒可叫特飲，好多雜莓，幾好飲。


沙律配雞，個醬汁好好食，生菜好新鮮，可放心食。煙肉香脆，仲有咸香既芝士脆片，亮點係隻溫泉蛋,將溫泉蛋同沙律汁混合，成個感覺好清新。

$158意大利雲呑，蟹肉雲吞，雖然是前菜，但得兩隻實在太少。味道幾好，好香。

鴨脾，

啲人話好食的海膽墨魚汁麵就麻麻地，麵太硬，可能佢哋叫爽口，

72度朱古力配雪糕，朱古力味濃而不甜，配雪糕


焦糖燴梨，焦糖好入味，加上雪梨清甜，呢個最好食。

overall好食，但比較貴。

食吓傾吓又十點幾，要返家了。

20160713 - Keroppi@新都會ヾ(◍'౪`◍)ﾉﾞ

7月13日星期三
熊近來黃昏要上堂，唔得閒，難得今個星期三得閒就去新都會睇吓Keroppi，上星期六睇寒戰時已經見到，當日星期六中午好多人，好多細路，想影都影唔到，又要趁未搬時影吓，抵啲，搬咗就好少會再去新都會了。

今日順便去麥當當試埋蝦堡，一向都喜歡食蝦堡，難得今年加一塊菠蘿圈，所以幾好食呢，再買埋蘋果批。今日最後一日可以用張卡買雪糕送批。XD

 

 

估唔到今次sanrio的公仔中，用keroppi自己一個獨當一便， 一隻青蛙仔玩哂。以前小學時有一期好興keroppi，成個文具舖都係青bb架，當時因為太泛濫，唔太喜歡，宜家睇番其實幾得意，青色都幾靚。

呢個好笑，本身係長形，上星期好急咁影咗之後，發現拉長了，以為電話做乜影相影到咁怪。


呢架車好可愛呢。