20121031 - (≧▽≦)/藥膳雞煲暖暖

10月31日星期三

萬聖節，不過我哋都唔打算同人迫啦，因為OP Halloween都已經玩咗啦，老蘭又唔係咁啱我哋。年紀大了，唔同人迫啦。
去熊公司附近食嘢，幾鍾意食有木桶飯的潮皇。
因為可以食魚，上次食魚湯幾好食，可以當打邊爐咁，天氣涼涼地好舒服，
本來都想食魚，但見到有藥膳雞煲，
我忽然好想試，所以點了一個雞煲，再加其他配料當打邊邊。

雞靚靚，又好滑，仲有酒味。

 

呢個就係個湯，真係有啲藥材架，杞子，紅棗等。仲加咗啲酒，個味好濃，但好正。

啲雞本身用酒醃，所以好入味。再點了魚片頭，菜等。

由於熊堅持唔食澱粉質，所以冇點飯麵，結果又唔夠飽，點完再點。食咗好耐。

但幾好食呢。天氣涼涼，個煲暖暖。

20121029 - ♪♬♩♫ 跑了十個圈♪♬♩♫

熊星期日買俾我的波鞋，允記減價。著新波鞋跑步。

10月29日星期一

上星期因為熊要上大陸做嘢，所以冇跑步，
足足十多天冇跑了。
以為會跑唔到幾多。
一開始跑就右腳腳肚至腳跟攰攰。
諗住都唔頂得幾耐啦。
一開始跑兩個圈就行一個圈。好大風，好舒服，跑跑吓有涼風降溫，頂到再跑。
再開始跑，右腳又攰，好彩只係攰唔係痛，又頂了3個圈，
原本橫隔膜痛痛，跑到第五個圈就唔痛，步伐步速都順了許多。

飲水再行一圈，再跑三圈，一起跑左邊條筋又扯，熊叫我放鬆。
放得好鬆，又得喎，唔痛了，最尾兩個圈冇痛，右腳都唔攰，步伐暢順，仲有少少微雨，好c服
跑到三個， 一共八個圈，已好過上次七個半圈了。
熊見我未好攰，就再叫我跑兩個，
其實攰攰，跑完一個再頂多個圈，真係捱落去，真十幾步就兩個圈，
差不多跑足十個圈了，
再加行了三個圈，已經足足5km了。

20121027 - ✿｡◕‿◕｡✿自家制海鮮餐

10月27日星期六

雖然今日係短周。我同媽媽食完lunch 先見熊，
熊去完大陸之後有點不適。所以只係hea 行馬鞍山就算。
好近我屋企，馬鞍山郊野公園，可以燒嘢食。
入口有對鳥。
守門口。

仲有可以騎木馬。

 跟住有條徑行，就可以行上去。

天陰陰唔曬。條路又闊

行到上馬鞍山，未到山頂，但都望到馬鞍山，望大水坑，恆安耀安。

條路整得幾好，似石路。

好襯個環境。

夜晚煮飯食，我同熊都想食蟹。

行行吓街市又想食其他海鮮。
結果自製海鮮餐。
大蝦，好爽口，好鮮味咩都唔駛落，不過幾貴，十蚊隻蝦。

仲有蜆。

白蟹又甜又抵食。

Seafood Platter by 熊。

仲有熊媽媽的素春卷。

20121026 - (◍•ᴗ•◍)熊下廚

10月26日星期五。

熊昨天從大陸回來，MISS MISS
跑步暫停一星期， 同熊在家HEA HEA好了。

放工熊買餸之後下廚。
我好似平日咁洗米煮飯啦。點知因為個洗衣機係斜，我暫時放在未洗的米在洗衣機上面，點知就跌落地了，倒到一地都係，真是倒米了。
炒雜菇，我超級喜歡食菇，好正，我可以食好多好多。

仲有蒸魚，簡單健康，如果係我煮俾熊食就好了。

之後食完飯倒茶又倒到個茶壺蓋都飛埋出來。我真是太論盡了。

成日俾熊笑，我都唔想，我要改善一下。

20121024 - 熊飛了ⓛⓞⓥⓔ

 

用手機的LINE BRUSH 畫的，

10月24日，熊要去大陸廠睇嘢，再順便去廣交會。
中午在深圳坐飛機去寧波廠房，夜晚再坐機到廣州，
辛苦了，也擔心了，雖然平日都唔係日日見住，星期四都返港。
不過知道佢要上大陸就會擔心其安全。

好彩深圳機場有WIFI，熊晚上的酒店也有WIFI，有聯絡就冇咁擔心了。
知道佢好夜先到酒店又未食嘢就心痛死了。

20121023 -<(￣︶￣)> Hea hea重陽

10月23日星期二。

9 點幾起身，同熊食早餐，熊整的健康早餐，配咖啡

 

之後再睇一陣電視，到中午就沿路，行去屯門碼頭，當散步，

沿途幾好風景，有好多人釣魚，不過好曬，曬就自然熱，都算，最慘對拖鞋因天氣乾燥而刮脚。
刮到好痛，唔敢再行。

返上樓貼張膠布先再去飲茶，海趣坊稻香。下午茶好抵。

hehe
地瓜餅，未食過又試吓啦。

一籠有兩種果，潮州粉果同魚鮫，又幾抵食，

飲完茶上樓竟然在梳化睡著了，半小時午睡，真係好hea 呢。

20121022 - ♪♬♩♫ 金滿軒♪♬♩♫

10月22日星期一，

放工同熊一齊坐巴士入屯門，

食上海嘢，叫金滿軒，之前食過水準都OK呀，
價錢都合理，聽日係重陽節，好彩唔算好多人。

醉雞，今次鹹咗啲。

小籠包，OK。 

抯抯都OK

鱔糊，好食。

之後同熊一齊行街街，陪熊睇吓衫，因為佢要換季，結果在UNIQLO一人買了一件jacket，可以行山著。

再周圍行吓，先返家HEA。

20121020 - •●❀ 南生圍❀●•

10月20日星期六

要返工的星期六，同熊及熊媽媽去南生圍。
我去過兩次南生圍，一次係2009年買咗大機之後去南生圍試機。打唔成風好好天，好熱不過好靚。
第二次係上年十二月去南生圍打雀，不過失敗了。

 

熊媽媽一直好想去南生圍，這個被稱為香港後花園的地方真係值得一去。

放工入去時候都唔早，成三點幾，所以就坐喺度野餐，有熊媽媽整的素壽司，熊買的麵包仲有茶。

咁嘅環境食嘢真開心。

之後就行過去， 

點知原來唔係大路來的，雖不至於小徑，但路段中都唔算闊。行到半路開始好多倒下的樹，因為今年幾次八號風球又有十號風球，好多樹橫躺在路上，要攀爬又要蹲下才過到，十幾棵樹...我穿的褲又窄窄好難過，又曬，所以發脾氣了，好辛苦。

有好多候鳥都冇心機睇啦。

行到一大半見到個塘之後仲有好多關要過。

最後總叫做捱過了，但我想我已經嚇怕了熊媽媽。

行去食豆花，唔係好好味，但叫做可以休息下。辛苦死人了。

太陽開始下山了。 

風景依舊。 

有日落了。

最後去了間破屋，但沒有坐橫水渡。

夜晚跟熊媽媽食素。

都幾好食叨。

20121019 - •●✿High Tea✿●•

10月19日星期五

放半天假，約好了同哥哥媽媽阿嫂去high tea，原本想去four seasons
但因為宜家有得訂位，我遲了訂位，只在waiting list，去shangri-la hong kong算了。
之前先去灣仔掃了幾對Jelly beans!

再返金鐘，時間剛剛好，三時開始high tea set，但兩點九去到都可以先坐同order。

環境ok。當然啲餐具都有返咁上下。


 有唔同的茶，可以隨時refill。

 有兩種high tea set $ 225 for 1 ，$425 for 2
傳統high tea set。

 chocolate & berries set

 基本上，最低層三文治是一樣的，牛肉三文治，碎蛋沙律三文治，三文魚三文治。

 仲有個蝦盒仔，食哂都夠啦。

 甜品兩個set有好大分別，都有cheese cake，marcaoon等

 tart 咁。，香芒開心果蛋糕。

 朱古力set 的marcaoon是朱古力味，一樣有cheese cake，

 比較特別是有千層酥，功夫嘢。

 中間多好多朱古力嘢同草莓。

brownie 少不免吧。

 朱古力set幾特別!

 呢set都是朱古力set至有，小小雪糕，淨係個外型都殺哂。

 scone多到不得了，scone另外上，每人三個，食哂的話應該飽到唔識行。
坐到咁上下見啲茶凍咗，叫佢地加熱水啦，佢哋俾個壺新的，值得一讚。

我四點幾就要走先，因為同熊去海洋公園哈佬喂呀，冇得坐耐啲有點可惜呀。