20181031 - ლ(❛◡❛✿)ლ 食糖+ Gap 大減價

10月31日 星期三

話說阿仔上星期五學校生日同萬聖節party交換咗好多糖返嚟，咁我俾咗其中一粒雪糕形嘅糖俾佢食，佢食得好開心津津有味，好似食緊雪糕咁，好開心，好滿足咁樣。尤其是坐喺沙化度嘆雪糕，慢慢食慢慢嘆。

笑得好燦爛，好似食緊啲咩好好食咁。

見佢好似食得咁開心，咁好食﹛咁我叫佢請我食吓。食咗一啖真心覺得

好

難

食
啲質地好似食發泡膠咁，好膠，得個甜字，點解咁難食佢都食得咁開心呢？可能因為佢本身喜歡食，又似食雪糕，細細件又可以自己拎住食。


另外我平日LUNCH HOUR 好喜歡周圍去睇吓嘢，最喜愛睇MOTHER CARE 啲衫仔，不過今年貴咗好多，唔係好買得落手，男仔衫又唔易搵。表哥又冇乜俾衫，所以都要自己買吓，

今日行去GAP見到減價LAST DAY，買5件65折，特價都可以照65折，結果買了5件，
有恤衫

有厚厚外套，可拆件背心著。

裡面有少少毛毛的JACKET。

冷衫。

TEE


5件夾埋只是562，初初以為要600幾，因為差不多件件都有減價再65折好平呢，冷衫折咗幾十蚊件，雖然香港唔凍，可能只係著一兩次，但都要買定到凍起上來時可以有衫著。
早知平成咁，買多件令啲的型仔褸啦。

20180628 - ◐剪頭髮+雜相◑

6月28日星期四
呢輪KEEP住LUNCH TIME行行行，日日去金鐘真係好悶，有時行吓去摩天輪，影一影就走，或者去IFC行行行，不過金鐘可以買吓嘢飲，東海堂咖啡正，又或者美銀的MCAFE好少人，買嘢飲真係一流。行去IFC就冇咁熱但就好難買嘢飲，人多冇咁好行。影摩天輪好靚，啲雲日日唔同。

以朗在家樓下去婆婆度，姐姐湊佢過去係行，我湊就要抱。27磅啦，抱死人。



宜家喜歡運動，天氣熱跑步辛苦唔緊要，最憎最憎樓下好多好多曱甴，跑長廊跑5K又會瞓唔著，所以只有星期五六先跑跑長廊。再加上宜家落雨，好多驟雨怕跑跑吓落起雨來冇得避雨，所以近來一星期只跑一次，最多兩次，其他時間做咩運動好呢？
近來瘦身興玩HIIT，我一般做十經左右約15分鐘至20分鐘，比起跳鄭多燕流更多汗，但究竟係唔係WORK呢？所以都好奇想CHECK自己運動後心跳率，所以用COUPON CHEAP CHEAP地買了小米手環，CHECK吓心跳，計步數。
步數比IPHONE 少，唔知邊個準，HIIT/跑完之後心跳CHECK 到14X，如果打個9折都13X，運動嚟講算WORK。

行街見到樹懶想買俾熊人做生日禮物，但屋企好多公仔啦。樹懶少有，其實幾特別。

以朗個八両金頭肉酸咗兩個星期，唔敢再入髮型屋，怕佢又唔肯剪，熊人自己同佢剪，自己剪又OK冇喊冇驚驚冇發脾氣，剪短了頭髮靚仔哂，清爽哂。

宜家成日自己開電視，99台個醫療船佢都睇得一餐。

近日喜歡玩填色APP，好玩好自癒，一開姑咗就好難停，好多圖揀，最喜歡揀食物同埋狗狗。最喜歡多顏色的圖畫。

20180221 - (◍•ᴗ•◍)旅かえる(旅行青蛙)

2月21日星期三
一直都想寫呢個GAME
生了BB之後其實好少玩GAME，以前玩開的LINE RANGER都冇玩了，熊大農場又唔係成日玩，亦不打算玩新GAME，所以知道有新GAME好HIT都不為所動啦。
不過朋友食LUNCH係咁游說我玩。又話唔困身，而且又係日本嘢，所以都玩吓啦。
介面好簡單。

1、介面分為庭院和室內。
2、庭院內上方為【主菜單】，包括【現有物品】、【記錄】、【幫助】三個子菜單。
3、庭院內的田地，隨時間長出三葉草，日常採集三葉草作為貨幣。偶爾掉落的四葉草作為一次性護身符使用


原文網址：https://kknews.cc/news/krq99yr.html


蝸牛係朋友，可以睇廣告，餵東西給他吃就有有獎勵，有時會有抽獎劵呢。
青蛙回到家會吃吃。

看書，不過有時會看到昏昏欲睡。

 
寫日記

做點小手工。


【室內】最核心的功能就是左下角的【準備行李】。其中藍色頁面為【背包】，也就是蛙蛙下一次必然會帶走的行李，選擇好以後按白色按鍵確定保存；黃色頁面為【桌上】，如果按【收起】會清空桌面。如果背包空了，蛙會隨機帶走桌上物品。要是背包和桌子都空著，蛙會餓著肚子在家裡呆。

❤初期蛙糧：帶80草的點心，會縮短蛙回家的時間，可以多攢很多東西
別帶50草那個，會延長回家的時間……


❤蛙蛙的背包（藍色方格）和桌子（黃色方格）如果都空著，蛙可能會離家出走，給它把桌子（黃色方格）放好食物，會自己回來的
裝背包（藍色方格）需要按一下按鈕
擺桌子（黃色方格）只需要把東西放進格子就行，不需要按按鈕
❤四葉草一定要帶上，會多拿回來很多禮物
四葉草的來源：串門動物送給蛙的，地里也會長出來

我們要做的是為他收拾好背包。我們不知道蛙何時出門，也不知道他什麼時間歸來，只能痴痴的等他回來。他寄來的明信片就是最大安慰。


 
有時會見到朋友，如松鼠，螃蟹，蝴蝶，我就只見過蝴蝶。


這個有點像東大寺。
  
如果想有特別的朋友就要抽獎了。

20180116 - o(≧v≦)o包包

1月16 日星期二
愛子成狂的我，生完BB之後，差不多天天回家吃飯，謝絕朋友的飯局，差不多一個月外出食飯一次而已，由半歲起BB認人之後，覺得BB更加需要我們。
有時想，晚上如果不返家吃，BB差不多整天只對著姐姐，會很悶，而且自從聖誕之後，BB開始懂得找我，掛念我，如果以朗每天都期待媽媽回家陪他玩耍，而有一天沒有，他定會好失望，不知從甚麼時候開始，如果自己不回家吃飯會有內疚之心。

要給以朗作出補償，補償是什麼？其實是買些玩具給他，逗他開心。
不過買什麼玩具給他其實傷盡腦筋，你認為很有趣味的玩具嗎？他可能看也不看一眼，你認為只是很普通的玩具嗎？他可能又很喜歡，另外傷腦筋的是，BB對男孩恩物--玩具車未敢興趣，對毛公仔更是零興趣，所以要揀一份他喜愛的玩具，不但是費盡心思，而且亦需要點運氣。
這次在玩具反斗城選了一袋像真度高的麵包，想不到BB好喜歡，看電視時會拿著包包，好像是拿著真包包一樣。睡前更要拿著一個包包入房睡覺呢。可能因此BB喜歡吃，所以對像真度高的食物玩具都感到興趣吧。而好多食物因為給BB吃時，已經剪碎了，所以他不知道實物的形狀，但給他麵包是好多時是可以看到整個的，所以他知道是包包。

像真的包包吧。

由於拿包包回婆婆家時，表哥看見了，他們又爭了，原本以為一袋五個不用爭，原來都是不行的，他們要有一模一樣的才不會爭，於是嫂嫂在第二天買多一袋包包給表哥。

20180105 - ☆★玩具+本周update★☆

1月5日星期五
星期二成廿度，湊了BB豬之後就跑跑，又係樓下，個APP今次完全計唔到時間，成日話我PAUSED，我熄咗佢，跑夠半小時算了，今次跑32分鐘都好有氣，可惜跑樓下好悶，跑長廊又太夜，太遠了，如果跑到咁悶真係好冇癮，好難有所提升，雖然一個人跑係悶，不過跑長廊都有啲嘢望吓啦。

除了跑仲會每日行行行，LUNCH行行行，行去金鐘，行去IFC，見到個摩天輪油了紅色，遲啲要同以朗去坐吓。
仲有跳舞，星期三晚跳舞，希望一星期四至五天運動。

星期四好同事由韓國回來，買了手信俾我，係熊大杯墊同埋膠碗，膠碗係以朗的手信。

星期四見唔到以朗內疚，所以買了玩具俾BB，行去中環間玩具反斗城，好遠呀，行到我，當運動，好多唔同玩具，可以得閒買吓，我要兩星期買份俾BB先。
多士爐，扭個掣會令多士升起。

可惜BB唔想玩，只係玩兩塊麵包，一拆兩塊麵包出嚟就好開心。當係真食物咁，同佢講UM UM，仍真係又UM UM，知係食嘢，又餵恐龍食，對食最有興趣，貫徹始終是一個小吃貨。

20171214 - ♣♧伏已中@Le Creuset x Line Friends♧♣

12月14日星期四
近來好少儲7-11或OK換的物件，只係換過LINE世界杯公仔(2014)之後再冇刻意換，因為之後結咗婚，土地問題唔打算擺太多嘢。

前陣子疏乎蛋筆都冇刻意儲，上年7-11x「港女花花煲」Le Creuset crosso­ver推出一套十款的小「鍋」心餐具，我都不為所動，因為我都唔煮嘢食的，對咩餐具都冇乜興趣啦。

不過今次終於死喺Line Friends 的手上。
由12月6日起，今次 7-Eleven 就同 Le Creuset 及 Line Friends 聯乘，推出「一班 buddies 開 Party」系列一套 8 款好 friend 碰碰杯連蓋，印有 Line 公仔的玻璃杯，Le Creuset 港女煲、Line Friends 公仔相信也是一眾女生至愛，再加上 Le Creuset 廚具造型的杯蓋，相信女生們見到一定「心心眼」！
我本身都冇為意。
不過同事換多咗一個，問我要唔要，一要就中伏了。
因為好靚，水杯令令，再加個蓋係Le Creuset煲，太得意。

同佢買完一個熊大之後，自己買咗好多多一個印花的東東。有11個印花，好正，換兩個，中伏了，又係橙色熊大杯，最慘人人都有。我想要cony呢。
今次想換多兩三個，如果有朋友嚟，都有套杯招呼人，一set好似令令呀。

kinder繽紛樂同eclipse都係今期多一個印花，我唔需要儲齊，多兩三個就夠了。

eclipse聖誕版好令令呢。其實唔買我都唔駛食，真係買多咗架。

20171206 - •●❀心情輕鬆❀●•

12月6日星期三
已經星期三了，星期五又放假呢，昨天開始心情好輕鬆。
可能因為間屋都7788，廚房未得，但已經有水有煮食爐，執咗8成，爭清潔，因為遲了可以扣起一個月租慳返一萬蚊其實都係有著數架，啲油味都散咗好多。打算呢個星期日或最遲下星期就搬入去了。
熊人新工作好似OK，應該唔會再搵朝唔得晚。

昨天朋友仔佢哋兩個去食飯，托佢帶咗啲嘢俾我，係一本羊毛氈書，好多平平但令令的耳環，同埋俾以朗的LETTER CARD。謝謝。啲羊毛氈係簡單，但好CUTE，我可以整到呢。

今日LUNCH去金鐘行，開了思思縮埋，宜家賣啲X'mas 禮物，好多都好得意但好貴。

其中呢啲壽司盛盒，其實係襪嚟架，好可愛。

仲有旋轉木馬，好似前兩日坐嗰個。4千幾蚊。

本想買M&S的朱古力日曆俾表哥，點知賣哂。嗚，不過蝴蝶酥40蚊兩盒，又平咗，同埋去SIMLY LIFE買了兩件CAKE。

20171101 - ◈◈星巴克午餐◈◈

11月1日星期三

 

原本昨天同朋友吃飯改成今日，昨天吃餃子冇得帶飯，Perfect，又吃星巴克，星期一先食完火腿瑞士芝士蛋白酥皮三文治 ，呢個一個人食好肥，但真係好喜歡食，尤其係個蛋白，有時唔帶飯都好想食好啲。

 

今日SHARE 食兩樣嘢。

栗子朱古力慕斯蛋糕

星巴克官網介紹係咁: 包括栗子慕斯、朱古力慕斯、朱古力海綿蛋糕及鬆脆的牛油餅底，蛋糕內更混入了栗子粒，提升味道層次

我好想食栗子蛋糕，但熊不喜歡，好彩今日同朋友吃。但栗子唔多，因為係朱古力慕斯、朱古力海綿蛋糕的關係，唔夠栗子味，到喉唔到肺，麻麻地，失望ING

 

香草雞肉芝士意大利軟包 ，呢個幾好食，有雞肉同埋芝士，一個人食幾大件，兩個人SHARE再加件CAKE 再飲杯LATTE就不錯。

另外，收到張圖，真係好似我的想法。

20171028-9 - ★☆星期六日食玩★☆

10月29日星期日

星期六是重陽節，是公眾假期，也是工人姐姐的假期，見bb開始大個，食嘢方便了。就試吓唔買工人姐姐假，自己湊足兩日，睇吓點。

宜家開始訓練bb自己食嘢，呢個碗係有吸盤可吸住個highchair面，可以方便bb自己食。

宜家食完早餐之後唔會咁早瞓，

會同佢落街，叫以朗拎住架學行車行吓，之後去公園玩一陣，佢好喜歡瀡滑梯，玩完一次又一次，叫佢拎住架車行就麻麻地，有時行一陣就扭抱，有時又係要衝入百佳揀橙。

星期六中午，熊人約咗佢個客去旺角傾偈，我就同bb豬，初初唔肯瞓，要用孭帶先肯瞓覺，由點鬆玩到點九至瞓，但瞓咗成兩個鐘，起身就同👶🏽食午餐，朝早食字母粉，中午又唔願食，我食緊薯蓉佢又食，食完洗完嘢都四點幾，我自己單拖帶佢落街。原本想去草地。但我行落街已經好熱，於是去千色店玩具部涼一陣冷氣。見好多歲幾小朋友都部落地玩啲玩具，我又放佢落地，點知好臭，佢💩💩。即刻去返老遠的換片間換片，一放低就扭，又要出動星星餅，手忙腳亂一點，都ok，只係我都滿頭大汗，所以同以朗去香港地食吓嘢算了。

食米線，食食吓都嘈。激死，自己玩殘自己。

好彩熊人都回程中，到餐廳會合再買唐記返家。

星期日又帶佢行啦，點知。

唔肯行

要我抱，玩一陣瀡滑梯就肯行一陣。又用星星餅引都唔多想行，行完又返去瞓成兩個鐘，之後食完bb的lunch我哋去市中心買海鮮，冇咩想買，於是都係去耀安買。

 

買完拎啲海鮮俾哥哥佢哋，佢好開心留喺度玩，唔駛理我哋，我哋都休息一陣。

 

今日打邊邊，bb依咗唔少嘢，有烏冬，豆腐，蝦，西洋菜，粟米，魚，仲有第一次食牛肉，宜家bb真係咩都食。

星期六晚趁bb豬了就油了Jackson storm黑旋風，我好怕用黑色，為了表哥要求先畫，用了蠟筆，易上色，但好污糟。