✿｡◕‿◕｡✿樹懶的日記✿｡◕‿◕｡✿: 6月 2016

2016年6月29日星期三

20160629 - ☂☂落雨跑跑☂☂

6月29日星期三，
今早下雨，但下午停雨，於是去跑跑，點知跑跑吓落大雨，初初細細地雨，點知越落越大，最慘我一開始對腳攰攰，宜家真係好冇力，一攰真係可以冇哂力，跑到咁上下，要行埋一邊拉筋，點知拉完無耐落雨，停咗一陣，細雨咗好多，又去跑跑，點知之後好大雨。
一大雨我就唔會跑，怕淋病，熊照跑，但後來太大雨都唔跑了，我冇事做，坐吓就俾蚊咬，幾唔開心。
心情唔多好，見到大雨，要等細雨才行到，更加嬲。

2016年6月24日星期五

20160624 - ❃❃全記點心專門店❃❃

6月24日星期五

聽日唔駛返，放工就同熊人去葵芳睇傢俬睇床褥，床褥就唔喺新都會附近，遠少少。
睇完床褥就想食嘢先睇傢俬，諗緊去大家樂食定係食點心，諗起第日有排食大家樂啦，所以都係食點心，因為第日係唔駛旨意飲茶。
我哋去呢間叫全記點心專門店，專食點心，點了叉燒腸，腸粉都幾新鮮，但比較厚皮，

肉餅飯，個碗好薄，所以好得好少1

春卷係新鮮滾熱辣，好脆，幾好食，點沙律醬嗰隻。

奶黃包味道麻麻地，包的質地就唔夠薄，呢個唔好食。

蝦餃拼粉果，粉果同餃都好食，

茶位只是三蚊個，不過係茶包，但係埋單竟然要115元，貴過稻香。另外最大問題係近廚房位好熱，唔夠冷氣食到身水身汗。

食完行過去對面馬路新都會睇傢俬，實惠都幾平，但想睇埋宜家傢俬先。

2016年6月23日星期四

上次只是行覺得唔夠出汗，所以今次同熊慢跑大半個圈。但唔夠氣跑一個圈，之後繼續直路跑，灣位行，如是者半行半跑都有十二個圈架，即是大概都有跑到六個圈，今次雖然晚上都有29度，球場一樣好似火爐咁熱，但係濕度冇上星期咁高，好似舒服少少，跑跑吓間中有啲風，熱得嚟可以接受啦。

有做運動個人真係精神好多。尤其跑完之後坐屋企個人係好舒服。冇熱得咁緊要。宜家當然唔關減肥事，係關健康，我同BB都要健康。

今日又跑跑，我宜家好易急，所以跑跑吓就要去廁所。

BB由琴晚開始郁得好緊要呢。唔知佢喺度玩緊咩呢。 (^3^)

2016年6月15日星期三

20160615 -◇◆ 熊人跑，我行◇◆

6月15日星期三，

天氣又係好熱，我近日怕熱到想死，連晚上都三十度真係太難頂。

今日約埋黑白人跑，近來悶熱的程度是體感氣溫竟然有38度，我近來都唔太夠氣，好難跑，

其實我想跑架，不過黑人話陪我行，咁我就行，熊人跑，熊人跑了十二個咋，差過以前跑長廊，而我只跑了一個，其他都是行，不過都流好多汗，我好羨慕兩個一起跑跑的日子，希望在仲可以郁到跑到的日子都KEEP住出汗，我要健健康康。

回到家中食熊人整好的雞飯，仲睇歐國盃，斯洛伐克對俄羅斯，簡簡單單，呢啲生活都好寫意。

2016年6月13日星期一

20160612 - ✉ ✉ 自家制滷肉飯✉ ✉

6月12日星期日

熊人睇咗fb有人整滷肉飯的片，又想整滷肉飯，熊人咩都話易整，於是就去街市買肉同材料。

香港食台式滷肉飯好貴，起碼30蚊碗，自己整都唔平，因為啲腩肉貴。

要五香粉同紅蔥，

再加上蒸勝瓜，咁就完成一餐好食的晚餐。

2016年6月12日星期日

20160610 - ❤照結構❤

6月10日星期五

今日放自己一日假照結構，

約咗11:30，點知好多人，去到勢色好唔對，坐滿人，好多男士都冇位坐，等登記唔算耐，但等照就好耐，人太多好迫，唔夠冷氣，我好辛苦，可能又因為又驚又擔心，雖然如此我的血壓都偏低，63/96，初初有時有7x下壓架，點知三個月之後打回原形。

咁多人係因為間診所係孫錫鴻醫生，呢個醫生好出名，我唔係搵佢照都一樣等等等等，等咗成兩個鐘先入到去照，部機好清楚，好細緻，高醫生好細心一開始話我羊水足夠，胎盤沒有前置，偏後，之後再講解各部位，例如心臟見到四個心室，腦又見到啲腦區，橫隔膜，手指骨，有冇兔唇，腎臟，肺等等，佢好健康，醫生都讚佢好合作，可以睇到哂所需部位，仲幫佢影咗幾張相。知道了健康之後真係鬆一口氣，我同醫生講過有時陰陰痛，都唔駛擔心，我終於放下心頭大石。可以想像下寶寶的樣子了。

最後等report DVD 都等咗超過大半小時，仲送咗幾張4D相俾我，個樣尤其嘴同下巴都似足熊人。個鼻就好似兩個都似似地，如果用何醫生個預產期，當日應該是20w4d，但bb 啲頭骨大脾骨就度到21w4d，看來是偏大碼。我都唔駛擔心養唔大bb 。

走得兩點半，足足三小時，去深水埗泰潮食飯，好想食泰國嘢呢，下午茶餐包泰式飲料。吃了海南雞，肉一貫嫩滑，油飯亦整得好食，

另外下午茶的炒金邊粉，比較細碟，好惹味，好夠水準，似足喺泰國食啲味，仲有咸檸水，青檸水飲，呢啲質素咁高只需98元，如果在金寶嗰啲要成200元了。

由於折騰大半日，大家都攰，返家五點幾午覺到七點半，都好，夜晚三點有歐國盃法國。瞓定都好。

今日好開心呀。同親戚可以好肯定咁講吓啦。

2016年6月9日星期四

20160609 -★☆端午節食食食☆★

6月9日星期四，

影完相熱到HIHI，坐車入元朗找熊媽媽，佢整咗PIZZA同雜菜湯俾我哋食，其實我個大早餐(奄列，通粉，鮮奶)都未落格，又食PIZZA，同雜菜湯，酸酸地好開胃，之後走時仲同熊人忍唔住去Sugar Ma Ma 食心太軟，自從佗b之後好少食甜品，因為自知胃容易有限，多數食多啲正餐會有益bb，

但一場來到元朗又好耐冇食心太軟，真係好想食，呢間心太軟好出名，忍唔住溝少少雪糕食。個朱古力漿好多又熱辣辣，又夠濃，兩個食冇咁漏。

仲食咗疏乎里原味，因為疏乎里唔係太多地方有得食，好香蛋白味，即整，所以要等...，其實蛋白之外仲有好多糖，好肥，有點罪疚感，

幫佢賣廣告，

返到屋企又冇理由唔食晚飯架，結果食咗糭，肥爆的一天。

20160609 - •●✿荷花@城門谷✿●•

6月9日星期四，

是日端午節，天氣好濕好熱，由於我今日開始連放四日，所以今朝出去冰室食個早餐先，之後坐車去城門谷公園影吓荷花，

有荷花，但不算太多，而且好多都係比較遠，我支鏡影唔到，上次去城門谷影荷花係兩年前的夏天，我哋都未結婚，宜家趁最後今年住葵涌近近地好影吓，之後冇咩機會。

今日反而有個大發現係影到隻塘尾，估唔到佢會企定定俾我影。背景係荷葉，好綠好靚。

由於朝早落過一場雨，所以有啲水喺荷葉上，都好靚呀。

反而主角荷花就有點失色，

未夠多同近，或者要再去到次。下年多數嚟唔到啦。

公園裡的花都唔錯，不過怕俾蚊咬，都唔敢逗留太耐。

2016年6月8日星期三

20160608 - ☹少年滋味☹

6月8日星期三，
明天是端午節假期，而我星期五請咗假，所以連放四日假，放假前可以去睇吓戲輕鬆一下。
今日去百老匯電影中心睇一套比較特別的戲，可以說是一套紀錄片。

紀錄片由2014年12月開始，一眾主角參加一場萬人音樂會，歡笑背後各有故事。

16歲風紀隊長Angel需執行校方紀律，又要表達學生意願，常處於兩難。優才生Vicky背負擔任老師的父母期望，不知何故「夢想」是要當上醫生。生於青海的新移民華仔，6歲來港後卻從未喜歡這城。還有曾被同窗欺凌的凱婷，以及被功課擠得喘不過氣來的小學生Nicole。電影記錄了一眾主角的多次訪談，他們談論着夢想時，卻同時揭示社會的種種問題。

中大校長沈祖堯看畢紀錄片後，於網誌撰文，驚訝電影中幾乎每個少年的訪問，都帶出「我活得不開心」的信息，只有參與萬人合唱團合演，才是最快樂的一刻，但演唱完畢即又回到不快人生，就連身邊的家長亦不見得快樂。他反思，孩子不快樂，或因父母將夢想和期望放在他們肩上，社會價值都放在經濟和物質的回報上，他勸勉道：「人生能快樂無憂的時間不多。讓他們去做個美夢吧！那怕是不賺錢、不成名的。人生活得快樂不是比『成就』更重要嗎？」

睇完之後都幾大感覺，希望小孩生活得開心就好了。