20160609 -★☆端午節食食食☆★

6月9日星期四，

影完相熱到HIHI，坐車入元朗找熊媽媽，佢整咗PIZZA同雜菜湯俾我哋食，其實我個大早餐(奄列，通粉，鮮奶)都未落格，又食PIZZA，同雜菜湯，酸酸地好開胃，之後走時仲同熊人忍唔住去Sugar Ma Ma 食心太軟，自從佗b之後好少食甜品，因為自知胃容易有限，多數食多啲正餐會有益bb，

 

但一場來到元朗又好耐冇食心太軟，真係好想食，呢間心太軟好出名，忍唔住溝少少雪糕食。個朱古力漿好多又熱辣辣，又夠濃，兩個食冇咁漏。

 

仲食咗疏乎里原味，因為疏乎里唔係太多地方有得食，好香蛋白味，即整，所以要等...，其實蛋白之外仲有好多糖，好肥，有點罪疚感，

幫佢賣廣告，

返到屋企又冇理由唔食晚飯架，結果食咗糭，肥爆的一天。