20160624 - ❃❃全記點心專門店❃❃

6月24日星期五

聽日唔駛返，放工就同熊人去葵芳睇傢俬睇床褥，床褥就唔喺新都會附近，遠少少。
睇完床褥就想食嘢先睇傢俬，諗緊去大家樂食定係食點心，諗起第日有排食大家樂啦，所以都係食點心，因為第日係唔駛旨意飲茶。
我哋去呢間叫全記點心專門店，專食點心，點了叉燒腸，腸粉都幾新鮮，但比較厚皮，

肉餅飯，個碗好薄，所以好得好少1

春卷係新鮮滾熱辣，好脆，幾好食，點沙律醬嗰隻。

奶黃包味道麻麻地，包的質地就唔夠薄，呢個唔好食。


蝦餃拼粉果，粉果同餃都好食，

茶位只是三蚊個，不過係茶包，但係埋單竟然要115元，貴過稻香。另外最大問題係近廚房位好熱，唔夠冷氣食到身水身汗。

食完行過去對面馬路新都會睇傢俬，實惠都幾平，但想睇埋宜家傢俬先。