✿｡◕‿◕｡✿樹懶的日記✿｡◕‿◕｡✿: 12月 2012

2012年12月31日星期一

20121231 - ❃❃7度BBQ❃❃

12月31日

2012 年最後一日係今年最凍的一日。
2012 年係開心的一年，也是豐收的一年。
因為多了一個人錫自己。好幸福。

朝早起身沙田得5.5度咋。仲要返工。
上年因為病冇得同熊一起倒數，今年有點波折的情況下終於可以同熊一起倒數。

放早，同熊一起等埋朋友去熊媽媽家的天台燒烤。
仲有熊的好朋友。
天台也是戶外地方。
好凍的一天。
一停手唔燒就好凍。
熊媽媽雖然食素，但準備食物，醃得好好食。
豬扒，雞翼都好好味。

仲買了蝦，蜆等，好好食。

由於是村屋，所以一到夠鐘有人放煙花，好正呢。

2013 就在大家開開心心的情況下到來。
希望新的一年，大家都開開心心。

2013年1月1日，新的一年，熊整咗隻熊形蛋俾我食。呵呵。

2012年12月30日星期日

20121230 -╭。☆打邊邊☆。╮

12月30日星期日。

瞓到晏一晏至起身，因為天氣好凍，瞓醒咗都賴床。
結果晏一晏至見到熊，去黃金海岸食卡巴。
三點幾至食呢。哈哈，都好，少人啲。

食沙律同卡巴，杯咖啡就麻麻地。

星期四五開始發現生唇瘡，但由於呢個星期天氣好凍。
所以照樣打邊爐。

揀啲清啲嘢食，同埋少肉多菜。
因為琴日食片皮鴨好FULL呀。

所以主力都係菜為主，仲有豆腐呀，魚等。

仲有蝦。

不過都有買雞雜。

打邊爐都係燥燥。希望食多啲菜好啲。

返到屋企搵番熊俾我的頸巾，雖然個款老土咗啲，但代表了我哋嘅開始。

聽日天氣寒冷，可能唔夠十度，要用頸巾呢。

仲有，聖誕節送俾熊的貴貴朱古力，宜家至拎出嚟食。
原本唔係買呢個款架，不過俾錯了，呢隻多啲DARK，希望熊都喜歡食。

2012年12月29日星期六

20121229 - ✿｡◕‿◕｡✿北京樓

12月29日星期六。

由於熊上星期病病，其中有一日又做節，所以上星期熊好多日都在我家食晚飯。
熊話覺得唔好意思，想請我爸爸媽媽食飯呢。
有一日又提起北京樓烤鴨。所以我地夜晚去食食。因為片皮鴨最好多人先去食。
記得年頭的時候，有一晚熊想食片皮鴨，我哋兩個人走去食一隻鴨。結果當然係食唔哂啦。

當日落好大雨，特登帶了大機想同爸媽影1881。但最後都冇影到。
點了回鍋肉。好味。

魚。兩樣都酸甜。侍應生點菜時都提醒我哋唔好全部都係酸甜呢。

上素雜菇，啲菜好正，不過OVERALL 都好細碟，88-118一味，但比出面的例牌細碟呢。

蟹粉蝦仁，蟹粉好食，不過熊比較喜歡龍井蝦仁，好似清新啲嘛，但呢度個蟹粉處理得幾好食，不過呢碟好貴。

等了好耐先有鴨。因為當日好多人。枱枱都點鴨。等佢片都幾個字，又係片了兩碟。四個人食都好飽吓。

最後仲點了甜品，一窩酒釀小丸子，比小南國好食，因為冇咁酸，同埋小丸子啲餡係芝麻，好正。
之後同媽媽去LCX，媽媽好耐冇去LCX呢邊，佢行得好開心呢。
仲同大家影吓啲室內聖誕嘢，好開心的一天。

2012年12月27日星期四

20121227 - ♡❤十六個圈半❤ ♡

12月27日星期四

至從12月12日跑完之後，一直都冇跑過。
:P
因為熊在之後的星期病病了，小病，不過都不太適合跑跑囉。
原本想12月19 日跑，點知病了。
之後原本想星期日即是12月23日跑，
點知又掛住行街買衫，所以冇跑了。

結果搞到27號先跑。
足足兩個幾星期。早咗少少去跑，8:20已經熱好身開始跑。
真係麻麻地呢，腳肌肉即刻唔夠力。
同埋初初跑得太快，好快已經唔夠力同埋冇氣。
一開始跑五個圈已莫氣。
隻耳仔又痛，跑跑吓又忽然落大雨，唯有在側面有蓋的地方跑跑吓，但好熱。
跑咗一陣細雨了好多，不過一場雨令唔少人走了。
再跑返幾個圈已經好唔得。
嗚嗚，廢鳥。
熊話因為不自覺跟咗班跑拉松的人跑，速度快了。
所以頂唔住，結果再慢返啲跑，最後勉強捱到16.5圈。
睇來真係太耐冇跑體能同肌肉都差咗。
由於今次太攰，又行咗幾次，9:30先跑完。