20121205 - ✈✈清邁遊(1) - 從香港到清邁✈✈

12月5日星期三。

為慶祝同熊相識一周年，我地去旅行hea hea。

我人生第一次去旅行就係小學四年班定五年班。第一次去的地點是曼谷加清邁。
當年清邁冇咩人去，而且冇直航機，只有從曼谷坐內陸機去。所以當年玩埋曼谷。
估唔到事隔多年可以再去呢。
熊平日去陽光與海灘，偏偏我又唔識游水，去泰國就只有去清邁了。
三點幾機坐港龍，之前日日都落雨，落了十幾日，上到半空中才見到久違了的藍天白雲。

 飛機餐麻麻地。

 飯好食過通粉，通粉好硬。

 最安慰係有haagen dazs 雪糕食。



到埗大約當地時間5點幾，泰國比香港慢一小時。
落機的時間我超級肚痛，好彩最後都是有驚無險。
由於我都係唔會游水，所以冇咩必要訂貴貴的resort。
最後訂了市中心的Royal Princess Hotel，可以包機場接送，雖然機場好近酒店，只是十分鐘的車程，但包接送好舒服。
仲有Welcome drink，熊話泰國酒店有welcome drink唔出奇，我太大鄉里了。

 酒店房幾大，床又大又舒服，浴室乾淨企理，已經好足夠啦。
呢間房我都好滿意了。

 第一日仲有生果送。

清邁位於曼谷北方700公里，地處海拔300公尺高的山谷，有「北方玫瑰」之稱，是泰國的第二大城，也曾是泰國史上第一個獨立國家－藍納泰（Lanna Thai）王朝的首都、宗教、文化及貿易中心，保有許多的文化遺產，又有「藝術建築之寶殿堂」之稱。