20121207 - ✈✈清邁遊(8) - 晚餐吃吃吃✈✈

12月7日

去完玩ATV之後回程都好晏。因為我地去的時候遲了大半小時。
回程已天黑，好彩我地酒店好近清邁夜市，所以返去抖抖就可以再去搵嘢食。
而且天氣涼快好舒服。
行多步都冇所謂。

我哋行咗一陣去到夜市附近的food court食嘢。

 食了當地泰式魚蛋粉。份量好少，都ok。

 芒果糯米飯，好味。泰國周街都係sticky rice，不過多數都是白糯米，未見過有黑糯米。

 之後又行返去第一晚食豬手飯的地方食海南雞飯。
海南雞飯只係一般，不過都唔差，比例係豬手飯好食。

 仲叫咗個好似海鮮湯的，有啲粉食。幾得意，但未算好好食。

 但好像食極唔飽的熊好似未夠飽，於是又去個local night market 食嘢。
早一日買了雞翼，但今日晏了賣哂。

始終冇試到一粒粒的腸仔，我哋叫佛珠，因為真係好似一抽佛珠。XD

 試了另一間的雞翼冇咁好食。

 呢張相係之前一日都係local night market 影的，好似雞蛋仔咁，上面是椰奶，有兩種味，一種是粟米，另一種是蔥花，好得意，唔算好好食，但真係未食過未見過。
佢唔係一底底買，而係可以幾粒咁買。

 另外仲買咗幾件泰式糕點。
幾好食。質地好有彈力，都有椰汁味，不過甜咗少少。
熊之後仲買了碗粉食。我真係食唔落了。

當地有隻士多啤梨奶好好味，我哋一日飲一支，又係咁食，有咩法子唔肥。