20121211 - §中環北京樓§

12月11日星期二

小休幾日返公司，由天堂回到地獄。
有同事生日去食生日飯。
今次揀了北京樓。
中環北京樓LUNCH 都竟然唔爆？
碟好靚。

啲碟有幾個款的。

 同啲杯一SET，不過杯邊好似甩色喎。

 當日點了小籠包，麻麻地喎，因為啲皮好厚，都是金滿庭好食啲。

 雞絲粉皮都唔錯。

 冇食到炸饅頭。

 當然少不了片皮鴨。

好好食，
一隻鴨可以片咗兩碟，鍾意佢又有肉又有皮，好平均。

 仲點了蘿蔔絲酥，好食，熱辣辣，好新鮮。

 呢味唔知咩菜，但好似瓜，都幾特別。

不過啲炒麵就非常油，好似啲油唔駛錢咁。

除咗個鴨最得之外，其他就普普通通啦，好似尖沙咀間北京樓好味好多。