20121217 - ♡❤達磨拉麵+工展會❤♡

12月17日星期一

上星期去渣打，聽咗佢講一陣保險就有張coupon 拎朱古力，
拎俾熊食。

 金鐘的高擋百貨，有好多熊裝飾，無聊影吓先。
好高貴的熊。

 個男都好型啊。

 放工同熊去工展會，去工展會前就食嘢先。
我哋去大坑附近的達磨日式拉麵食拉麵。

 上次食呢間已經係一年前了，初初同熊一起無耐，同熊又係行工展會，又係去工展會前食拉麵。
今次都係特登食達磨拉麵，好快又一年了。

 拉麵幾好食，蛋好味，唔駛等位喎，可能因為宜家太多拉麵店啦。

 工展會hello mimi

 我買咗啲湯包俾媽咪。熊買咗茶葉，又食吓嘢咁。
又為咗呢個angry 紙巾套買咗啲油俾媽咪，買咗好多嘢呢。
所以要揀閒日去，揸車去拎嘢。

上年初初識熊佢竟然話想去工展會，我覺得幾好笑架，因為好少人拍拖去工展會架，覺得佢係好男人。
當然我骨子裡係一個師奶仔，所以都鍾意去行。
我諗往後每年去工展會時都會諗起大家初相識時。