20121230 -╭。☆打邊邊☆。╮

12月30日星期日。

瞓到晏一晏至起身，因為天氣好凍，瞓醒咗都賴床。
結果晏一晏至見到熊，去黃金海岸食卡巴。
三點幾至食呢。 哈哈，都好，少人啲。

食沙律同卡巴，杯咖啡就麻麻地。

 星期四五開始發現生唇瘡，但由於呢個星期天氣好凍。
所以照樣打邊爐。

揀啲清啲嘢食，同埋少肉多菜。
因為琴日食片皮鴨好FULL呀。

所以主力都係菜為主，仲有豆腐呀，魚等。

 仲有蝦。

 不過都有買雞雜。

 打邊爐都係燥燥。希望食多啲菜好啲。

 返到屋企搵番熊俾我的頸巾，雖然個款老土咗啲，但代表了我哋嘅開始。

聽日天氣寒冷，可能唔夠十度，要用頸巾呢。

 仲有，聖誕節送俾熊的貴貴朱古力，宜家至拎出嚟食。
原本唔係買呢個款架，不過俾錯了，呢隻多啲DARK，希望熊都喜歡食。