20121205 - ✈✈清邁遊(2) - 清邁夜市✈✈





12月5日星期三，

在酒店放低嘢之後就即刻去搵食。
酒店係夜市條大街上，一出酒店兩旁全部係夜市的攤位，有買的，有食的。

不過最緊要都係食嘢先。
不太喜歡一早切好的水果，所以冇食到。

 

 好多擺設，一路行一路見泰國人個樣好莊嚴，又手持白色花望住同一個方向，見到電視又有大型直播，問吓佢地咩事啦，原來當日係泰皇生日。佢地好喜歡佢地的國王呢

 周圍都賣呢隻燈呢。

 仲有帽，其實佢地天氣唔凍，唔駛用到冷帽掛。

 呢啲應該係人手的，以前細個時去清邁參觀過手繪傘子的地方架。

 行行吓見到豬手飯，

 即刻食，味道唔錯，好食，十幾蚊咋。仲有湯送，個湯係海南雞飯個湯。好味。

 之後又見到間食海鮮的，
我地諗住過兩日先嚟食。

 仲有即時表演燒豬。

 行吓夜市，可以買定少少手信。
夜晚天氣涼涼地，要著外套，天氣舒服到不得了。

 仲食當地即整的香蕉班戟。

 落練奶的，但好好味。幾蚊件，消費好平。

 之後先正式坐低食晚飯。
點了冬蔭公，叫佢少辣，真係唔辣的。

 仲點了HOUSE WINE，不過麻麻地。

 點了青木瓜絲沙律，好辣，辣在啲辣椒籽。呢個堅辣，我噴火了。

 魚，好好食，酸甜的，好開胃，炸炸的熱氣，但唔理得咁多了。

 再行個幾鐘夜市，好多嘢睇。

 買咗少少做手信，當然要講價啦。

 最後仲要食多杯雪糕先肯走。

 熊一去到外國旅行就變成大食績了。