20170408 - ✿東京賞櫻(9)- 目黑川雨中賞櫻✿

4月8日星期日

要回程的一天，由於是17:05 航班，我哋可以食完午飯才離開，早上還有行程呢。

今日去目黑川賞櫻，可是天下起大雨來，都要照去，否則今天沒有行程。
東急東橫線中目黑站步行約1分鐘，出站後要走一段路才到，由於天雨關係又不熟路，不過當你去到目黑川，你會被景色吸引著了。
 

河川兩岸是成排的櫻花，綿延4km，吸引遊人蜂擁而至。目黑川周邊開設了許多時尚咖啡廳及個性商店，賞花的同時也能滿足購物欲望。
這裡是有夜櫻的，夜裡，燈籠的光芒在河面上搖盪，讓人猶如置身奇幻夢境。

由中目黑至目黑川一段有830本櫻花，就在河的兩邊。櫻花很多很聚集。這裡是高級住宅區，河兩旁都是住宅。星期天的早上人流不多，很寧靜呢。

聞說有不少攤販賣小食，但今天沒有，可能因為今天是星期天的早上十時多，而且雨越下越大，看不到小食攤，



由於大雨夾著風。不少櫻花都落在河裡，在兩旁走走時，有漫天櫻花，滿地櫻花的情況，自己就像身處日劇的浪漫場景般，可以幻想自己是日劇的男女主角呢。
在這裡，我明白/驚訝原來日本人用透明傘子的原因，因為櫻花打落在傘子上變成淡粉紅色，就像落下粉紅的飄雪呢。

我哋由頭到尾來回走了一轉，可以沿路回去。雖然雨很大，但我們仍很有耐性走完一大段路。

由於太大雨，有少少凍，而且一身濕透，都想坐一陣先去地鐵站上車，於是又去了CAKE SHOP 食件熊人不太喜歡的栗子CAKE，不過其實真係幾好食架。日本栗子係好正架。

仲有咖啡，

之後我哋坐車返大井町的阪急百貨食個悠閒LUNCH先返東橫INN拎行李。
由於未用哂啲錢就決定食好啲，俾一間專食魚的定食吸引了，大約1600- 2000日圓一個SET，今個旅程吃了魚生，吃了鰻魚，也吃了拉麵天婦羅，反而不怎麼吃定食，所以要食下。


結果係好好食。
燒三文魚，鱈魚等。









再加上之後去A La Campagne Café食甜品，呢間A La Campagne Café係上次去東京自由之丘食過好令人難忘的蛋糕，估唔到在大井町重遇呢。有美美又舒適的座位。

 

點了雜莓TART。

同期間限定的櫻花蛋糕，天天都賞櫻，最後還吃一件櫻花蛋糕為今次賞櫻之旅劃上完美的句號，真的無憾了。


吃過午飯之後，我們回酒店拿行李，再如期到機場乘機返港，回港的飛機餐咖哩飯唔錯又有冷麵，唔知幾時可以來東京？下次到來一定要一家三口到啊。

20180408 - ✈宜蘭台北親子之旅(10)台北車站咖啡弄✈

4月8日星期日

眨眼又到了台北宜蘭之旅最後一天，每次去旅行到最後一天都好不捨，因為唔知道幾時再有機會飛啦。

一早在酒店食完早餐之後就放低寶寶同熊人出去西門町走走，原本想食台式早餐蛋餅，但因為食了早餐有啲飽，最後都冇食到，差只飲了苦瓜汁。

之後去台北車站行街，去咗行一間好大好的文具店，有幾層好多嘢賣，以朗乜都想要，之後仲行咗Daiso即係十二蚊店，其實同香港差不多價錢，不過見到有啲合適都買吓，因為Daiso係比較高檔，而且香港間間十二蚊店賣的東西都有啲分別，今日我孭以朗個多小時已好辛苦，難為熊人孭了幾日，最後熊人喺Daiso都找樓梯坐一陣。去了幾日旅行，大家的體力都消耗了不少。

之後返去對面馬路俾我哋發現了咖啡弄，我哋三口子唔離37 21都要離隊去坐吓，佢問我哋有冇訂位，好彩冇都有得入去坐。好似係最後一個位。

地方好窄，枱與枱之間好少位。以朗今日又比較嘈，有啲唔好意思。

試了冰滴咖啡都幾好飲，



另外黑糖咖啡比較甜。不過嚟到咖啡店又想試吓平日比較少飲的咖啡。

個窩夫好食，好大份量，足足有四塊窩夫，熱熱地配雪糕唔錯。雪糕可揀味。兩杯咖啡加咁大塊窩夫價錢都係百多元。

走的時候仲見到開始好多人等位，原來呢間咖啡弄唔單止喺香港大排長龍，喺台北依然係好高人氣呢。所以有幸食到好開心呀，亦令呢個台灣之旅劃上完美的句號。

今日文具店買到軟尺一把。

我哋只坐了約半小時，食完就急急腳走了，約12:45前要回酒店，訂了車送我們到機場。到了機場專登去第二航廈食渡小月，冇出面咁好食呢，而且第一航廈去第二航廈行好遠，苦了媽媽呢。

20180407 - ✈宜蘭台北親子之旅(9) Line Cafe + 叄和院✈

4月7日星期六

去鼎泰豐食完中午飯之後，爸媽回酒店休息，我就去新光三越A11館，因為有Line Cafe。 香港只有Line Friends Store， 沒有Cafe， 台灣一向比較流行Line Friends， 所以對呢度好大期望。

由台北101行過去其實都唔耐，大約八分鐘，不過去到又好失望，因為間Cafe 好細，而且冇乜食物，啲食物唔吸引之外，仲好似整咗好耐唔多新鮮咁，只有Choco，只係影吓相就算，Line Friend Store 都唔係好大咋，啲嘢又唔太特別，你話有日本地區/台灣地區限定就買，冇的話分分鐘香港買仲平啲，所以行咗5分鐘就走得，熊人抱住以朗，佢瞓得好開心，我哋去咗地下food court坐一陣都返酒店抖抖，點知馮以朗一返酒店就醒，反而係間條熊喺酒店豬覺。

約六點九左右。台灣朋友來酒店接我哋，去一間新派台菜度食晚飯，叫叄和院，原來在台北都有點名氣。兩層高，一般是坐上一層的位置。

兩位小朋友第二次見面，開始有點互動，不過馮以朗太粗魯，間中大叫，嚇怕了小妹妹。兩位小朋友比上次見面大個咗，以朗開始自己食飯，菲菲都食固體，以朗喺人面前表演喪食同一分鐘KO一碗湯，真係失禮死人。

講返嘢食啲嘢好食，樣又靚，呢個梅菜扣肉其實係配刈包架，梅菜扣肉燉得軟嫩而不柴絲，扣肉的大小夾進割包也剛剛好，個汁亦都好惹味呢。

啲虎斑刈包勁靚又熱又軟熟呢，黃色部份是添加了南瓜。記得要跟玉子一夜干或五花肉一起包進去，就是道美味的刈包。

仲有呢個似雪糕甜筒的叫五味九孔鮑，其實係薯蓉配九孔鮑，九孔鮑淋上少許的五味醬。賣相同味道都好好。下層還塞著些許鳳梨丁，除了爽口外，也因此讓這道創意菜成功留下了更深的口味記憶。

南台灣炒飯都好好食，有啲似鹹魚香，有蝦同蟹籽，飯炒得鬆散分明，卻吃起來異常的不油膩，整到似金字塔咁上菜，真係好巧心思。

呢個係好熱氣的炸豬肚薯條，好重口味，豬肚比較少。

呢個炒菜因爲配了wasabi，應該唔係人人接受到，不過我本身喜歡食wasabi 當然冇問題。

最後我哋飽到嘔都仲點了甜品熊貓芝麻包，眼睛跟嘴巴也是用竹炭粉做的，麵皮很鬆軟，再包裏富有維他命E的黑芝麻餡，濃稠的芝麻餡實在渾厚又飽滿，又靚又可愛的包，食飽飯都一樣食得落。

兩位小朋友尾段開始冇耐性，吵吵鬧鬧之中離開呢。真係好多謝台灣朋友帶我哋食好西。

20180407 - ✈宜蘭台北親子之旅(8)鼎泰豐@台北101✈

4月7日星期六，

今日原本係打算去台北花博公園。但因為天氣不好，由昨晚開始下雨到早上。雖然到中午開始停雨，但因為之前不停下雨，令到地下都濕透，公園是戶外活動，好似不太合適。
所以我哋就去咗台北101，因為本身打算今日去鼎泰豐食午飯，咁順便行吓，一去台北101的鼎泰豐就拎飛，大約要等一個鐘，於是我哋就四周行吓，初初BB入咗去蘋果度搞搞震，但APPLE STORE當日有Presentation，所以唔好阻住人，
 

一出去商場就麻煩了。暴走，又唔俾人拖，又要成日衝去扶手電梯，見到人哋試食又想食，捉都捉唔住，捉到就發脾氣，拗腰，坐地下，想出去出面love地標影吓相，又周圍擒，嗚嗚想去對面馬路影幾米都唔敢啦。
好唔聽話呢，激死我。

好多人去鼎泰豐食嘢，尤其大陸人，不過好過成日都食火鍋同烤肉啦。呢間多人去食，亦都有好多位，預咗大約的輪候時間可以行一陣。

點了黑醋排骨。

醉雞好濃酒味，好入味，不過唔算好滑，但勝在脂肪少，酒味濃得嚟又唔苦。可能因為切得好薄，所以感覺份量都唔少，

乾扁四季豆，四季豆脆脆嘅口感，肉碎炒得好。

唔知叫咩名的前菜，但好食。涼拌汁酸酸辣辣，豆乾絲、海帶絲、芽菜帶來不同的口感。

炒飯，炒得好味，好香。

小籠包，皮好薄，有好多汁，夾起都不易穿，真係幾高質，加醋好好食好鮮味，不得不吃。

紅油抄手，個汁有濃郁既麻油香味，幾入味，唔算辣呀，仲有少少酸甜味，啲皮又好滑，好開胃。

擔擔麵真係幾好食，麵質彈牙，軟硬度適中，湯汁比平日吃的濃稠一點，花生香味得濃郁，唔算太辣又幾有麻味。

最後仲加點了煎鍋貼同埋豆沙鍋餅，但冇影甜品，煎鍋貼外形像日式餃子。餃子包著的蝦經過煎香後還有肉汁在裡邊，底下脆皮好脆口幫他增加了口感，咬一口裡面又有汁，好正。


爸爸媽媽我同熊人都好喜歡食上海嘢呢，呢間比起翡翠拉麵小籠包真係高幾皮，鼎泰豐點解咁多人食，因為食物真係幾好，KEEP到水準，食物唔會太濃味，清淡，食完唔會口渴。如果屋企附近可以成日食到呢啲嘢食就好啦。

20180406 - ✈宜蘭台北親子之旅(7)台北新馬辣+ 家樂福✈

4月6日星期五，
個多小時車程就到了台北，我們住西門町的台糖台北會館，房間好大呢。我們在酒店休息一會就去西門町走走。

由於前陣子旅行青蛙火紅，台灣好多地方都有蛙蛙賣，不過我因爲覺得蛙蛙好快不洗行，只是一時的時興物，沒有買呢，只想買東東給以朗而已。

好多夾公仔的，對柴犬比較有興趣，因為以朗好喜歡狗狗。



另外我們買了海邊走走的蛋捲，好貴呢，打算先上哋，好吃才買。

我們逛了一會就去新馬辣食台式火鍋。
好多嘢食，又多嘢飲，啤酒，奶茶，咖啡任飲，仲有係雪糕任食架。而火鍋材料好多款亦係非常有質素，有好吃的丸子，魚滑，牛肉有好多款，亦有好好食的豬肉，帶子，蝦都有幾款，不過掛住食冇乜影相。



以朗好厲害，一關始點了白飯加點牛肉，之後一直食豬肉片，蝦，粟米仔等，一直唔停口，最後有粟米又繼續食，我同熊人仲食了六球雪糕，以朗都有份食雪糕。

之後我哋就行去台北的家樂福行吓，一去到可以有免費氣球俾小朋友，又可以坐購物車，佢哋兩老表好開心，我亦喺度揀咗啲手信，買咗啲嘢飲，士多啤梨等。



點知最後走時落雨，門口有兩架的士，一家上一架，點知我哋嗰架拒載，我哋打算行返酒店，以為好近，點知google俾錯酒店行整都找不到，問人又冇識呢間酒店，呢個時候以朗又忽然間爆喊，想逃離孭帶，發現佢一半人仔出咗孭帶，又唔見咗隻鞋，真的好恐怖又無助，好彩找到隻鞋，最後輾轉都上到的士，的士司機安慰我哋唔駛驚，佢唔識路都幫我哋查地圖去到酒店。