☼☼麥當當+王家沙☼☼

星期六午餐食咗個火腿扒漢堡，第一次食火腿扒漢堡咋，覺得好食過豬柳蛋漢堡好多噃。

仲叫了件Blueberry cheese cake ，好食喎，雖然係baked cheese cake ，但又唔會太濃味，有啲似乳酪呀，good。

夜晚時段去了圓方，原本好想試間xxx1882，不過因為之前看過openrice.com，有啲食評話連水都唔俾杯，所以就是但去了王家沙。

無聊咩都影。

如果有得4,5個人可以坐呢個位都幾得意，啲碗碟吊起哂，幾有趣啦。

點了蟹粉小籠包，本身對蟹粉冇咩興趣，冇蟹粉好過。

担担麵。麵質好，夠韌。味道都ok，不過粉量極少，只有幾啖。

鮮茄鍋巴。得好少咋。

因為唔多夠飽，所了叫了個烤夫，其實係昂貴版齋瀂味。不過幾好食。

最後係甜品，叫咗高力豆沙，非常失望，可能因為食開金滿庭實在太好食。金滿庭的是高力豆沙香蕉，有香蕉餡的，而且上面是糖粉，不是砂糖，一咬是砂糖，好甜，唔多啱我。

可能食開金滿庭太好食，王家沙真係麻麻地。

至於點解會無端端去圓方呢，下篇再講。

♪♬♩♫ 重遊南蓮園池♪♬♩♫

食完騎尼午餐之後就去了鑽石山的南蓮園池行吓，當日三十幾度，雖然冇咩陽光，不過我慢慢散步咁行都流哂汗，啲汗係咁滴呀，香港嘅夏天真是非常悶熱。

入口。

上年年頭都影過，所以冇初次嚟覺得咁有思意，唔會好似上次咁嘩嘩聲。

天色麻麻，初初直情想落雨咁，冇落到，不過只有灰灰的天色。

見到有水，開始後悔如果用大機，就可以試吓偏光鏡影水中。上次嚟有桃紅色的花，好日本feel 架，今次冇花啦，有啲失望。 

試吓影水，大機一定會爆光，呢幅都爆光，因為我唔記得較番低個ISO。

天氣太熱，熱到死，入咗去買嘢飲，之後再坐一陣先可以繼續。咁樣影出去好似好舒服，出面啲人熱到C，出去你就知死。

荔枝沙冰，都ok。15蚊咋。

又影水，如果當時有脚架就好啦。



＊騎尼lunch◎apple green＊

話說有一日4 個人約咗星期日食飯，我唯一嘅要求係唔好過海，因為日日番工都過海，假期對過海係極度厭惡。

由於之前有個朋友提過去apple green，有兩個未試過，所以就去試吓啦，大家一直用FB的inbox聯絡，最後見到有人話book 咗位，一點鐘，我明知班友係遲到大王，每次都會有人遲到廿分鐘或以上。住最近嘅朋友K(樂富)/ 朋友M (美孚)往往係最遲。所以我都唔敢太早出門口，免得等到變化石囉。我12:35先上車。

點知....到1257就出旺角火車站時打俾其中一個最守時的S，佢話因為家中成員唔c服，令佢遲了出門口，宜家仲喺巴士上，可能會遲2-3個字，我問佢其實係新世紀，定係尖沙咀，(我一直prefer新世紀，不過怕搞錯，臨落車就confirm 一下啦，點知竟然有第三個答案......朗豪坊，唔係呀化，真係嚇到面都青，由火車站行去應該會熱c...同埋我唔知朗豪坊有呀，唔通係新開我唔知？S仲話啱啱先打咗俾訂位的朋友K，佢話佢去緊朗豪坊。

咁唯有打俾另一個去食過嘅朋友M，更令人驚嚇嘅事發生了。佢問我宜家幾多點，啱啱先起身。頂頂頂，#$%@。係唔係有病呀，乜嘢人嚟架，唔止一次架啦，不過佢100%肯定朗豪坊係冇apple green，咁我開始懷疑K有冇訂到位，佢會唔會訂了朗豪坊有間叫apple red，定係banana green 呢？佢自己都「抝」底呀，佢都打去問問先，不過佢坐地鐵已經到旺角，要坐倒車啦。最後佢終於confirm book 了新世紀，原來有人一直以為 Grand century係朗豪坊，而佢自己又冇去過，所以一心以為係朗豪坊囉。HAHAHAH俾我地笑咗好耐。

幾經折騰終於入咗去啦。可能因為BOOK 位所以個位非常隱藏，唔搵人帶位應該搵唔到，個位有殘舊旺角VIEW。

杯墊。

Carbonara 呀，呢間都好食架，Carbonara出名架。

 

 

 唔知咩雞沙律。最欣賞嗰塊唔知類似餅定蛋糕嘅嘢。

炸薯皮。好食。

呢個唔知係咩名，不過超好食，墨西哥片上有薄薄的雞肉，再加上日式醬汁及wasabi。超級好食呀。

甜品係好漏的apple crumble，好食。

每人都有叫嘢飲，不過冇影相。埋單每人唔駛百二，幾ok呀。

不過係未食之前爆騎尼囉。

☆★雲★☆

天氣很好，天很藍，浮雲像棉花糖。
不過這些時間我通常躲在辦公室，
日落時間早了，
回到家裡已經天黑。

看著浮雲，開始胡思亂想，
思想開始隨浮雲飄到老遠....

究竟人生有多少個十年？
近日的我，非常荒廢，
十年後的我，會否還是一樣？
我要好好為自己的未來打算。

※懶※

近日好懶寫blog，連FB都少玩咗，因為至從用了一次過抽好多寶箱的方法之後，日日都賺幾千銀，最新的GMB item 直情有4,5個啦，多到賣番出去，雖然我仲未釣哂啲魚同埋未抽BMB，不過唔知係唔係錢多，唔多志在，FB都少上，

不過唔代表少上網呀，只係成日去咗Youtube度睇呢樣睇嗰樣，又或者去了discussion forum睇嘢咁啦。影相都好懶呀，因為太熱，同埋有時想抖吓啦。而且九月都大把機會影啦，宜家好鬼懶呀。

不過都會影吓啲無聊相。

有一日去健康工房食咗碗蕃茄魚湯米線，三十幾蚊包埋一杯指定涼茶，算係咁啦，起碼唔味精，可以飲少少湯都唔口渴呢，我宜家好怕味精呀。一有味精就想C啦。

仲買了涼茶劵，只係平少少，不過我成日飲架，平少少都好過無啦，C9~ing

放工經過泰昌餅家買咗少少嘢食，最好食係沙翁，不過冇影相，因為要即刻趁熱食架，

以下三款糕，有芝麻糕，馬荳糕，馬碲糕，芝麻糕唔得，馬荳馬碲都好食，再之前食過紅豆糕都唔得。

有似試咗個double芝士火腿法包，好食，比較淡味，唔鹹，因為我好怕鹹。

買了一件tee...可以halloween 著，其實銀色部分好閃架。

姪仔送的，迷你版~