§dinner w/f vyvy◎青衣城IQ博士§

之前提過delete 哂啲相，不過都recover 咗部分 (1/3咋) 。嗰日其實係特登去青衣城影IQ博士，可能因為係星期六的關係，超級多人，勁多人排隊，分批入去，限時就要出番嚟。唉，唔夠時間影架，因為用大機幅幅相都要影耐啲，人又多，最慘之後仲要冇哂啲相只recover 了1/3，真係超級唔開心。

當日係去味千食lunch ，個新出嘅粟米麵唔錯，仲食咗個蕃茄蒟蒻麵，麵質好得意，好好食，不過啲湯底好味精，千祈唔好飲，因為好鬼口渴。嘢食得番一張相咋。

以下係recover 咗嘅相 (部分)。

排隊等入時，其中一段時間清場俾下一批人入時，趁冇人先影到。

其他相。

上星期四 (八月六日) 約了vyvy去青衣城又食飯，因為想探吓蕉仔。

揀了UCC，因為我想食個沙律。

大家不約而同叫了Carbonana，不過呢間係我食過的Carbonara裡最差的。唔係難食，只係根本唔似Carbonara。

沙律，我整得非常樣衰，不過奇就奇在今次有芒果呀，不過就係撈埋啲桃一齊，所以當時唔係「不」太多咋，早知係咁就攞多啲啦。

當然唔少得好味的咖啡。

蕉仔去到UCC就扭眼瞓，扭抱，但又唔願瞓噃。咁唯有輪住抱佢啦，好彩蕉仔暫時唔係一定要熟人抱，我抱都得。冇喊，蕉仔真係超級乖嘅B呀。

食完之後同李家一家三口影咗一陣IQ博士，不過最衰我趕住去拎Pet，所以一陣就要走，唔可以影多啲呢。不過都叫做補影了部分上次冇咗嘅相。

仲有vyvy補送了一份小禮物俾我做生日禮物，多謝你先，

蕉仔, vyvy 我下次再嚟探你哋啦。