╭❤╯╰❤╮赤柱- 2011.12.11

經過星期五晚拖手之後，其實有啲迷惘，究竟算唔算拍拖？因為星期日明明約咗我架，但佢星期六睇騷好夜先確定時間，令我失望了好一陣子。
最後佢11:00出門口，12:15先到我屋企，第一站就去了舂坎角，當時大家都冇咩講嘢，又想佢專心揸車。舂坎角好少人好舒服，天氣好好。
差不多去到赤柱佢就喺車度捉住我隻手，之後就全程拖住手，靜靜地，行市集，沙灘，天氣好好，仲去過赤柱墳場，赤柱是他小時候生活的地方對他來說有一定意義，原途他細說著自己小時候的故事，好SWEET。

╭❤╯╰❤╮拖手- 2011.12.10

 

12月9日星期五

去黃埔飲queenie的喜酒，之後約好了同Mandy去再飲second round大家傾吓計，訴苦。

一路都有同佢Whatsapp緊，佢知我再去飲嘢就話想過來送我返屋企，我十五十六，又想拒絕又想見佢，於是答佢我宜家聽緊個fd訴苦，如果佢接我走，咁佢點？
佢就話佢同朋友食緊嘢，可以隨時call佢，我都未決定點好，因為無端端過來接我，其實好odd。不過我都未決定好，佢就話Amy都喺TST，不如一齊飲嘢，咁點知諗住call佢又唔覆，其實再唔走就冇地鐵去旺角啦，就在地鐵尾班車就開之時，收到佢電話佢好緊張話佢過緊嚟，叫我等等佢，最後我都俾一次機會佢，俾一次機會大家。

就係咁，我，Bryan，Amy，Kerry 四個飲嘢吹水到2:30就散，坐的士到旺角再轉805s，天氣好凍，佢係都借褸俾我披，我由佢話想同我去舂坎角那一刻我已經知道佢係鍾意我，再話嚟接我就更加確定了他的心意，上到805s佢話星期四fb status的「心跳，手震」是因為那天見到我，令我好感動，
Bryan又問我仲凍唔凍，同一時間佢已經拖住咗我隻手，落車時仲攬住我行。

就喺12月10日的凌晨，我跟他走在一起了。

╭❤╯╰❤╮見面- 2011.12.7

 

12月7日星期三
同Bryan去CWB的Apple Green食飯，佢好好人，外形同FB啲相差不多，正正常常咁，算高。

7:30食飯，食到9:30去食甜品，本來我已經好飽唔想食架啦，點知佢又不停問咁問我食唔食甜品，唔知點推，之後又半推半就又食，
食完糖水佢仲要送我返屋企，由於之前已經知佢唔駛趕返工，佢又話自己冇嘢做唔怕夜，結果又俾佢半推半就送返屋企。同佢坐680，坐咗好耐呀，佢又不停同我講嘢，又講哂自己啲BACKGROUND俾我知。包括佢買賣樓幾次賺唔少錢同埋分居又要分錢呢啲比較私人啲嘅嘢。
由於返到屋企都已經係十一點半。我真係好擔心佢唔知幾夜先返到屋企，所以一直都同佢whatsapp 直到佢返到屋企為止。

之後呢？由當日(12月7日)之後，每天都有FB同whatspp，但我唔知佢想點，而我亦唔知自己想點。

每日Whatsapp 都會知道大家行踪，而佢又問我嚟緊邊日得閒，想約同Amy食飯，我話星期日/一，佢就話星期日想同我去舂坎角，我唔知咩事，冇應承去，想想地去，但又好奇怪，結果Hea答咗。

╭。☆2011印度 (8) - 阿格拉堡 (Agra Fort)☆。╮

參觀完泰姬陵之後好快就去另一個景點--阿格拉堡。

如果把泰姬陵比喻為在婚禮中受萬人讚頌的新娘子，那麼阿格拉堡便是一名看著心上人棄他而去的痴心漢子。而在三百多年前，一位痴心的老人也常常呆在阿格拉堡內幽幽地望著泰姬陵，愐懷著昔日的快樂時光。

與泰姬陵隔河相望的阿格拉堡，為沙賈汗的祖父阿克巴大帝（Akbar）於1566年開始興建。原意是阿克巴為自己興建的宮殿，但未及完成他便撒手人寰，城堡於1575年由他兒子建成。

或許泰姬的辭世對沙賈汗的打擊實在太大，傳聞正當他準備在泰姬陵對面再為自己建造一座一模一樣的黑色大理石陵寢時，一場大病使沙賈汗喪失了王位，並且給自己的兒子囚禁在阿格拉堡內。

在人生的最後九年裡，凝望著泰姬陵懷念亡妻便是沙賈汗心靈的唯一安慰。可是老父的深情似乎未能換來兒子的同情，或許是惱恨父親把原可供自己揮霍的錢都花在泰姬陵上吧。據說他曾把父親轉到背向泰姬陵的房間裡，而當他知道父親利用一組鏡子偷偷地看泰姬陵的倒影時，他乾脆命人把父親的眼皮縫上，直到幾年後才心軟命人又把線拆開。

阿格拉堡主要由紅砂石建成，相對於泰姬陵是遠遠不及了，亦因此在名氣上亦大大不如，若不是離泰姬陵這麼近，恐怕旅行團也不會參觀

╭。☆2011印度 (7) - 泰姬陵 Taj Mahal☆。╮

好懶寫BLOG。好辛苦先死一篇出嚟。

經過DAY4 一天冇行程，轉眼已經到了印度行DAY5 ，第二朝一瞓醒就去泰姬陵。我想去印度，有一半原因是為了泰姬陵，仲要出發之前有新聞提過泰姬陵根基受損，幾年後會冇咗，雖然都係吹水居多，不過令到更加多人要趁早去睇泰姬陵啦。

門口。

泰姬陵位於亞格拉北郊亞穆納河（Yamuna River）畔，是蒙兀兒帝國第五位君主沙賈汗（Shah Jahan）為紀念其愛妃 Mumtaz Mahal 的偉大愛情建築。

泰姬陵墓園佔地約六萬多平方米，入口是南面六十米高的門樓，門樓主要以紅砂石建成，並配以白色大理石雕成的蓮花圖案裝飾。通過門樓，便到達一個長約二百米的花園，花園中央是兩座長條形的水池，我們常常看到的泰姬陵水池倒影「樣板照」便是在這處拍攝的。兩座水池中間的大理石平台，再加上兩道垂直於水池的水道，把花園分成四部份，而四是伊斯蘭教的幸運數字。

不過當日前面水池冇水，因為清洗中，冇咗倒影，有啲遺憾。

當少年沙賈汗王子在一個皇室舞會中邂逅上首相女兒 Arjumand Banu，便被她深深吸引。不久後他倆便結了婚，在婚禮上皇帝賜給新娘子一個名字 Mumtaz Mahal，意思是「皇宮之光」，後人常把這名字簡稱為泰姬。（以上只是其中一個故事版本，作為旅遊背景資訊也不用那麼認真吧。）

泰姬聰穎賢慧、明艷動人，婚後甚得沙賈汗歡心。可是泰姬並沒有因此而恃寵生驕，反而隨同夫君征戰沙場。夫妻兩人十分恩愛，在十九年的婚姻生活中，共誕下十四名孩子，可惜就在要誕下第十五名孩子時不幸難產而死。泰姬臨終前要求皇帝不再續弦和為她蓋一座陵墓，這些皇帝都一一答應了，並且其後都全部實現。

泰姬陵始建於1631年，沙賈汗從國內外找來（或抓來）頂尖的建築師和工匹，動員兩萬工人，耗盡國庫金銀財帛，歷時廿二載，方才完成這項驚世傑作。傳說沙賈汗為了使後世不會再出現一座同樣美麗的建築物，在泰姬陵落成後把建築師們的眼都弄瞎了。

撞到一班印度女子去朝聖，啲衫色彩繽紛，睇到人都開心啲。

泰姬陵於1631年開始興建，總共動用印度和中亞等地的工匠，大約兩萬名，費時二十二年才建造完成。由於融合印度波斯中亞回教等風格，中央主體以白色大理石構造，由於造型比例完美，被譽為世界七大奇觀之一。而沙賈汗在位期間，雖然大肆秏費民脂民膏，為愛后興建陵墓，但是他的藝術聲名，卻因為泰姬陵獲得後世極高評價。

印度原來好多松鼠。

♡❤認識- 2011.12.1❤ ♡

今天是2012.1.1.，新年新開始。
我卻選擇由今天起補寫一個月前的事。

早於2011年11月，有位仁兄Bryan Fung 在FB 想add我，知道他是amy wong 的common friend，不過我一向很少亂add 朋友，所以都不太為意，始終fb太多自己的照片，不是朋友最好都是不要亂add好了。

11月30日
Amy 有張懷疑是靈異照片post在fb，我看過了，驚....Bryan 搭訕了幾句，所以就在12月1 日add了他。

12月1日起，我們在fb的inbox交談了幾句，文字間覺得他有點傻氣，亦不像是個壞人，不過我對網上識人係有啲戒心。

12月4日至6日，佢同我講星期六同amy & her bf 去beer festival諗過叫埋我去，我真係有啲嚇親呀，之後佢又乘勝追擊問我如果下次叫埋我，去唔去。我又因為認識Amy而好難推卻，之後原本不了了之，因為我唔提佢又唔提就冇嘢，同埋諗住拖得就拖。
點知佢呢兩日同我講佢分咗居，估唔到佢又咁坦白同我講。之後佢又約我12月7日即是聽日去食飯，我又咁啱得閒冇約人又應承咗，識人幾日就同人單獨食飯，係唔係有病呀？唉，聽日至算啦。