❁ ❁ Tea Buffet @ HPME❁ ❁

星期六都幾大雨，不過一早book 好去Harbour Plaza Metropolis 食tea buffet，出門口時都冇咩雨，而且去食吓嘢呢啲室內活動都唔錯。

我其實好少食buffet，一年可能食唔到一次。因為自己個胃唔好，自己知自己事，幾百蚊都食唔到幾多嘢，如果勉強食完之後胃痛就更加唔抵，所以dinner buffet 呢啲高昂而又永遠翻唔到本嘅嘢真係唔駛預我，

星期五即食之前一日，胃抽筋，所以食嘢都唔可以勉強。不過就算食幾少都好，點都比平日食得多咗都係傷腸胃。

 其實我第一次喺度食buffet，可以坐好多人架，當日都差不多full 哂。

 原本好想出去出面影相，不過當日橫風橫雨，所以只係住喺到影出去。 (當日我係坐窗口位)

 第一碟要先食鹹嘢頂一頂，如果淨食甜品，我估我會嘔。有沙嗲串燒，螺肉酥皮盒，炸薯皮(辣肉，不過有啲似牛肉 >__<)，豬頸肉，豬皮魚蛋，西多士等。

 之後開始甜品，有芒果布甸同唔知芒果乜乜，純粹因為靚就攞，可以影吓相(又發癲)

 對我嚟講好甜吓，最好食反而係其貌不揚的麵包焗布甸，因為我好鍾意食呢個。

 沙律好好味，有好大隻嘅日式墨魚仔。

 呢碟唔係我食嘅。

 只係食咗個冰皮芒果卷，好好食，唔甜。特別。

 杏汁燕窩，sorry 我頂唔到啲杏汁味。

日式水晶綠茶糕，

 白酒啫哩杯，食唔到白酒味，迷你撻。

 什果燉蛋。

 生滾粥。

最正係有梳乎里，blueberry cheese cake 好好食，不過只食咗一半。
狀態唔好而已我個殘廢胃唔可以一次食太多，連雪糕都冇食就收檔了。

平均每人$160。都幾抵食啦。



♣♧試機♧♣

一到星期六日就超級懶寫blog，是是旦旦post 幾張新相就算啦，六月廿二日，星期一，終於出手買咗部DSLR，不過日日都落雨，而且又要番工都未得閒周圍影相，所以求其攞啲嘢去影吓啦。

呢幅冇貼住窗口，所以有啲變形。

唔識影呀，真係好是旦咋，今日(星期六) 就有去食嘢可以真正試到部機。

原本星期日係會去影相架，不過估計天氣幾差，取消。

唔緊要，有雨就呢個星期落哂佢啦，下個星期最緊要好天呀。~


未講買咗咩機，其實睇相框就知啦，咪就係Nikon D90 kit set，問過唔少人意見，又上網search 咗好耐先決定，原本好唔鍾意佢勁重，不過發現D60配某啲lens 會幾煩，唔係用唔到，而係有啲煩。而D5000又係類似D60，所以決定買D90啦。我宜家最想買係F1.8 50mm呀。其實唔算貴，不過想搞掂識用先啦。

ヾ(◍'౪`◍)ﾉﾞ甜品日

六月十四日(星期日)

點解叫甜品日呢？

因為當日食咗好多甜品，

一早就食 custard pudding。我係好鍾意食custard架。

夜晚就去咗Cova 食甜品buffet ，因為4個人食，一個free，去咗又一城間Cova，當日少人到呢，食6:30-8:00嗰個時段，得唔知三枱定四枱。

唔係全部dessert 嘅，有少少鹹嘢，不過唔多，例如鴨胸( my favourite), ham, 炒雜菌，同埋d沙律都唔算dessert。

食少少鹹嘢之後就食甜。有puff 同埋d 好似布丁咁，黃色嘅係mango 味，綠色係綠茶?淨係知綠色食完之後個口開始唔舒服，唔知有開心果定有腰果令我敏感，好彩因為有其他嘢一齊食，又可以飲唔算好辛苦。但唔敢再食綠色pat 嘢。

有啲tart 仔，

好迷你嘅包仔，好似有ham 架...不過一啖就食咗啦。

呢個tart 仔又有我至愛的custard。good。

經典的blueberry cheese cake

個set 包一杯 drinks，可以係coffee 同juice ，夜晚唔飲coffee 了我點了西柚汁。

仲包一杯雪糕，當日只有一款指定綠色嘅雪糕，我以為係綠茶啦，我好鍾意綠茶味，點知個侍應話: 開心果雪糕.....咁即係唔駛食啦，終於知道綠色pat嘢原來係開心果，唔怪之得咁唔妥啦，朋友就話既然唔食得就叫佢換啦，

佢哋當然明白事理，因為唔少人都會食nuts 敏感，

結果我換咗杯好普通的朱古力雪糕。算啦，好過冇。

當日唔係咁好胃口，食多少少cake 就收檔了。

mango cake ...好好食

雜果cheese cake (baked) 好味。

埋單每人$155。都抵食嘅。

☼coffee in the jelly@好好飲☼

呢個星期食lunch經過新世界大廈的starbucks，lunch hour 都竟然有試飲，我望咗一眼佢哋就知我想飲，所以係咁叫我試，(可能我個樣似好貪心掛)，一試就中伏.....好好飲呀，佢俾咗Caramel coffee jelly Frappuccino俾我試，嘩！好鍾意coffee jelly呀。coffee jelly 好滑呀。不過趕時間食lunch ，所以冇買到，不過食完飯都心思思去買咗杯飲，

嘩！$38+肥爆了。

個好好人嘅小妹妹店員認得我就係先前試飲果個，佢仲介紹我，如果怕凍就可以唔揀Frappuccino，可以試coffee jelly latte，又係噃，我都幾怕凍架，下次試先。

blog 主又一強烈推介。

hhahaha，好飲到爆。

•●✿大會堂美心餐廳✿●•

六月一日 (星期一)
今日同ChanC9去大會堂美心餐廳食lunch，無錯又係ChanC9呀，因為佢係六月五日生日，所以同佢提早慶祝，(不過真係好似早咗少少呵)，而且我要還番部D60俾佢呢，

大會堂美心餐廳係食西餐，一個個set，大約一百蚊一個人咁啦，可能好多人都話貴/唔抵，不過中環搵食艱難，可以book 位嘅餐廳都要咁嘅價錢，我好耐之前食過一次咋，當時都未係金融海嘯，印象中幾多人食，幾full，嘢食好企理，幾大份，不過service 就差啲，唔係話佢態度差，而係啲人太慢，成日漏嘢，效率比較低。 :P


不過今次一去到就覺得唔同哂，好少人，可能因為少人，所以service 好好多，同埋效率高咗好多，

今次坐另一面，舒服好多。

奶茶不過不失。好過大家樂，唔及茶餐廳。 

餐包

上次冇周打蜆湯，今次終於試到了，好飲，夠濃。

ChanC9點了佢至愛的羊架，佢鍾意食羊。

我就食咗芒果沙律龍脷柳，因為炸魚，所以唔腥。

幾好食，又坐得舒服，日 後有機會會再去食。

癲噹@借機(⊙＿⊙)

五月三十日 (星期六)

落雨天陰足足一星期，忽然好好天，終於可以出去行吓。因為之前借了ChanC9的大機都冇出過街影相呀， (聲明: ChanC9 講明只會借機俾我咋)，

先去食嘢先，又係沙田Pokka，室內唔算好光，不過影相都唔會濛，影人就更加好，唔用flash 都唔會震，不過有我個c樣嘅相係唔會post 上blog嘅，

食了個lunch set

係大蝦+Ribs

不過估唔到有飯團呀。

有甜品

北海道牛奶咖啡係FREE嘅。

之後在沙田四周影相，唔知點解有個主題叫「癲噹」

不過啲嘢都幾搞笑，幾得意架。

有啲仲好抵死tim。脫墨，修眉，消脂。

知唔知咩叫無事出街少破財？版主親自示範，當日行行下就買咗兩對鞋加一個手袋，當日鞋店有抽獎，抽到隻Hush Puppies 嘅狗仔。雖然冇咩用，不過好過抽啲唔知咩Coupon 叫你下次用，下次又用喎，咁咪變無底深潭？

星期日經過公園影嘅花，啲色好假哇。

飲茶食嘅雷沙湯圓。

另外呢兩幅係端午節時影花。

無聊亂炒一碟的blog，報告完畢。