五月份食咗兩餐比較特別的午餐，
第一餐係5月20日同Cat Family , ChanC9去飯堂大吉食lunch ，大吉已經成為咗我哋飯堂，而去大吉最好都係叫魚生，最好唔好叫炸物，
我大部分時間都係食粒粒魚生飯，所以今次食三色丼，即係有三種魚生，本身係帶子，三文魚同埋甘油魚，我就好多時都加十蚊轉甜蝦，加十蚊可以轉甜蝦/ 三文魚，而想轉海膽好似要加廿蚊，不過我唔鍾意食海膽，所以慳番。
另一餐係五月尾同同事慶生，今次係去香港大學校友會，即係寧波嗰座大廈，我未食過呢間架，好似因為太多人食嘅關係，依家一定要有HKU 的學生證或舊生會number 先可以食，聽同事講，以前呢度裝修好殘舊，不過宜家新裝修過就ok 正常，
之前大家都去openrice 睇睇有咩好食，所以大概知有咩係必食，
當日點咗杏汁豬肺湯，我本身都幾怕杏汁啲味，成日覺得好似藥水味，不過呢個湯都唔覺藥水味，聽講好養顏架，要飲多啲至得。
蝦多士，我本身好鍾意食蝦多士，呢個成隻蝦，實啱我。
咕嚕肉，ok唔會好油。
翡翠生魚片，我冇食，因為係西芹同埋對啲魚冇咩興趣，不過聽聞原來魚入面有條火腿架，幾特別同多手工咁噃。
荷葉飯，要預訂先有架，個飯大到不得了，我估有十幾廿碗，不過我覺得好好味，啲飯好入味，我食咗兩碗呢。
仲有青菜同蒸肉餅，ok 質素(無相)
最後係杏仁茶，本身又係好怕似藥水味，不過呢個一啲都冇呀，所以都食哂呀。
沒有留言:
張貼留言