♣♧試機♧♣

一到星期六日就超級懶寫blog，是是旦旦post 幾張新相就算啦，六月廿二日，星期一，終於出手買咗部DSLR，不過日日都落雨，而且又要番工都未得閒周圍影相，所以求其攞啲嘢去影吓啦。

呢幅冇貼住窗口，所以有啲變形。

唔識影呀，真係好是旦咋，今日(星期六) 就有去食嘢可以真正試到部機。

原本星期日係會去影相架，不過估計天氣幾差，取消。

唔緊要，有雨就呢個星期落哂佢啦，下個星期最緊要好天呀。~


未講買咗咩機，其實睇相框就知啦，咪就係Nikon D90 kit set，問過唔少人意見，又上網search 咗好耐先決定，原本好唔鍾意佢勁重，不過發現D60配某啲lens 會幾煩，唔係用唔到，而係有啲煩。而D5000又係類似D60，所以決定買D90啦。我宜家最想買係F1.8 50mm呀。其實唔算貴，不過想搞掂識用先啦。