20170713 - ☆★好返好多★☆

7月13日星期四。

BB終於都冇餅水，但仲有痰聲，唔駛睇醫生，不過屋企啲藥就清哂倉。

 

BB差不多好返時一食藥就好嬲，其實BB食藥已經唔算太難搞，你同佢玩玩吓佢就會食，但食到最尾差不多好返時佢真係好嬲呢。

 

傷風冇乜事，人都好生猛，個樣成日都古古惑惑。不過佢宜家就爛面，佢成日都有少少濕疹喺塊面同埋口之間位置，可能因為口水多，不過有時都好嚴重，又乾又紅，我明顯覺得BB食完西藥就比較嚴重，可能因為西藥太乾，扯乾哂身體內裡的水份吧。

我哋一般都會勁塗凡士林，有時好似個循環咁，爛完又好，好完又爛，激死，好大機會喺姐姐湊BB豬時冇幫佢塗凡士林吧。

 

BB星期日仲要影相，希望快啲好返先至靚靚。