20170707 - ◊♦上岸料理♦◊

7月7日星期五，

今日同朋友食生日飯。。

BB病了，好多鼻水，好掛念，叫爸爸影相俾我睇，唉，隱約見到有鼻水

約了八點尖咀，七點放工去買少少嘢先。

 

見到金車厘子平平，因為要盡快食，四十幾蚊就買啲試吓。

今日係我的生日飯，去上岸料理，尖沙咀棉登徑7-9號地下B舖 ，幾年前仲有去棉登徑飲嘢，點知幾年冇去，發現棉登徑已經唔同哂，冇咩BAR飲嘢，反而開咗好多高級食店。酒吧的沒落，這條酒吧街逐漸進化成為食街: 拉麵、燒肉店、日本料理、西餐等的進駐，比以往更熱鬧。

其中一間位於街中的日本料理店：上岸料理。門面極之低調的簡約，沒有窗戶可窺探內裡的情況，長掛布更遮蓋了趟門上唯一的玻璃，更顯神祕感。

下單後的前菜 -
加了醋調味的青瓜跟海蜇，冰涼口感，有啲微酸，好食。

豐富的「雜錦刺身」（$700）是這夜的主角，海膽、中吞拿魚腩、三文魚腩、牡丹蝦、帶子、竹簽魚、鯛魚和帶子都被網羅其中。各款刺身都新鮮，中吞拿魚腩與三文魚腩兩者都甚肥美， 海膽十分新鮮，平日很少吃海膽的我都不介意多吃一點用，帶子肥美鮮味。

新鮮程度有點像在日本築地市場吃到的。

鹽燒牛舌，我唔食牛，不太清楚。

 

三文魚及吞拿魚壽司，這個有點失望，因為紫菜不夠新鮮，有點腍，脆口一 點才合格。

鰻魚飯，鰻魚燒得很有光澤油潤，肥美鬆化，而且夠厚身，賣相誘人，而且鰻魚份量多，飯比較少，幾乎把飯也覆蓋。加上鰻魚汁融入魚肉當中，可以用來撈飯。珍珠米飯香腍軟，伴勻醬汁後，飯魚比例適中，可以每口飯都有鰻魚。

天婦羅，一般，有點油。好像東京那店子好味一點。

 

明太子雞翼 $38，這個等了很久，外層燒得香脆，包著惹味的明太子，咸咸的佐酒一流。

 

炸軟殼蟹 ，香脆可口，食時啖啖肉，配上醬油食更加鮮味。

 

黑松露烏冬，香濃的黑松露帶點芝士味。烏冬彈牙，味道和口感都是不錯，師傅還以火灸令面頭有烤過效果，不過其實很重口味。

高質素的日本料理，這頓生日飯好好吃，令我可以一解對日本相思之苦。

返到家BB病但貪玩，可能鼻水鼻塞，BB成晚睡不好。