20130315 - ◈◈板前壽司◈◈

補寫倫敦遊又要停一停。

寫吓平日啲嘢先。
3月15日星期五。
放工同熊去旺角遊逛。
人多，出地鐵時有個阿嬸對住個一路行一路按手機的女仔鬧，講哂粗口咁，成條街啲人都聽到，幾好笑，完全不顧身勢。
又係陪熊睇波t鞋，佢好似睇極都唔厭咁。
XD
之後想去食california pizza kitchen，等幾十張枱，有病。

其他拉麵又麻麻地
反而隔離的板前冇人食。
唔駛等位，星期五夜晚好少有。

 

 迥轉枱上冇嘢揀，多數是自己order╴點咗啲唔知咩魚，反正是推介又唔貴而且幾好食就係啦。

象蛂蛘幾好食，仲有吞拿等，都幾好食。

 帶子有九蚊至十幾蚊一件，揀了件九蚊都唔錯。另外三文魚腩超級好食。

 做樣的魚？

 迷你鰻魚飯，少到不得了。得個面，下面是墊高了。得幾啖，食件手卷好過。

 我喜歡加州卷，不過呢度整得好難食。
好腍身。元氣好食得多。

 鰻魚手卷，唔及元氣好食。

總括魚生就板前多啲揀，但壽司就元氣好食啲。
之後仲買了豆腐花，打算在巴士食，不過好多人。最後都係留番喺屋企樓下食。