☼☀ 這星期....☀ ☼

成個星期都好多TEA，不過我大部分時間都要OT到8,9點，食完TEA唔一定食晚飯，冇咩所謂，唔會肥死的。

星期三原本打算去搞啲轉名手續，請了半天假，不過最後決定只轉股息的過戶ACCOUNT，by post都得啦。最後就當係陪媽咪半日，近來早出晚歸，星期日又上咖啡班，好少時間陪媽咪，難得放半日weekday，人少行吓都舒服啲，媽媽好開心有人陪...不過之後我要ot番兩日，兼且半日annual leave 都值5,6百蚊架，冇咩假，好肉痛，
當日食咗個lunch，豬頸肉炒意粉，辣辣地唔錯，但就油咗啲。

當日都唔係冇貢獻的，開始將部電腦(desktop)搬去個賤人間房度，notebook擺入自己間房，間房當堂大哂，好多位，遲啲可以將啲衫搬埋過去，唔駛再煩惱自己咁多衫擺喺邊。

星期五老闆上北京，大家作反，我哋team在conference room食lunch。
conference好好環境，終於可以用iphone影低吓，我好記得幾年前仲喺舊公司度做，嚟呢度開會時，覺得呢度個view好正，好高級，點諗到自己會喺呢度番工吖，到咗呢兩年真係開會時，都成日俾呢個view吸引架，不過喺呢度番工又唔覺得有咩高級咗吖，咪又係咁，個人cheap去到中環都係cheap架啦，

 之前在360買咗支cocktail有13.9%酒精喎，當日每人飲少少，有兩人個同事飲完好似關公咁紅....好彩大老闆唔出聲咋。

 食咗kfc又食咗啲三文治，點知4點又有tea，今次係12/f隔離dept有人升，又請全層樓食muffin，今次是香蕉有啲合桃苦苦地，冇咁甜，好味啊，不過冇咩香蕉味。