20130208 - •●✿行花市✿●•

2月8日星期五。

星期六係年廿九，放假，再加補假今年係初四，所以今年新年難得有五日長假。正。
一早就放工，見好多人係公司大堂影棵桃花王。
我又唔執輸影吓，幾有氣勢。SEND張相俾熊睇啦，佢問我乜仲要桃花咩？(駛唔駛咁呀。)
如果要都只係要淨係同熊行的桃花運就夠啦。

 熊約了朋友食飯，咁我又唔想同成班男人食飯，但我又想行花市，因為聽日放假嘛。
所以我返屋企食先出嚟。
嚟到都11點幾LU。
我想再行吓睇吓見唔見到間條熊呀。
媽媽之前批死冇間條熊，佢話間條熊好核突唔會有人買... -_-"
不過仲有呀，但係細版間條熊。
仲有波點兔，即刻買了波點兔，可以陪間條熊。

 都幾多人行花市，好彩天氣涼返，如果唔係實熱死。
好少影相。

 有啲WHATSAPP 表情公仔咕o臣

 都幾得意，不過唔係太似。

 另一間靚啲。

 再行行吓，見到上年賣間條熊間嘢，但冇了間條熊啊。
有其他款，好SHARP好正，

 好迫，行一半就算，仲買了隻鳥。
之後食嘢，啲腸仔好味，但其他就麻麻，好貴搶錢的。
返到去都成3:00。

 波點兔返家同間條熊一齊。
我係波點兔，係間條熊條女，大家多多指教。